რუსეთი და თურქეთი ვაჭრობის ეროვნულ ვალუტებში გადაყვანაზე შეთანხმდნენ

რუსეთი და თურქეთი ვაჭრობის ეროვნულ ვალუტებში გადაყვანაზე შეთანხმდნენ

access_time2019-10-09 20:00:56


რუსეთი და თურქეთი გეგმავენ გააფართოვონ სავაჭრო ურთიერთობები რუბლებში და ლირებში, რუსული პლასტიკური ბარათების თურქეთში გამოყენების გააქტიურებაზე და თურქული ბანკების მიერთებაზე SWIFT-ის რუსულ ანალოგთან. შესაბამის შეთანხმებას მოაწერეს ხელი რუსეთის ფინანსთა მინისტრმა ანტონ სილუანოვმა და მისმა თურქ კოლეგა, ბერატ ალბაირაკმა - იტყობინება რუსეთის ფინანსთა სამინისტროს პრეს-სამსახური.



დოკუმენტის მიზანია თანდათანობითი გადასვლა ერთმანეთთან შორის ვაჭრობაში დოლარიდან რუბლებზე და ლირებზე. თუმცა, ეს არაა მარტივი საკითხი და ამისთვის საჭიროა შესაბამისი ინფრასტრუქტურის მომზადება და კომპანიებს შორის ანგარიშსწორების უწყვეტობის უზრუნველყოფა - ნათქვამია ინფორმაციაში.
მეორე შეთანხმება



ეს არის საგარეო ვაჭრობის დედოლარიზაციასთან დაკავშირებული რუსეთის მიერ დადებული მეორე შეთანხმება - პირველი იყო ჩინეთთან, თუმცა ფინანსთა მინისტრის მოადგილის ალექსეი მოისეევის თქმით, ის იყო მხოლოდ მთავრობათაშორისი მემორანდუმი, რომელიც ატარებდა ჩარჩო ხასიათს და არ იყო სავალდებულო მხარეებისთვის.



თურქეთთან ამჟამინდელი გარიგება ითვალისწინებს მთელ რიგ კონკრეტულ ღონისძიებებს - რუსული ბარათების მიღების ინფრასტრუქტურის ზრდას თურქეთში, თურქული ბანკების მიერთებას SWIFT-ის რუსულ ანალოგთან, სახელმწიფო ობლიგაციების გამოშვებას რუბლებში და ლირებში ორივე ქვეყნის ბაზრისთვის.
რუსული SWIFT, (ფინანსური შეტყობინებების გადაცემის სისტემა СПФС) შეიქმნა 2014 წელს, როდესაც რეალურად დადგა რუსეთის საერთაშორისო სისტემიდან გათიშვის საფრთხე. მასში მონაწილეობს თითქმის 400 სუბიექტი, ძირითადად, რუსული სახელმწიფო კორპორაციები და ბანკენი.



უცხოელებს შორის რუსული სისტემა არ სარგებლობს დიდი მოთხოვნით. მასში მონაწილეობს მხოლოდ ბელორუსული „Белгазпромбанк“, რომელიც ეკუთვნის „გაზპრომს“ და ყაზახური ევრაზიული ბანკი.


2019 წელს რუსეთმა შეწყვიტა SWIFT-ის გამოყენება იარაღით ვაჭრობის გარიგებებში.



რაც შეეხება თურქეთს, ამ ქვეყანასთან რუსეთის ვაჭრობის 20% უკვე მიმდინარეობს ეროვნულ ვალუტებში. თუმცა, ვაჭრობის 65% მაინც დენომინირებულია დოლარებში, ხოლო 13% - ევროში.




2018 წლის შედეგების მიხედვით, რუსეთის და თურქეთის საგარეო ვაჭრობის ბრუნვა შეადგენს 25,6 მლრდ. დოლარს.
მოლაპარაკებები ამ საკითხზე უკვე დიდი ხანი მიმდინარეობს.


აგვისტოს მოსკოვის ოლქის ერთ-ერთ ნაგავსაყრელზე სრულიად შემთხვევით აღმოჩენილ იქნა რუსეთის ფინანსთა სამინისტროს დოკუმენტაცია, სადაც საუბარი იყო სწორედ თურქეთთან ვაჭრობაში ეროვნული ვალუტების გამოყენებაზე, რუსული ბარათების მომსახურეობაზე თურქეთში და ა.შ., ერთი სიტყვით, ყველაფერზე, რაზეც მოეწერა ხელი შეთანხმებაში.


