„როსტერის“ ხელმძღვანელი: მოგვხედონ მეფრინველეებს და გაგვათავისუფლონ დღგ-სგან

„როსტერის“ ხელმძღვანელი: მოგვხედონ მეფრინველეებს და გაგვათავისუფლონ დღგ-სგან

person access_time2016-03-04 15:06:04

უკვე რამდენიმე წელია ბიზნესი ქართული ქათმის ხორცის დღგ-სგან განთავისუფლებას ითხოვს. ამ თემაზე შპს „როსტერის“ ხელმძღვანელი როსტომ პაპიძე „ბიზნესკონტაქტთან “ საუბრობს:


- ამ ეტაპზე შეიცვალა თუ არა მდგომარეობა უკეთესობისკენ ან უარესობისკენ თქვენი მოთხოვნებიდან გამომდინარე, რა არის აქტიური საკითხი რაზეც თქვენ გჭირდებათ აქტიური კომუნიკაცია ხელისუფლებასთან?


- არაფერი არ შეიცვალა. ვერ მოიცალა სახელმწიფომ ჩვენთვის და აუცილებლად უნდა მოიცალოს. პრემიერის იმედი გვაქვს, ვინაიდან ვაკვირდებით, რომ იგი ხვდება მცირე მწარმოებლებს. უშუალოდ ისმენს მათ გულისტკივილს და დარწმუნებული ვარ გუნდი ამ ყველაფერს იწერს და სამომავლოდ შეუწყობენ ხელს. ვფიქრობ, რომ აუცილებლად მოგვაქცევს ყურადღებას და გამოყოფს გუნდს, რომელიც ჩვენს ნააზრევს დაითვლის და დარწმუნებული ვარ სახელმწიფო დარჩება მომგებიან პოზიციაში. 


- თუ სწორად გავიგე, თქვენი მოთხოვნა არის, რომ დღგ გაუქმდეს მწარმოებლებისთვის მეფრინველეობის მიმართულებით. ეს იმ ფონზე როდესაც სოფლის მეურნეობაში ყველა მიმართულება გათავისუფლებულია შესაბამისი გადასახადისგან. 


- საქართველოში სოფლის მეურნეობის ყველა პროდუქცია გათავისუფლებულია დამატებითი გადასახადისგან, გარდა ქათმისა და კვერცხისა. ეს ცალსახად გვაყენებს არათანაბარ პირობებში. მითუმეტეს თუ გავითვალისწინებთ არ მგონია მომხმარებელს შეეძლოს 18%-ით მეტის გადახდა. როდესაც ჩვენ 18%-ით მეტს ვარიცხავთ საქონელს, შესაბამისად მომხმარებელი ვეღარ ყიდულობს გაძვირებულ პროდუქციას და ყიდულობს უსახელო და უგვარო ქვეყნებიდან შემოტანილს გაყინული პროდუქტის სახით, რომელიც შედარებით იაფია. 



- რა სარგებელს მოიტანს მეფრინველეობისთვის დამატებითი გადასახადის მოხსნა? 


- მოგებული დარჩება ფერმერიც, სახელმწიფოც და მომხმარებელიც. ასევე ჩვენ ვიცით, რომ საქართველოში ხორციელდება სხვადასხვა პროგრამები - უფასო მიწის მოხვნა, ასევე აწარმოე საქართველოს ფარგლებში და ა.შ. რასაც მივესალმებით და მოგვწონს კიდეც. მაგრამ ავიღოთ კონკრეტულად ის ფერმერი, რომელმაც მიწა დაამუშავა სახელმწიფოს ხელშეწყობით. მან რომ მარცვალი გაყიდოს, უნდა იყიდოს მეფრინველემ, მეღორემ და ა.შ. ჩვენ ვიყიდეთ იორმუნღალოს ნაკვეთიდან 1250 ტონა მარცვალი, რომელიც ვიცით რომ ხარისხიანია და სხვებიც ასე ფიქრობენ, რომ ქართული პროდუქტი უფრო ხარისხიანია ვიდრე უკრაინული და რუსული. როდესაც ვიყიდეთ მარცვალი, მას არ მოყვება დამატებითი ღირებულების გადასახადი. ჩვენ ვარიცხავთ ზედ იმისთვის, რომ სახელმწიფოს მივუტანოთ 18% და იხდის მომხმარებელი, ის ვინც ქათმის ხორცის შესყიდვას აპირებს. მაგრამ ვეღარ იხდის მომხმარებელი. ამბობს, რომ კარგი და ხარისხიანია, მაგრამ ურჩევნია იყიდოს გაყინული უფრო იაფად. 


