Rosbalt: საქართველოს პრემიერ-მინისტრი „რუსების დამცველი” გახდა

Rosbalt: საქართველოს პრემიერ-მინისტრი „რუსების დამცველი” გახდა

access_time2019-09-05 20:00:21

მთელი ზაფხული, რუსეთის სახელმწფო სათათბიროს დეპუტატის სერგეი გავრილოვის „პროვოკაციული ვიზიტის“, „რუსოფობიულად“ შერაცხული საპროტესტო აქციების დარბევის შემდეგ, ქართული ოპოზიცია და საზოგადოებრივი მოძრაობის ნაწილი მოითხოვდა შინაგან საქმეთა მინისტრის გიორგი გახარიას გადადგომას,   ამის შესახებ Rosbalt.ru

 

თუმცა, როგორც ჩანს, მმართველი „ქართული ოცნების“ ლიდერისთვის ბიძინა ივანიშვილისთვის გახარია არ აღმოჩნდა ის ადამიანი, რომელიც შესაძლებელია გაიწიროს - პირიქით, ის უნდა წახალისდეს. და ეს გაკეთდა კიდეც  - პრემიერ-მინისტრი მამუკა ბახტაძე გადადგა და მის პოსტზე მმართველმა პარტიამ წარადგინა სწორედ გახარია.

 

იურიდიულად ეს არის ყველაზე მაღალი პოსტი საქართველოში, სადაც მოქმედებს საპარლამენტო რესპუბლიკა.

 

მიზეზები, რომელთა გამო გადადგა ივანიშვილის ყოფილი ფავორიტი მამუკა ბახტაძე, რომელსაც ეკავა ეს თანამდებობა დაახლოებით 1 წელი, ზუსტად არავინ იცის. თუმცა, ეს ადვილი მისახვედრია - ბახტაძე არასაკმარისად „,მაგარია“ დღევანდელი ქართული რეალობისთვის.

 

მეოცნებეების“  ბოსმა შეაქო მთავრობის მეთაური „კულტურული გადადგომისთვის“, თავად პრემიერმა კი ახსნა, რომ შეასრულა თავისი მისია - „შეიქმნა სტრატეგიული განვითარების ჩარჩოები, დაიწყო მათი დანერგვა და მდგრადობის უზრუნველყოფა.

 

თუმცა, ქვეყნის სოციალურ-ეკონომიკურ მდგომარეობს ამის არაფერი ეტყობა, მაგრამ ვის აწუხებს ასეთი წვრილმანები?

 

საქმე იმაშია, რომ პრემიერ-მინისტრად დაინიშნა ადამიანი, რომლის გადადგომასაც ითხოვდა ოპოზიცია და საზოგადოების საკმაოდ სერიოზული ნაწილი. გახარიას გაპრემიერებას მოჰყვა ახალი პროტესტები, რაც შესაძლებელია ისევ გადაიზარდოს მასობრივ გამოსვლებში.

 

ის, რომ ბევრისთვის საძულველი „ძაღლი“ გახდა პრემიერ-მინისტრი, ოფიციალურად გახდა ცნობილი საპარლამენტო სესიის გახსნის დღეს, თუმცა  ჭორები  უკვე დიდი ხანია რაც ვრცელდებოდა.

 

თბილისი ამოძრავდა - პარლამენტის შენობასთან გაკეთდა „სირცხვილის დერეფანი“ სადაც ყველა გამვლელ უმრავლესობის დეპუტატს აცილებდნენ სტვენით და შეძახილებით -  „მონა!“.


 

სტვენა გაგრძელდა ასევე სხდომათა დარბაზში - ამჯერად ოპოზიციონერი-დეპუტატების მხრიდან.

 

პარლამენტის კედლების მიღმა საპროტესტო აქციის მონაწილეები სკანდირებდნენ : „სირცხვილი!“, “მთავრობა გახარიას გარეშე!“, „სულ დაყრუვდით?“..

 

თუმცა, ისმის კითხვა - რას ერჩიან გახარიას?

 

ითვლება, რომ მას ვერ აპატიეს გავრილოვის ფაქტორით გამოწვეული საპროტესტო აქციის დარბევა, რომლის მინისტრობის დროსაც დაშავდა 200 ადამიანი. ოპოზიცია მიიჩნევს, რომ პოლიციამ გამოიყენა გადამეტებული ძალა, რამდენიმე პოლიციელი ამის გამო დაითხოვეს კიდეც, თუმცა, გახარია დარჩა.

 მეტიც, ის დააწინაურეს, რაც საპროტესტო ელექტორატმა აღიქვა, როგორც „ფურთხი ქართველი ხალხის სახეში“, და სავარაუდოდ, გახარიას მოწინაამღდეგეები ასე მარტივად არ დაწყნარდებიან.  შესაბამისად, ქვეყანას ელის ახალი საპროტესტო ტალღა.

