როვგან ალიევი - აზერბაიჯანის და საქართველოს მთავრობების მეგობრობა უპრეცედენტო დონეზეა

როვგან ალიევი - აზერბაიჯანის და საქართველოს მთავრობების მეგობრობა უპრეცედენტო დონეზეა

access_time2021-09-18 14:15:04

"ილჰამ ალიევის მოკითხვას გადავცემ პრემიერ-მინისტრს, აზერბაიჯანის და საქართველოს მთავრობების მეგობრობა და ერთობა დღემდე არნახულ დონეზეა აყვანილი, სტრატეგიულ და სხვა ფაქტორებშიც ერთობლივი ძალისხმევა და თანამშრომლობა გვაკავშირებს- ამის შესახებ "სოკარის" პრეზიდენტმა როვნაგ აბდულაევმა მარნეულის მუნიციპალიტეტის სოფელ ყიზილაჯლოში, ახალი სპორტკომპლექსის გახსნის ღონისძიებაზე სიტყვით გამოსვლისას განაცხადა. "სოკარის"  პრეზიდენტმა აღნიშნა, რომ საქართველოს მთავრობის მიერ აზერბაიჯანისთვის შექმნილი პირობების შედეგია ის, რომ აზერბაიჯანმა მილიარდ 200 ათასის მოცულობის ინვესტიცია განახორციელა საქართველოში. მისივე თქმით, საქართველოში გაზიფიცირება 90%-ზეა აყვანილი და ეს შედეგი მსოფლიოს რამდენიმე ქვეყანაში ფიქსირდება.

 

 "აზერბაიჯანის რესპუბლიკის პრეზიდენტის, ილჰამ ალიევის მოკითხვას გადავცემ პრემიერ-მინისტრს და ყიზილაჯლოს მოსახლეობას. გადმოგცემთ მისგან სალამს, ლოცვას და წარმატებებს გისურვებთ. როგორც ღრმად პატივცემულმა პრემიერ-მინისტრმა აღნიშნა, სახელმწიფო ნავთობ-კომპანია საქართველოში წარმოდგენილია როგორც დიდი ინვესტორი და იმისთვის, რომ ურთიერთობები უფრო მაღალ დონეზე ავიყვანოთ, ორ ქვეყანას შორის ურთიერთობები მაღალ დონეზე უნდა იყოს. დღეს მე შემიძლია გითხრათ, რომ აზერბაიჯანის და საქართველოს მთავრობების მეგობრობა და ერთობა დღემდე არნახულ დონეზეა აყვანილი და სტრატეგიულ და სხვა ფაქტორებშიც ერთობლივი ძალისხმევა და თანამშრომლობა გვაკავშირებს. ჩვენ მოხარულები და კმაყოფილები ვართ საქართველოში ჩვენი საქმიანობით, რადგან ეს საქართველოს მთავრობის მიერ ჩვენთვის შექმნილი პირობების შედეგია. მილიარდ 200 ათასის მოცულობის ინვესტიცია განხორციელდა საქართველოში და მთავარი ის არის, რომ საქართველოს მთავრობის მხარდაჭერით  შექმნილი პირობებით მსგავსი პროექტების განხორციელების საშუალება გვეძლევა. საქართველოში მცხოვრები თანამემამულეების, საქართველოს საზოგადოებაში მონაწილეობის და სრულფასოვანი წევრობისთვის ყველაფერს გავაკეთებთ, პროექტებს განვახორციელებთ, ხელს შევუწყობთ, რადგან აზერბაიჯანელებმა საქართველოს საზოგადოებრივ ცხოვრებაში სრულად უნდა მიიღონ მონაწილეობა და რა თქმა უნდა, ეს ყველაფერი საქართველოს მთავრობის მაღალი დონის ხელშეწყობის საფუძველზე მოხდება. დღეს მე შემიძლია გითხრათ, რომ ჩვენი ინვესტიციების დიდი ნაწილი გაზიფიცირებაშია მიმართული. 300 მილიონზე მეტი ინვესტიციაა განხორციელებული საქართველოში გაზიფიცირების სფეროში. საქართველოს მთავრობა აქტიურად გვეხმარება, რომ გაზიფიცირების ინვესტირება ფართოდ განხორციელდეს. ზოგი ისეთი სოფლებია, სადაც გაზიფიცირებას ვახორციელებთ, რომელმაც შესაძლოა ეკონომიკური სარგებელი არ მოგვცეს, მაგრამ საქართველოს მთავრობის ხელშეწყობით, მათი პროგრამებით, იქაც კი შეგვყავს გაზი და გაზიფიცირება ხდება. მთავრობა მხარს უჭერს ამ მნიშვნელოვან პროექტებს, რათა ყველა სოფელს ჰქონდეს გაზი . დიდი სიამაყით მინდა გითხრათ, რომ საქართველოში გაზიფიცირება 90%-ზეა აყვანილი. დამიჯერეთ, ეს შედეგები მსოფლიოში სულ რამდენიმე ქვეყანაშია. მათ შორის, აზერბაიჯანში გაზიფიცირების მაჩვენებელი 96%-ზეა, საქართველოში კი ეს მაჩვენებელი 90%-ია. ირანში ქვეყნის 70%-ია გაზიფიცირებული, საქართველოში 90%-ზეა აყვანილი  ეს პროგრამა. ამ პროექტის განხორციელებაში საქართველოს მთავრობისაგან აქტიური მხარდაჭერა გვქონდა წლების განმავლობაში. ყიზილაჯლოში ეს პროექტი, რომელიც მთავრობის მხარდაჭერით აშენდა, 1 წლის წინ დაიწყო მთავრობასთან ერთობლივი თანამშრომლობით და მხარდაჭერით. ხელი ხელს ჩავკიდეთ და შედეგი იქნა დადებული. ასევე, ლაგოდეხში იყო ერთობლივი პროექტი, საბავშვო ბაღი აშენდა, სხვა ბევრი პროექტი იქნა განხორციელებული, სკოლები და სხვა სოციალური პროგრამები, რაც შევძელით, რომ წარმატებით განგვეხორციელებინა. წეღან სპორტის მასწავლებელმა მომახსენა, რომ ამ სოფელში ბევრი სასახელო სპორტსმენები გაზრდილან და მე დარწმუნებული ვარ, რომ ეს დარბაზი ბევრ ოლიმპიურ ჩემპიონს გაზრდის. ახლახანს დასრულდა ოლიმპიადა. მე ძალიან სპორტული ადამიანი ვარ და ვადევნებდი თვალს ოლიმპიადას.ძალიან სასიხარულო იყო, რომ ქართველი სპორტსმენები ძალიან კარგად წარდგნენ ოლიმპიადაზე და კარგი შედეგები დადეს. მე ისევე გახარებული ვიყავი, როგორც ქართველი ერი ხარობდა მათი წარმატებით და დარწმუნებული ვარ, რომ ყიზილაჯლოელიც გახდება ჩემპიონი", - განაცხადა როვნაგ აბდულაევმა.






რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up