რუსები მართლმადიდებელ პატრიარქებში განხეთქილებასა და ათონის მთაზე მღვდელმთავრების მოსყიდვას ცდილობდნენ

რუსები მართლმადიდებელ პატრიარქებში განხეთქილებასა და ათონის მთაზე მღვდელმთავრების მოსყიდვას ცდილობდნენ

access_time2018-08-13 21:00:00

რუსეთსა და საბერძნეთს შორის ურთიერთობები უკიდურესად დაიძაბა. საბერძნეთის ხელისუფლება ოფიციალურ მოსკოვს მის შიდა საქმეებში ჩარევაში, საბერძნეთ-მაკედონიას შორის მიღწეული შეთანხმების ჩაშლის მცდელობაში, ასევე - ათონის მთაზე გავლენის მოსაპოვებლად ბერძენი მღვდელმთავრების მოსყიდვისა და ახლო აღმოსავლეთის მართლმადიდებელ პატრიარქებს შორის განხეთქილების ჩამოგდების ცდაში ადანაშაულებს.

 

შეგახსენებთ, რომ მაკედონიასთან, მისი სახელწოდების გამო, საბერძნეთს წლების განმავლობაში დაძაბული ურთიერთობა ჰქონდა და სწორედ საბერძნეთის გამო იბლოკებოდა მაკედონიის გაწევრიანება ნატო-სა და ევროკავშირში.

 

ორიოდე თვის წინ კი მიღწეული იქნა შეთანხმება, რომ მაკედონია ოფიციალურ სახელწოდებას შეიცვლის და, შესაბამისად, ნატო-სა და ევროკავშირისაკენ მიმავალ გზაზე მისთვის უკანასკნელი დაბრკოლებაც მოიხსნება. საბერძნეთის ხელისუფლება რუსეთს სწორედ ამ შეთანხმების ჩაშლის მცდელობაში ადანაშაულებს.

 

საერთაშორისო საკითხებში პოლიტიკური ექსპერტი სოსო ცინცაძე მიიჩნევს, რომ, პუტინის მოლოდინის მიუხედავად, მაკედონიის ნატო-ში შესვლასთან დაკავშირებული საკითხის გაჩენისა და იმის შემდეგ, რაც ორმა ქვეყანამ მაინც მიაღწია ერთგვარ შეთანხმებას, რუსეთი არ მოელოდა, რომ საბერძნეთი არ მიემხრობოდა მას და არ გაატარებდა პრორუსულ პოლიტიკას.

 

ეს სკანდალი ერთი თვის წინ დაიწყო, როდესაც 11 ივლისს საბერძნეთიდან რუსეთის საელჩოს 2 თანამშრომელი გააძევეს, კიდევ 2 რუს დიპლომატს კი საბერძნეთში შესვლა აუკრძალეს. მაშინ ბერძნულმა მედიამ მხოლოდ ერთი გაძევებულის ვინაობა დაასახელა - ათენში რუსეთის საელჩოს თანამშრომელი ვინმე ვიკტორ იაკოვლევი.

 

რუსული მედიის ცნობით, ამის შემდეგ რუსეთში საბერძნეთის საელჩომ რუსეთის საპატრიარქოს წარმომადგენლებისათვის საბერძნეთის ვიზების გაცემა პრაქტიკულად შეწყვიტა.

 

6 აგვისტოს რუსეთის საგარეო საქმეთა სამინისტროში გამოიძახეს მოსკოვში საბერძნეთის ელჩი ანდრეას ფრიგანასი და გადასცეს ნოტა, რომლის მიხედვითაც, რუსეთი საბერძნეთის არამეგობრულ ქმედებებზე საპასუხოდ ქვეყნიდან აძევებდა საბერძნეთის საელჩოს 2 თანამშრომელს - მოსკოვში საბერძნეთის საელჩოს კომერციულ წარმომადგენელსა და საელჩოს საკომუნიკაციო მომსახურებაზე პასუხისმგებელ პირს. გარდა ამისა, ქვეყანაში შესვლის უფლებას კარგავს საბერძნეთის საგარეო საქმეთა სამინისტროს პოლიტიკური ბიუროს მეთაური იორგოს საკელარიუ.



