რუსეთი ჩინეთის მოქალაქეებისთვის საზღვრებს კეტავს. 20 თებერვლიდან რუსეთში შესვლა ჩინეთიდან ყველა ვიზიტორისთვის აკრძალული იქნება. პრემიერ-მინისტრმა მიხეილ მიშუსტინმა ხელი მოაწერა ბრძანებულებას, რომელიც ჩინეთის მოქალაქეების რუსეთში შესვლას კრძალავს. ამის შესახებ ინფორმაცია, ჟურნალისტებს კორონავირუსის წინააღმდეგ ბრძოლის ოპერატიული შტაბში განუცხადეს.
რუსეთში დაწესებული აკრძალვა ჩინეთის ყველა მოქალაქისთვის წესდება, იმის მიუხედავად თუ რა მიზანს ემსახურება, მათ შორის: ტურისტული, საქმიანი, საგანმანათლებლო თუ პირადი მიზნებისთვის ვიზიტი. გადაწყვეტილება სახელმწიფოს უსაფრთხოების უზრუნველსაყოფად, საზოგადოებრივი ჯანმრთელობის დაცვისა და ახალი კორონავირუსული ინფექციის არარსებობის მიზნით იქნა მიღებული.
ასევე, რუსეთის ხელისუფლებამ დროებით შეაჩერა ჩინეთის მოქალაქეების რუსეთში შესვლისთვის დოკუმენტების მომზადება, მათ შორის, ვიზის მისაღებად დოკუმენტების მომზადება, მოწვევის გაცემა და ა.შ. ნებისმიერი დოკუმენტის მიღება დღეიდან ჩერდება.
„შეზღუდვა სატრანზიტო მგზავრებზე გავლენას არ მოახდენს“, - განმარტა ვიცე-პრემიერ მინისტრის მოადგილემ ტატიანა გოლიკოვამ.
აღსანიშნავია, რომ 2019 წელს რუსეთში ჩინეთის სახალხო რესპუბლიკის 2,3 მილიონი მოქალაქე ჩავიდა. აქედან 1,5 მილიონი ჩინელი ტურისტული მიზნებისათვის, ხოლო 321 ათასი კი - ბიზნესისთვის ჩავიდა.
rbc.ru
ნინო თამაზაშვილი