 

საზოგადოების დაშოშმინების მიზნით ივანიშვილს მოუწევს დათმობებზე წასვლა - ისევე, როგორ ივნისში, როდესაც ის დათანხმდა საპარლამენტო არჩევნების ჩატარებას პროპორციული სისტემით.

 და მაინც, ვინაა გახარია, რომელსაც ზოგი ვერ იტანს, ზოგი კი ადიდებს... რატომ ასოცირდება მისი პიროვნება რუსულ-ქართული დარეგულირების მორიგ ეტაპთან? რატომ „გამოძვრა“ ისევ მოსკოვი?

 

შესაძლოა, ეს აიხსნება იმით, რომ ის 6 წელი სწავლობდა მოსკოვის უნივერსიტეტში, სადაც პოლიტიკურ მეცნიერებათა მაგისტრის ხარისხი, შემდეგ განაგრძო სწავლა იგივე მოსკოვის უნივერსიტეტის უმაღლეს ბიზნეს-სკოლაში, წლების მანძილზე მუშაოდა კერძო სტრუქტურებში და ჰქონდა თავისი ბიზნესი რუსეთში.

 საქართველოში მისი წარმატება დაიწყო 2013 წლიდან. ბოლო პოსტი იყო შინაგან საქმეთა მინისტრის თანამდებობა.

 

ამ პოზიციაზე ის არ გამოირჩეოდა რბილი მიდგომით - პირიქითაც  - 20 ივნისის აქციის დაშლის გარდა, მომხრეები მიიჩნევენ მის მიღწევად „წესრიგის დამყარებას პანკისში“ და სპეცოპერაციების ჩატარებას ღამის კლუბებში ნარკოვაჭრობის წინაამღდეგ.

 მოკლედ, წესრიგიც დაცვის კუთხით, გახარიას ჰყოფნის სიმაგრე - თუმცა, ამავე დროს რატომღაც კრიმი​ნალის დონე საქართველოში მაინც იზრდება...

 

პარალელურად, ახალი საკადრო გადაწყვეტილებით  ბევრი დარჩა კმაყოფილი   - კერძოდ, არის აზრი, რომ მას შეუძლია საერთო ენის გამოძებნა რუსეთთან, რადგანაც  დიდხანს ცხოვრობდა მოსკოვში, იცნობს რუს ხალხს, და შემორჩა  სერიოზული კავშირები.

 ზოგისთვის ასეთი რეკომენდაცია მიმზიდველია, ზოგისთვის კი ეს აუცილებლად გახდება ახალი პრემიერის პრორუსულობაში დადანაშაულების მთავარი საბაბი.

 

როგორც ჩანს, პარლამენტში, სადაც მმართველ პარტიას აქვს სრული უმრავლესობა, გახარიას დამტკიცება არ იქნება რთული. თუმცა ეს არ ნიშნავს, რომ მისი შემდგომი საქმიანობა იქნება ასეთივე მშვიდი და მარტივი - მის და ზოგადად ხელისუფლების კრიტიკა გაგრძელდება როგორც სუბიექტური, ასევე ობიექტური მიზეზების გამო, და ეს პროცესი გაძლიერდება არჩევნების მოახლოვებასთან ერთად.

 გახარიას სახით ივანიშვილმა მიიღო „რკინის ხელთათმანი“, თუმცა არ არსებობს იმის გარანტია, რომ „ქართული ოცნება“ მოიგებს არჩევნებს. საქართველოში შეიქმნა ძალიან მძიმე სოციალურ-ეკონომიკური ვითარება - უმუშევრობა და სააკაშვილის დაბრუნების შიში  იქნება გადამწყვეტი ფაქტორი.

 

სწორედ ამ რისკების გამო დაინიშნა გახარია პრემიერად  - მისი მომხრეები ამბობენ, რომ ივნისში მან ჩაშალა მორიგი „ვარდების რევოლუციის“  გენერალური რეპეტიცია ქვეყანაში.



Rosbalt.ru


თეგები:
Rosbalt



ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„კონკურენცია დაბალბიუჯეტიან ავიაკომპანიებთან და Georgian Airways-ის კრიზისი“

„კონკურენცია დაბალბიუჯეტიან ავიაკომპანიებთან და Georgian Airways-ის კრიზისი“
access_time2020-01-23 10:45:43
„სახელმწიფო აეროპორტების გაერთიანების მეშვეობით, დაბალფასიან ავიაკომპანიებს სახელმწიფო ბიუჯეტიდან ათეულობით მილიონი დოლარით აფინანსებს.  თითოეულ ტურისტზე, რომელიც ჩამოდის ქვეყანაში მათ დაახლოებით 70 ევროს უხდიან .მეც შემოვიყვან ამ ტურისტს, თანაბარ პირობებში თუ მამყოფებ სხვა უცხოურ კომპანიებთან და უფრო შეღავათიანი ფასი მექნება, მაგრამ არავის არ უნდა ჩვენი გაგონება.“ - ასე აფასებს Georgian Airways_ის გენერალური...


მსგავსი სიახლეები

up