9 აგვისტოს კი რუსეთის საგარეო საქმეთა სამინისტრომ ოფიციალური ნოტით მიმართა საბერძნეთის ხელისუფლებას და განმარტებები მოითხოვა, თუ რატომ არ უშვებდბნენ საბერძნეთში რუს სასულიერო პირებს.

 

საბერძნეთის ხელისუფლებისაგან ამას მკვეთრი რეაქცია მოჰყვა. რუსეთში საბერძნეთის ელჩი მოსკოვიდან ათენში გაიწვიეს, საბერძნეთის საგარეო სამინისტრომ კი საგანგებო განცხადება გაავრცელა, სადაც აღნიშნავს, რომ ბერძენი დიპლოატების გაძევება რუსეთის მხრიდან ერთგავრი შურისძიება და აბსოლუტურად უსაფუძვლო საქციელია:

 

რუსეთის საგარეო საქმეთა სამინისტროს გადაწყვეტილება არ ემყარებოდა კონკრეტულ მტკიცებულებებს, განსხვავებით ბერძნული მხარის გადაწყვეტილებებისაგან, რომელმაც წარმოადგინა კონკრეტული მტკიცებულებები ქვეყანაში რუსი მაღალჩინოსნებისა და მოქალაქეების უკანონო საქმიანობასთან დაკავშირებით. რუსეთის ფედერაციის გადაწყვეტილება შურისძიების ერთ-ერთი საშუალება იყო, თუმცა - უსაფუძვლო, - ნათქვამია განცხადებაში.

 

აქვე წერია, რომ არც ერთი ქვეყანა არ მოითმენს სხვა ქვეყნის მხრიდან მისი ჩინოვნიკების მოსყიდვის, მისი საგარეო პოლიტიკის ჩამოშლისა და შიდა საქმეებში ჩარევის მცდელობებს.

 

გარდა ამისა, ივლისში ბერძნული პრესა წერდა, რომ კერძო პირები რუსეთის ინტერესების გასატარებლად საბერძნეთის მუნიციპალიტეტების მოქრთამვას ცდილობდნენ, ასევე ცდილობდნენ საბერძნეთის ეკლესიის მაღალი რანგის იერარქების კეთილგანწყობის მოპოვებას ათონის მთაზე რუსული გავლენის გასაძლიერებლად.

 

მთელ კვირასთან საუბრისას სოსო ცინცაძემ აღნიშნა, რომ, პირველ რიგში, რუსეთის მოლოდინი არ გამართლდა და სწორედ ამის გამო ჩაერია საბერძნეთის საქმეებში, რაც საბოლოოდ რუსი დიპლომატების გაძევებით დასრულდა:

 

რუსეთისთვის არ არსებობს თანასწორუფლებიანი მოკავშირე. პუტინი თვლიდა, რომ თავის დროზე საბერძნეთისთვის გაწეული მცირედი ფინანსური დახმარება ქვეყანას დაავალდებულებდა მის წინაშე. ის მიიჩნევდა, რომ საბერძნეთს ყოველმხრივ პრორუსული პოლიტიკა უნდა გაეტარებინა.

 

თუმცა, როდესაც გაჩნდა მაკედონიის ნატო-ში გაწევრიანების საკითხი და მაკედონის სახელის შეცვლა გახდა საჭირო, საბერძნეთი ამის წინააღმდეგი იყო, რაც რუსეთს აწყობდა. საბერძნეთის ხელისუფლება, ამერიკის ან ევროპის ზეწოლის, შესაძლოა, დარწმუნების შედეგად წავიდა კომპრომისზე და ქვეყნებს შორის გაფორმდა ხელშეკრულება, რამაც მწვანე შუქი აუნთო მაკედონიის ნატო-ში გაწევრიანებას. ამას მოჰყვა საბერძნეთში რეფერენდუმი და რუსეთის ფედერაციის პირდაპირი და უხეში ჩარევა.

 

ბერძნებმა ეს ჩათვალეს საკუთარი სუვერენიტეტის დარღვევად და ის ორი დიპლომატი, რომლებიც განსაკუთრებით აქტიურობდნენ, პერსონა ნონ გრატად გამოაცხადეს, რაც რუსეთმა არ აპატია, - ამბობს ცინცაძე.

 

მისივე თქმით, საბერძნეთს რუსეთთან ურთიერთობების სამუდამოდ გაფუჭება არ აწყობს და შესაბამისად, მომავალში არაფერი მნიშვნელოვანი არ უნდა მოხდეს.

