რომის ქუჩის N4-ში მდებარე ისტორიული ძეგლის რეაბილიტაცია დაიწყო

რომის ქუჩის N4-ში მდებარე ისტორიული ძეგლის რეაბილიტაცია დაიწყო

access_time2019-11-05 09:05:22

თბილისის განვითარების ფონდმა, პროექტ „ახალი ტფილისის“ ისტორიული ძეგლების რეაბილიტაციის ფარგლებში რომის N4-ში სარეაბილიტაციო სამუშაოები დაიწყო. ინფორმაციას თბილისის მერია ავრცელებს.  პროცესს ადგილზე გაეცნო დედაქალაქის მერი კახა კალაძე.



„რომის ქუჩაზე არსებული შენობა-ნაგებობის რეაბილიტაცია მიმდინარეობს. ზუსტად ეს არის ჩვენი ქალაქის ხიბლი, სილამაზე, რომ ძალიან ბევრი გვაქვს ასეთი შენობა, რომელიც თავისი კულტურული მემკვიდრეობის თვალსაზრისით, ღირებულია. აღნიშნული სახლი და ეზო ძალიან მძიმე მდგომარეობაშია. დაწყებული გვაქვს რეაბილიტაცია, რომლის ფარგლებშიც, შენობა კონსტრუქციულად გამაგრდება. ასევე, ფასადი და შიდა ეზო ყველანაირად მოწესრიგდება. სამუშაოები 2020 წლის დეკემბერში დასრულდება. აღნიშნულ მისამართზე დაახლოებით, 50-მდე ოჯახი ცხოვრობს, ამ სამუშაოების ჩატარების შემდეგ კი მათი საცხოვრებელი ფართების ფასი ოთხ-ხუთჯერ გაიზრდება, რაც აქ მცხოვრები ადამიანებისთვის ეკონომიკური თვალსაზრისითაც, მნიშვნელოვანია“, - განაცხადა კახა კალაძემ.



პროექტის ფარგლებში დაგეგმილია: შენობის საძირკვლის გამაგრება; დაზიანებული ღიობების მოჩარჩოება-გამაგრება; შენობის სახურავის შეფიცვრის შეცვლა-აღდგენა; სახურავის თუნუქის საფარის შეცვლა; გუმბათის რესტავრაცია; სახურავის წყალსაწრეტი სისტემის მოწყობა; ფასადის დეკორატიული ელემენტების აღდგენა ავთენტური სახით; ფასადის დაზიანებული ნალესობის მოხსნა, ხელახლა შელესვა და შეღებვა, კვლევის შედეგად აღმოჩენილი ავთენტური ფერის შესაბამისად; ეზოში არსებული ხის აივნების და შუშაბანდების რესტავრაცია; მარცხენა სადარბაზოს კიბის უჯრედის ნაწილობრივი სარესტავრაციო სამუშაოები (შეკეთდება მოზაიკური კიბეები და ლითონის ჭედური მოაჯირი); სადარბაზოში შესასვლელი მოზაიკური ბაქნის ნაწილობრივი სარესტავრაციო სამუშაოები; სადარბაზოს ხის კარის მოძრავი ნაწილის ფრთის დამზადება; გუმბათის ქვეშ არსებულ ბინაში ასასვლელი დაზიანებული ხის კიბის შეცვლა ლითონის კიბით; ეზოში არსებული 2 ლითონის კიბის დაშლა-რესტავრაცია და შემდგომი მონტაჟი; ქუჩის მხრიდან, ფასადზე განთავსებული ლითონის აივნების რესტავრაცია; დაზიანებული ლითონის ორფრთიანი ჭიშკრის რესტავრაცია; ფასადზე არსებული, სარდაფში ჩასასვლელი გვიანი პერიოდის კარის შეცვლა; ფასადზე არსებული კარ-ფანჯარის ნაწილობრივი გამოცვლა-რესტავრაცია; ფანჯრის ახალი, ავთენტურის მსგავსი ლითონის ჭედური ცხაურების მონტაჟი; ცენტრალური ნაწილის სადარბაზოს ხის კარის ადგილზე რესტავრაცია; სახლის წინ არსებული ტროტუარის ნიშნულის დაწევა ერთი საფეხურით, სადარბაზოს ნალექებისგან დასაცავად; ტერასის გადახურვის კონფიგურაციისა და შემომფარგლავი ლითონის მოაჯირების შეცვლა; წყალმომარაგების, წყალარინებისა და ელექტროქსელის მოწესრიგება; გარე წყალმომარაგებისა და წყალარინების სისტემის მოწესრიგება; ეზოს კეთილმოწყობა.




რომის ქ N4-ში მდებარე შენობა თბილისური არქიტექტურის ერთ-ერთ გამორჩეულ ნიმუშს წარმოადგენს და მას კულტურული მემკვიდრეობის ძეგლის სტატუსი აქვს მინიჭებული. ეს იყო თბილისში ერთ-ერთი ყველაზე ადრეული, არტ ნუვოს ყაიდაზე გაწყობილი შენობა, რომლის ხუროთმოძღვარი სვიმონ კლდიაშვილი გახლდათ.