მაშინ რუსეთის ფინანსთა სამინისტრომ დაადასტურა, რომ ასეთი მოლაპარაკებები მართლაც მიმდინარეობდა.



ვაჭრობა ლირებში ნაკლებად სავარაუდოა



„საეჭვოა, რომ რუსეთი და თურქეთის სურვილი უარი თქვან დოლარებზე,“ - განაცხადა აშშ-ს ფინანსთა სამინისტრის სანქციების განყოფილების უფროსმა მრჩეველმა ბრაიან ო-ტულმა.


მისი თქმით, ლირა იმდენად დამოკიდებულია დოლარზე, რომ მისი მნიშვნელოვანი ჩამოშორება ამერიკული ვალუტისგან ნაკლებადაა მოსალოდნელი.
„ბოლოს და ბოლოს, ეს დამოკიდებულება იმდენად ძლიერია, რომ დონალდ ტრამპის ტვიტებიც კი მკვეთრად აუფასურებს ლირას,“ - მიიჩნევს ის.


«Ренессанс Капитал»-ის მთავარი ეკონომისტი ჩარლი რობერტსონი თვლის, რომ რუსულ-თურქული შეთანხმება შესაძლოა განხილულ იქნას განცხადებების ფონზე იმის თაობაზე, რომ რუსეთი ეცდება გადავიდეს ნავთობით ვაჭრობაში ევროზე.



თურქული ლირის არასტაბილურობა ნიშნავს იმას, რომ მოსკოვი და ანკარა შეეცდებიან ვაჭრობის გაფართოვებას რუსულ რუბლებში.
„თუმცა, მე ველოდი, რომ უპირატესობა მიენიჭება ევროს,“ - ამბობს რობერტსონი.


ის ასევე ვარაუდობს, რომ რუსი ინვესტორები იყიდიან მეტ აქტივებს თურქულ ლირაში, ხოლო თურქი ინვესტორები - რუსულ რუბლებში.



საგარეო ვაჭრობის დედოლარიზაცია



ვაჭრობის დედოლარიზაციაზე რუსეთი და თურქეთი პირველად შეთანხმდნენ 2014 წლის სექტემბერში. ხოლო 2018 წელს მათ შორის მოხვდა დიდი ფინანსური გარიგება ეროვნულ ვალუტაში - კერძოდ, რუსეთმა მიჰყიდა თურქეთს საზენიტო კომპლექსი С-400 დოლარების გარეშე.


2019 წლიდან რუსულ ბარათებს მოემსახურება თურქეთის უმსხვილესი ფინანსური ინსტიტუტი - Isbank.



თუმცა, ამ ეტაპზე ძნელია იმის პროგნოზირება, რამდენად საინტერესოა ბიზნესისთვის ვაჭრობა ისეთ არასანდო ვალუტებზე როგორც რუბლი და ლირა.
2019 წელს რუსეთმა მოაწერა ხელი ანალოგიურ მემორანდუმს ჩინეთთან, თუმცა კონკრეტული შეთანხმება ჯერაც არაა ხელმოწერილი პეკინის მხრიდან ნაკლები ინტერესის გამო.
მოსკოვმა ასევე დადო ხელშეკრულება ვაჭრობის დედოლარიზაციასთან დაკავშირებით ყირგიზეთთან, ასევე იგეგმება ეროვნულ ვალუტებში ანგარიშსწორების ზრდა ინდოეთთან, იაპონიასთან, მონღოლეთთან, ვიეტნამთან, ინდონეზიასთან და ეგვიპტესთან.


ირანის ცენტრალური ბანკის ინფორმაციით, სადღეისოდ რუსულ-ირანული ვაჭრობა მთლიანად მიმდინარეობს ეროვნულ ვალუტებში.



