დასავლური სანქციების ფონზე უცხოური კომპანიების მხრიდან რუსეთის ფედერაციის დატოვების ან მუშაობის შეჩერების შესახებ ინფორმაცია მუდმივად განახლებადია. ამჯერად წარმოგიდგენთ სრულ ჩამონათვალს 5 მარტის მდგომარეობით.
მუშაობის შეწყვეტის შესახებ ამ დრომდე ათობით კომპანიამ გამოაცხადა, რომლებიც ოპერირებენ სხვადასხვა სფეროში. მათ შორის არიან:
საავიაციო ტექნიკა და საავტომობილო ინდუსტრია
ავიამწარმოებელმა კომპანიებმა Boeing, Airbus და Embraer რუსული ავიაკომპანიებისთვის მათი მომსახურება და ტექნიკური მხარდაჭერა შეაჩერეს. მუშაობა შეწყვიტა Boeing-ის ცენტრმაც სკოლკოვოში.
ავტომწარმოებლებმა Mercedes-Benz, BMW, Volvo, MAN გადაწყვიტეს დროებით შეაჩერონ ავტოწარმოება რუსეთში და ასევე ექსპორტი. ასეთივე გადაწყვეტილება მიიღო Ford-მაც.
Suzuki, Honda, Mazda, Porsche არ აპირებენ საკუთარი ავტომობილებისა და მოტოციკლეტების მიწოდებას რუსეთისთვის. General Motors, Scania და Nissan აჩერებენ ავტომობილების მიწოდებას, ისევე როგორც საქმიანობა შეაჩერა და ახალი ავტომობილების შეტანა უდიდესმა გერმანულმა მწარმოებელმა Volkswagen Group.
ავტომობილების წარმოება შეაჩერა პეტერბურგის ქარხანაში იაპონურმა გიგანტმა Toyota. იგივე არჩევანი გააკეტეს Hyundai, Renault და Škoda-მ.
Daimler Truck-მა გაყინა ერთობლივი პროექტები Камаз-თან.
ბაზრიდან გადის გერმანული ქიმიური-მრეწველობის კომპანია Henkel.
ელექტრონიკა და მრეწველობა
რუსეთის ბაზრის დატოვების შესახებ გადაწყვეტილება მიიღო უმსხვილესმა ამერიკულმა ტექნოლოგიურმა კომპანიამ Apple. საკუთარ პროდუქციას რუსეთში არ გაყიდის ამერიკული ელექტრონიკის მწარმოებელი Dell, გერმანული SAP, პროგრამული უზრუნველყოფის კომპანია Oracle, შვედური Ericsson, ნახევარგამტარების მწარმოებელი TSMC და SKF.
რუსული ქარხნების მომსახურებაზე უარს ამბობს გერმანული Siemens, ასევე ლიფტების მწარმოებლი KONE, მანქანათმშენებელი კომპანიები Autodesk (AutoCAD, 3ds MAX). მსოფლიოში სიდიდით მეორე სამშენებლო ტექნიკის იაპონურმა მწარმოებელმა Komatsu-მ ასევე დატოვა ქვეყანა.
წარმომადგენლობა დახურმა ამერიკულმა Adobe და Intel-მა, ასევე და სამხრეთ კორეულმა Samsung. რუსი კლიენტების მომსახურებაზე უარი ტქვა ამეირკულმა IT- კომპანიამ EPAM Systems და ქსელური და პროგრამული უზრუნველყოფის კომპანიამ Cisco Systems Inc.
გართობა, ტანსაცმელი და ავეჯი
ამერიკულმა ტელე გიგანტებმა The Walt Disney Company, Warner Bros. და Paramount Pictures შეჩერეს ახალი ფილმების ჩვენება რუსეთში. ბაზარს ტოვებს მედიასერვისი Megogo.
რუსეთში მუშაობის შეჩერების შესახებ გამოაცხადა ესპანურმა Inditex (რომელშიც შედის Zara, Pull&Bear, Massimo Dutti, Bershka, Stradivarius და Oysho), და შვედურმა H&M და Mango-მ.
ასევე ახალი სამოსის მიწოდება შეწყვეიტეს Kering-ის მაღალი მოდის ბრენდებმა - Gucci, Balenciaga და Yves Saint Laurent, LVMH (Louis Vuitton Moet Hennessy)-ში შემავალმა ბრენდებმა, ასევე Hermes, Chanel, Karl Lagerfeld და Cartier-მ. რუსეთს ტოვებს Puma, Nike და ASOS.
პროდუქციას ამ ქვეყანაში არ შეიტანს Lego, შვედური IKEA და დანიური JYSK.
ასევე ბაზარს ტოვებს მსოფლიოს უმსხვილესი ალკოჰოლის მწარმოებელი Diageo, ასევე ლუდის კომპანიები Heineken, Carlsberg.
ბაზრიდან გადიან ელექტრონული მომსახურების სერვისები Booking.com, Activision Blizzard, PayPal, Electronic Arts, WPP, Foster + Partners, Deezer , Rockstar Games.
ლოჯისტიკა და განათლება
რუსეთისთვის პროდუქციის მიწოდებას წყვეტს სატრანსპორტო-ლოჯისტიკური კომპანია Kuehne+Nage და Maersk.
პროდუქციის მიწოდებას წყვეტენ DHL, CMA CGM, Fedex და UPS. ასევე ბიომასალების მომწოდებელი Stora Enso.
გაყიდვებს აჩერებს ბრიტანული საგანმანათლებლო კორპორაცია Pearson და ამერიკული პლატფორმა Coursera.
წყარო: "ბიზნესპრესნიუსი"
სანქციები