– თქვენი ლოგიკიდან გამომდინარე ნიშნავს თუ არა, რომ მეფრინველეობის ბიზნესის წარმომადგენლები ფაქტიურად არ სცდებიან ბრუნვის 200 ათასიან ზღვარს, რომელიც მათ უკვე დღგ-ს წარმოქმნის საშიშროების წინაშე დააყენებდა და შესაბამისად ეს არის მათი განვითარების ჭერი?


–  არსებობს დაახლოებით 2500 დან 3000-მდე მცირე ფერმერი, რომელიც სადღაც 200 000-მდე განვითარდა. უფრო ზევით, თვითონაც იციან, რომ განწირულები არიან. თუ გაცდებიან ამ ზღვარს, ნიშნავს, რომ 18%-ით ძვირი პროდუქტი დარჩებათ ხელში და აუცილებლად სახლში წავლენ. 


- რა გზავნილი გაქვთ, რა უნდა გაიგოს მთავრობამ და რას სთავაზობთ. ცოტა უფრო დეტალურად სამუშაო ჯგუფზე რომ ისაუბროთ? 


- მე ვიცი, რომ ყველა შეხვედრიდან დადებითი პოზიცია აქვს სახელმწიფოს წარმომადგენელს, მაგრამ ამას ჭირდება კარგად დაჯდომა და მუშაობა,


 –  რა შედის ბიუჯეტში, რა ზარალი ან მოგება უნდა ნახოს, ეს ბიზნესი თუ განვითარდა მომავალში, ამის კალკულაცია არ გაკეთებულა? 


– დარწმუნებული ვარ, რომ ქათმის ხორცის წარმოებას რა შეაქვს ბიუჯეტში, ეს არ დათვლილა კარგად. თუ დათვლიან ნახავენ, რომ არ შედის 3 მილიონზე მეტი. 62 მილიონი ტონა ქათმის ხორცია შემოსული გასულ წელს. დაახლოებით ეს ხორცის რაოდენობა, რომ საქართველომ აწარმოოს 3000 კაცი მაინც დასაქმდება ამ საქმეში, უამრავი ფერმა დაემატება და შემდეგ სოციალური საშემოსავლო გადასახადი უფრო მეტი იქნება, ვიდრე დღგ შედის დღეს ბიუჯეტში. ამას უნდა კარგი დათვლა. დათვლის თუ არა სახელმწიფო, იმ წუთას მიხვდება, რომ ეს არის მათთვისაც მომგებიანი. უბრალოდ ამას ჭირდება მოცლა ჩვენთვისაც, მოგვხედონ ჩვენც და დარწმუნებული ვარ გაგვათავისუფლებენ დღგ-სგან. დავამატებ, რომ რეგიონში ყველგან დამატებითი ღირებულების გადასახადი არსად არ არის. რეგიონალურად არათანაბარ პირობებში ვართ და ქვეყანაშიც. რომელიმე დარგს შეიძლება სახელმწიფო სუბსიდირებით ეხმარებოდეს და აქ ეუბნება, რომ 18%-ით მეტი გადამიხადეთ მხოლოდ თქვენ. ეს ძალიან ძნელია და ცუდია, ასე ვერ განვითარდება დარგი.




