კომპანია Vaay.com-მა ჩაატარა კვლევა, რომელმაც აჩვენა მსოფლიოს რომელი ქალაქებია საუკეთესო მშვიდი ცხოვრებისთვის.
აღსანიშნავია, რომ სიმდიდრე და ეკონომიკური მდგომარეობა კვლევის ერთ-ერთი, მაგრამ არა ძირითადი კრიტერიუმია, მდიდარ და აყვავებულ ქალაქებს მრავლად შეხვდებით როგორც მშვიდ, ასევე სტრესული ქალაქების ჩამონათვალში.
სულ გაანალიზდა მსოფლიოს 100 ქალაქის მონაცემები, რის საფუძველზეც ყველა მშვიდი და ყველაზე სტრესული ქალაქების რეიტინგი შედგა.
შეფასებისას ძირითადი ყურადღება ქალაქური გარემოს ისეთ ფაქტორებზე გამახვილდა, რომლებიც სტრესს ამცირებენ ან პირიქით ზრდიან.
კვლევამ შეისწავლა თუ რომელი მაკრო ფაქტორები უწყობენ ხელს სტრესების გაჩენას, მათ შორის პირველ რიგში არის ისეთები, როგორც უსაფრთხოება, სქესობრივი და სხვა უმცირესობების თანასწორობა, ეკოლოგია ჯანმრთელობა, ჯანდაცვა, შემოსავლები და სხვა.
ამის შემდეგ ეს კრიტერიუმები 4 კატეგორიაში გაერთიანდა, ხოლო სტრესის მაჩვენებლის კუთხით სხვა 500 ქალაქი შეისწავლეს. ის ქალაქები, რომლებზეც ობიექტური მონაცემები არასაკმარისი იყო სიიდან გამოირიცხა, შედეგად სულ 100 დასახელება დარჩა.
საბოლოო ჯამში კვლევის შედეგი აჩვენებს რომელი ყველაზე სტრესული ქალაქები სოციალური, ეკოლოგიური და ეკონომიკური კუთხით. რეიტინგში ასევე მოყვანილია ქალაქები, რომლებიც სტრესს სხვებზე უკეთესად უმკლავდებიან.
ისეთი ფაქტორების მიხედვით , როგორებიცაა გენდერული თანასწორობა, ეკოლოგია და ქუჩებში ხმაურის მაჩვენებელი საუკეთესო ქალაქად ისლანდიის დედაქალაქი რეიკიავიკი დასახელდა, აღნიშნულმა ქალაქმა შესაძლო 100 ქულიდან 100 მიიღო.
მართალია, ხმაურის დაბალი დონე რეიკიავიკში ობიექტური მოცემულობაა და ის მმართველობის მაღალი ხარისხის დამსახურება არ არის, რადგან ქალაქში სულ 134 000 ადამიანი ცხოვრობს. ამავე დროს ისლანდიის დედაქალაქს მაღალი შეფასებები აქვს ისეთ კრიტერიუმებში, როგორც არის უსაფრთხოება, პოლიტიკური და ეკონომიკური სტაბილურობა და ჯანდაცვის ხელმისწვდომობა. ყველაზე მშვიდი ქალაქების ათეულში ასევე შედიან შვეიცარიის დედაქალაქი ბერნი და ფინეთის დედაქალაქი ჰელსინკი. ყველაზე მაღალი შეფასებები მათ ისეთ ფაქტორებში მიიღეს, როგორიც არის უსაფრთხოება, სოციალური და პოლიტიკური სტაბილურობა, ეკოლოგია, და ჯანდაცვის ხელმისაწვდომობა.
ათეულში ასევე მოხვდნენ ველინგტონი (ახალი ზელანდია), მელბურნი (ავსტრალია), ოსლო (ნორვეგია), კოპენჰაგები (დანია), ინსბრუკი (ავსტრია), ჰანოვერი (გერმანია), და გრაცი (ავსტრია).
ყველაზე სტრესული ქალაქების ათეულშია მუმბაი (ინდოეთი) ლაგოსი (ნიგერია), მანილა (ფილიპინები), დელი (ინდოეთი), ბაღდადი (ერაყი)მ ქაბული (ავღანეთი), მოსკოვი (რუსეთი), კარაჩი (პაკისტანი), ჯაკარტა (ინდონეზია), და კიევი (უკრაინა). როგორც ჩანს რეიტინგიდან, სტრესული ქალაქების უმეტესობა უფრო ღარიბია, ვიდრე მშვიდი, თუმცა, როგორც უკვე ითქვა, ეს მთავარი კრიტერიუმი არ არის, მაგალითად, სტრესულების ჩამონათვალში ისეთი მდიდარი ქალაქებიც მოხვდნენ, როგორც ნიუ-იორკი, ლოს-ანჯელესი, და შანხაი.
მოამზადა თენგიზ აბლოთიამ
წყარო: derstandard.at