სარეაბილიტაციო სამუშაოების ღირებულება 947 400 ლარს შეადგენს და მას შპს „ჯორჯიან ინჟინერინგი “ახორციელებს. სარეაბილიტაციო სამუშაოების შედეგად, აღნიშნულ მისამართზე მცხოვრებ 44 ბინათმესაკუთრეს გაუუმჯობესდება საცხოვრებელი პირობები და გაიზრდება უძრავი ქონების ღირებულება. პროექტის დასრულება 2020 წლის ბოლოსთვის იგეგმება.



სამუშაოებს დედაქალაქის მერთან ერთად მერის მოადგილე ირაკლი ბენდელიანი, თბილისის განვითარების ფონდის ხელმძღვანელი ალექსანდრე ტოგონიძე და ჩუღურეთის მაჟორიტარი დეპუტატი საკრებულოში რიმა ბერაძე გაეცნენ.







Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“

Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“
access_time2020-01-21 18:30:44
„მგზავრთა უსაფრთხოებაზე ტარიფის ზრდა ჩვენთვის მოსალოდნელი იყო, ამაზე ინფორმაცია წინასწარ გაჟღერდა. დამატებითი ხარჯია და აღფრთოვანებული არ ვართ ამ ფაქტით, მაგრამ  ჩვენი მთავარი პრიორიტეტი მგზავრთა უსაფრთხოებაა.“ - ასე აფასებს Georgian Airways-ის გენერალური დირექტორი რომან ბოკერია საქართველოს საერთაშორისო აეროპორტებში საჰაერო ხომალდების და მგზავრების საავიაციო უშიშროების უზრუნველყოფის ღირებულების...

„კომერსანტის“ 21 იანვრის TOP 10 თემა

„კომერსანტის“ 21  იანვრის TOP 10 თემა
access_time2020-01-21 21:30:47
„კომერსანტის“ 21 იანვრის TOP 10 თემა 1.ინვესტიციების ქვეყნიდან ვალების ქვეყნამდე - რა გზა გაიარა საქართველომ ბოლო 3 წელში 2. თემურ ბასილია: „კაზინოების ინკოგნიტო ბარათი უკვე პრაქტიკულად...

CNN: 22 მამაკაცი უფრო მდიდარია, ვიდრე 326 მლნ. აფრიკელი ქალი

CNN: 22 მამაკაცი  უფრო მდიდარია, ვიდრე 326 მლნ. აფრიკელი ქალი
access_time2020-01-21 20:30:47
გლობალური უთანასწორობა გავიდა კონტროლიდან ეკონომიკური სისტემების უსამართლობის გამო, რომელიც ზღუდავს ქალების უფლებებს  და აძლევს მილიარდერებს საზოგადოებისთვის უსარგებლო სიმდიდრის დაგროვების საშუალებას - ასეთია საერთაშორისო საქველმოქმედო  ორგანიზაცია Oxfam International-ის კვლევის დასკვნა.   ორგანიზაცია მოუწოდებს მთავრობებს მიიღონ ზომები, რომლებიც შეამცირებს დატვირთვას ქალებზე, რომელიც დაკავებულები არიან ბავშვების და მოხუცების მოვლით. ხშირ...

BAG-ის წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა

BAG-ის  წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა
access_time2020-01-21 16:00:52
საქართველოს ბიზნეს ასოციაციის (BAG) წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა. „ჰიუნდაი ავტო საქართველო“ 2005 წლიდან მსოფლიო საავტომობილო ბიზნესის ერთ-ერთი უმსხვილესი კომპანიის Hyundai Motor Company-ის ოფიციალური დისტრიბუტორია საქართველოში. „ჰიუნდაი ავტო საქართველო“ ბაზარს უზრუნველყოფს როგორც ავტომობილების სრული სპექტრით, მათ შორის კომერციული ავტომობილებითა და მძიმე ტექნიკით, ასევე უახლესი აპარატურით აღჭურვილი...

ექიმი დალიკა პაციენტებს ესთეტიკურ ცენტრ Dr. Dalika-ში უმასპინძლებს

 ექიმი დალიკა პაციენტებს ესთეტიკურ ცენტრ Dr. Dalika-ში უმასპინძლებს
access_time2020-01-21 16:50:54
„აქედან გამოსულ მანდილოსანს ნუ გაეარშიყებით, ის შეიძლება ბებიათქვენი აღმოჩნდეს“ - ეს სიტყვები, რომელიც აშშ-ში ერთ-ერთი წამყვანი ესთეტიკური ცენტრის სლოგანს წამოადგენდა, პირველად გადაჭარბებულად მომეჩვენა. მაშინ ამ სფეროს ექიმებთან არ მიხდებოდა ურთიერთობა და თვითონ სფეროზეც ნაკლებად მომეხსენებოდა. გავიდა დრო, ჯერ სურვილი გაჩნდა ესთეტიკურ ცენტრში მისვლის, შემდეგ-საჭიროება......


მსგავსი სიახლეები

up