 

რა თქმა უნდა, ეს რუსეთისთვის ძალია ცუდია, რადგან ის უკვე ბალკანეთშიც ზედიზედ კარგავს მოკავშირეებს - დაიწყო ჩერნოგორიით, ამას მიჰყვება მაკედონია და შემდეგ - საბერძნეთი. რუსეთის დიპლომატია დამარცხდა მისთვის ისტორიულად უმნიშვნელოვანეს რეგიონ ბალკანეთში.

 

მაგრამ საბერძნეთს დიდი ხნით რუსეთთან ურთიერთობის გაფუჭება არ აწყობს, მიუხედავად იმისა, რომ ნატო-ს წევრი ქვეყანაა. ვფიქრობ, რომ მნიშვნელოვან შედეგებსა და ურთიერთობების გამწვავებას ეს არ გამოიწვევს, - აღნიშნა მთელ კვირასთან საუბარში ცინცაძემ.

 

მისივე თქმით, ერთი მხრივ, ამ კონფლიქტმა მართლმადიდებელ სამყაროში უკვე რელიგიური სახეც მიიღო, რომელიც, სავარაუდოდ, სულ მალე დასრულდება:

 

ეს უკვე რელიგიურ კონფლიქტადაც შეგვიძლია, მივიჩნიოთ, რადგან უკრაინის ეკლესია ითხოვს ავტოკეფალიას, სრულ დამოუკიდებლობას რუსეთის ეკლესიისაგან. აქ ჩარეულია საბერძნეთიც, რუსეთის ეკლესიაც და ამას მოჰყვა ის ფაქტიც, რომ რამდენიმე მოძღვარი არ შეუშვეს ქვეყანაში. ეს მრავალწახნაგოვანი კრიზისის გამოხატვაა, განსაკუთრებით რუსეთის მართლმადიდებელი ეკლესია ძალიან მტკივნეულად განიცდის უკრაინაში მიმდინარე ამ პროცესს.

 

უკრაინა კი თავისუფლებისთვის იბრძვის და მიიჩნევს, რომ საეკლესიო საკითხებში პოლიტიკაა ჩარეული. მას უნდა, რომ მიიღოს სრული დამოუკიდებლობა. მიუხედავად იმისა, რომ ჩვენი ეკლესია ჯერჯერობით თავს იკავებს, არც ის უნდა დავივიწყოთ, რომ მაინც მოგვიწევს გადაწყვეტილების მიღება - დაუჭერს თუ არა საქართველო უკრაინის ავტოკეფალიას მხარს.

 

მოსკოვსა და კიევს შორის ეს რელიგიური დაპირისპირება გუშინ არ დაწყებულა. როგორც ჩანს, ეს კონფლიქტი მიდის თავისი ლოგიკური დასასრულისკენ - იქნება გამწვავება და შემდეგ იქნება გადაწყვეტილების მიღება, - განაცხადა სოსო ცინცაძემ.


წყარო: რეზონანსი




ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა

ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
access_time2020-06-02 13:30:49
ქალთა ეკონომიკური გაძლიერების პრინციპების განხორციელების მიზნით, ლიბერთი ბანკის სასწავლო ცენტრის, შერჩეული ექსპერტებისა და ტრენერების ბაზაზე 27 მაისს ჩატარდა სპეციალური ტრენინგი მეწარმე ქალებისთვის საქართველოს რეგიონებიდან თემაზე - „მეწარმე ქალი - კარგი მენეჯერი“. აღნიშნული ტრენინგით დაიწყო ტრენინგების ციკლი, რომელიც ითვალისწინებს დამწყები, მცირე მეწარმე და ფერმერი ქალების ინფორმირებას, გარკვეული ცოდნისა და უნარ-ჩვევების შეძენას და ასევე, მათ მხარდაჭერას პროფესიული განათლების...