კომპანიას, რომელიც ჯარისკაცებს საკვებით ამარაგებდა, ხელშეკრულება შეუწყდა

კომპანიას, რომელიც ჯარისკაცებს საკვებით ამარაგებდა, ხელშეკრულება შეუწყდა
access_time2021-02-26 16:06:22
კომპანია "ნიმა", რომელმაც სამხედრო მოსამსახურეებისთვის ღორის ხორცით მომარაგებაზე გამოცხადებულ ტენდერში გაიმარჯვა, ხელშეკრულება შეუწყდება.   მიზეზი ხელშეკრულებით გათვალისწინებული ვალდებულების შეუსრულებლობაა.   სსიპ „სახელმწიფო შესყიდვების სააგენტოს“ მიერ ღორის ხორცის შესყიდვის მიზნით გამოცხადებულ კონსოლიდირებულ ტენდერში გამარჯვებულად გამოვლინდა შპს „ნიმა “, რის შემდეგაც აღნიშნულ კომპანიასთან გაფორმდა შესაბამისი ხელშეკრულება. კომპანიამ ვერ უზრუნველყო...

ყველაფერი დაკეტილია, ტურისტი არ შემოდის ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია

ყველაფერი დაკეტილია, ტურისტი არ შემოდის  ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია
access_time2021-02-26 14:59:30
ეკონომიკის ყოფილი მინისტრი, გიორგი ქობულია „ბიზნესპარტნიორთან“ საქსტატის მიერ გამოქვეყნებულ მონაცემებს აფასებს, რომლის მიხედვითაც, 2021 წლის იანვარში, წინა წლის შესაბამის პერიოდთან შედარებით, ეკონომიკა 11.5%-ით შემცირდა.   მისი განცხადებით, ეკონომიკის შემცირება ბუნებრივი პროცესია იმ პირობებში, როდესაც ეკონომიკა გაჩერებულია. „როდესაც ტურისტი არ შემოსულა ქვეყანაში, რომლის ეკონომიკის უზარზარი წილი ტურიზმზე დგას, გასაკვირია? რესტორანი არ მუშაობს, მაღაზია დაკეტილია, ტურისტი არ...

როდესაც წელს -11%-იანი ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ - ზვიად ხორგუაშვილი

როდესაც წელს -11%-იანი  ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ -  ზვიად ხორგუაშვილი
access_time2021-02-26 14:00:08
„იქიდან გამომდინარე, რომ გაჩერებული ვიყავით, ასეთი ეკონომიკური ვარდნა მოსალოდნელიც იყო და დიდი ალბათობით ეს ტენდენცია თებერვალშიც გაგრძელდება. შესაძლოა როგორც იანვარში გვაქვს ეს არ იყოს ორნიშნა რიცხვი, მაგრამ კლების ტენდენცია გარდაუვალია – ასე გამოეხმაურა ფინანსისტი ზვიად ხორგუაშვილი იანვარში ეკონომიკის 11%-ით შემცირებას. მისი განცხადებით, როდესაც 2020 წელი  6%-იანი...

იანვარში საქართველოს ეკონომიკა 11.5%-ით შემცირდა

იანვარში საქართველოს ეკონომიკა 11.5%-ით შემცირდა
access_time2021-02-26 11:22:05
წინასწარი შეფასებით, 2021 წლის იანვარში საქართველოს ეკონომიკა 11.5%-ით შემცირდა,- ამის შესახებ საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა.   „დღგ-ს გადამხდელ საწარმოთა დეკლარირებული მონაცემების მიხედვით, 2021 წლის იანვარში წინა წლის შესაბამის პერიოდთან შედარებით, სახეზე გვაქვს საქართველოს ეკონომიკის 11.5%-იანი ვარდნა “, - აღნიშნა გოგიტა თოდრაძემ.   მისივე განცხადებით, 2021 წლის იანვარში, წინა წლის...

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია
access_time2021-02-26 11:00:14
„ბუნებრივია, არასტაბილურ გარემოში ინვესტიციებს არავინ ჩადებს, ეს კი სერიოზულ დარტყმას აყენებს ქვეყნის ეკონომიკურ მდგომარეობას, რომელიც ისედაც რთულ ვითარებაშია კოვიდის გამო,“ - ამის შესახებ „კომერსანტთან“ ფინანსისტმა და ყოფილი პრეზიდენტის მრჩეველმა თემურ ბასილიამ ისაუბრა. პოლიტიკური დაძაბულობა საქართველოში ამერიკაში...


მსგავსი სიახლეები

up