თენგიზ აბლოთია





ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს

ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს
access_time2019-12-09 21:00:20
ეროვნული ორკესტრის ხელმძღვანელი ნიკოლოზ რაჭველი საკონცერტო დარბაზის უქონლობაზე სოციალურ ქსელში  წერს და მთავრობას მოუწოდებს ამ საკითხის მიმართ მეტი სენსიტიურობა გამოიჩინონ. „კომერსანტი“სტატუსს უცვლელად გთავაზობთ:   "ეჰ, რამდენ რამეზე ვფიქრობ, რამდენ ვინმეზე ვფიქრობ...   მაგრამ ახლა მაინც ყველაზე მეტად ვფიქრობ ჩვენს ქვეყანაზე, მოსაგვარებელ პრობლემებზე და მათ შორის ჩვენი ეროვნული ორკესტრის ისევ გადაუჭრელ და ჩემთვის გულის გახეთქვამდე მტკივნეულ...

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე
access_time2019-12-09 19:15:54
„სრული პასუხისმგებლობით მინდა გითხრათ, რომ არც ერთ ადამიანზე, ვინც არ უნდა იყოს და რა რანგის მატარებელიც, ხელის დაფარება არ მოხდება“, – ამის შესახებ ფინანსთა მინისტრმა, ივანე მაჭავარიანმა დღგ-ს თაღლითობის საქმესთან დაკავშირებით განაცხადა. “გამოძიებაში ყველა საგამოძიებო უწყებაა ჩართული. თემა უმაღლეს პოლიტიკურ დონეზეა აყვანილი, შესაბამისად არანაირი დანდობა ამ მიმართულებით არ იქნება,”-აღნიშნა მაჭავარიანმა. მისივე თქმით, 100-მდე...

ევროკავშირმა Facebook-ის კრიპტოვალუტა აკრძალა

ევროკავშირმა   Facebook-ის კრიპტოვალუტა აკრძალა
access_time2019-12-09 20:00:53
ევროკავშირის ფინანსთა სამინისტროებმა  Facebook-ის ვირტუალური ვალუტის - ლიბრას  მოძრაობა აკრძალეს. აღნიშნული შეეხება ასევე  სხვა „სტებლკოინებს“, ანუ კრიპტოვალუტებს, რომლებიც მიმაგრებულია ან ჩვეულებრვი ვალუტებთან, ამ საქონელთან. მინისტრებმა განაცხადეს, რომ დღევანდელი კანონმდებლობა ჯერ არაა მზად ახალი საგადამხდელო საშუალების მისაღებად. მთავრობების...

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“
access_time2019-12-09 17:00:10
„ჩემთვის სრულიად გაუგებარია, რატომ ახდენს  ჯანდაცვის სამინისტრო ჰოსპიტალური  ბიზნესის მოგების დემონიზაციას, მითუმეტეს, როდესაც სამედიცინო დაწესებულების მოგების მარჟა არის საკმაოდ დაბალი“,- ასე აფასებს ჯანდაცვის მინისტრის განცხადებას კლინიკა „პინეო სამედიცინო ეკოსისტემის“ დირექტორი იაგო კალანდაძე. ტელეკომპანია იმედის ეთერში ეკატერინემ ტიკარაძემ განაცხადა, რომ მისთვის მიუღებელია, ჯანდაცვა განიხილოს როგორც მომგებიანი...

„სოკარის“ ეკონომიკური ექსპანსია ქართულ ენერგეტიკაში

„სოკარის“ ეკონომიკური ექსპანსია ქართულ ენერგეტიკაში
access_time2019-12-09 15:45:00
აზერბაიჯანული სახელმწიფო კომპანია”სოკარი” ქართულ ბაზარზე უკვე მრავალი წელია ოპერირებს. “სოკარი” მულტინაციონალური კომპანიაა და ის საქართველოს გარდა 5 სხვა ქვეყანაშია წარმოდგენილი. კომპანია საქართველოში”სოკარ ჯორჯია პეტროლიუმი”-ს სახელით 2006 შემოვიდა და მას შემდეგ არაერთ დარგში ოპერირებს. კომპანია პირველ ეტაპზე მხოლოდ ბენზინისა და დიზელის იმპორტს და რეალიზაციას ეწეოდა, თუმცა სხვადასხვა დროს სასათბურე პირობებითა, თუ კანონის გვერდის ავლით, მისი...


მსგავსი სიახლეები

up