„ეროვნული ბანკის ნაბიჯები კომერციულ ბანკებს კაბალური ოპერაციები წარმოების საშუალებას აძლევს“-ამერიკაში მოღვაწე ფინანსისტი კახა ჩარგეიშვილი

„ეროვნული ბანკის ნაბიჯები კომერციულ ბანკებს კაბალური ოპერაციები წარმოების საშუალებას აძლევს“-ამერიკაში მოღვაწე ფინანსისტი კახა ჩარგეიშვილი
access_time2020-06-02 14:30:07
ამერიკის შეერთებულ შტატებში მოღვაწე ქართველი ფინანსისტი ექსკლუზიურად „კომერსანტთან პოსტ-პანდემიურ პერიოდში მსოფლიოს ეკონომიკური პოტენციალის გადანაწილებაზე საუბრობს. ფინანსისტი, რომელიც წლების განმავლობაში მუშაობდა გლობალურ საინვესტიციო ბანკებში (Citigroup, Bank of America, Merrill Lynch, BCS Global Investment Bank) მედიაჰოლდინგს უყვება, თუ პორტ-პანდემიის პერიოდში რა მაკროეკონომიკური ნაბიჯები უნდა გადადგას საქართველომ ეკონომიკური ზრდის მისაღწევად....

„სახელმწიფოს მხრიდან არანაირი მხარდაჭერა არ გვქონია“ - სავალუტო ჯიხურები სავარაუდოდ 8 ივნისიდან გაიხსნება

„სახელმწიფოს მხრიდან არანაირი მხარდაჭერა არ გვქონია“ - სავალუტო ჯიხურები სავარაუდოდ 8 ივნისიდან გაიხსნება
access_time2020-06-02 13:30:16
სავალუტო ჯიხურები სავარაუდოდ 8 ივნისიდან გაიხსნება. ამის შესახებ „კომერსანტთან“ „საქართველოს ვალუტის გადამცვლელთა ასოციაციის“ აღმასრულებელმა დირექტორმა ნინო ქავთარაძემ განუცხადა. „სავარაუდოდ სავალუტო ჯიხურების გახსნა 8 ივნისს იგეგმება, ოფიციალურად ამის შესახებ ინფორმაცია ჯერჯერობით არ გამოქვეყნებულა, თუმცა მარეგულირებელისგან გვაქვს მსგავსი ინფორმაცია. მოგვიწევს ჯანდაცვის სამინისტროს რეკომენდაციების დაცვა და იმ გაიდლაინების შესრულება რაც საფინანსო სექტორისთვისაა...

სკანდალური სატელეფონო საუბრის შემდეგ ცნობილი ადვოკატი „ლიდერფუდის“ საქმეს ჩამოშორდა

სკანდალური სატელეფონო საუბრის შემდეგ ცნობილი ადვოკატი „ლიდერფუდის“ საქმეს ჩამოშორდა
access_time2020-06-02 13:01:44
ხორცპროდუქტების მწარმოებელი უმსხვილესი კომპანია „ლიდერფუდის“ ყოფილი დამფუძნებლისა და გენერალური დირექტორის, ირაკლი დუმბაძის მიერ გამართული პრეს-კონფერენციის შემდგომ, სადაც მან გარკვეული ბრალდებები გააჟღერა „ლიდერფუდის“ ამჟამინდელი მფლობელის, მისი სიმამრის, დავით ზეიკიძის მიმართ, სააგენტო xnews.ge -მა ზეიკიძესთან ექსკლუზიური ინტერვიუ ჩაწერა. დუმბაძემ, მათ შორის, თქვა, რომ მის ადვოკატს, პაატა სალიას, დავით ზეიკიძე პირადი საუბრების გასაჯაროებით ემუქრებოდა. ინტერვიუს...

„ეკომარტი“ - ნატურალური და ეკომეგობრული პროდუქტების ონლაინ მაღაზია გაიხსნა

„ეკომარტი“ -  ნატურალური და ეკომეგობრული პროდუქტების ონლაინ მაღაზია გაიხსნა
access_time2020-06-02 11:55:59
დღეიდან მომხმარებლებს შეუძლიათ, ონლაინ სავაჭრო პორტალ www.ecomart.ge-ზე შეიძინონ ნატურალური პროდუქტები. ნებისმიერ შეკვეთას თბილისის მასშტაბით სასურველ მისამართზე ერთი თვის განმავლობაში უფასოდ მიიღებენ. გარემოსადმი მეგობრული კონცეფციით შექმნილი მაღაზია საქართველოში წარმოებულ ხარისხიან და ეკოლოგიურ პროდუქციას უყრის თავს. ეკომრავალფეროვნება „ეკომარტის“ მთავარი უპირატესობაა. სასურსათო პროდუქტები, საკვები დანამატები,...


მსგავსი სიახლეები

up