რომელია მსოფლიოში ყველაზე ძვირად ღირებული კომპანია - ტრილიონიანი ნიშნული უკვე 5-მა გადალახა

რომელია მსოფლიოში ყველაზე ძვირად ღირებული კომპანია - ტრილიონიანი ნიშნული უკვე 5-მა გადალახა

access_time2021-06-23 19:30:00

მსოფლიოში ყველაზე მაღალი საბაზრო ღირებულების მქონე 10 კომპანიიდან 7 ამერიკულია, ხოლო ტრილიონ დოლარზე მეტი კაპიტალიზაციით 5 კომპანია გამოირჩევა, რომელთაგან 4, ასევე, ამერიკულია. სიის სათავეში ამერიკული Apple და Microsoft არიან, რომელთა საბაზრო ღირებულება, Apple-ის შემთხვევაში, 2,235 ტრლნ დოლარია, ხოლო Microsoft-ის - 1,999 ტრლნ დოლარი.


რაც შეეხება დანარჩენ ძვირად ღირებულ კომპანიებს, მესამე ადგილს 1,882 ტრლნ დოლარის კაპიტალიზაციით საუდის არაბეთის ნავთობგიგანტი Saudi Aramco იკავებს. მისი თითო აქციის ფასი სტანდარტულ დონეზეა და 9,41 დოლარია.


შემდეგ მოდის ამერიკული Amazon, რომლის საბაზრო ღირებულებაც 1,767 ტრლნ დოლარს შეადგენს. კომპანიის ფასიანი ქაღალდი 1,49%-ით გაძვირდა და 3,505 დოლარი ღირს.


Amazon-ს კვალდაკვალ მიყვება, ასევე, ამერიკული კომპანია Alphabet (Google) 1,669 ტრლნ დოლარის კაპიტალიზაციით. ამ დროისთვის Google-ის აქციის ფასმა 0,43%-ით მოიმატა და 2,540 დოლარი შეადგინა.


ტექნოლოგიური გიგანტების შემდეგ მოდის სოციალური ქსელის ამერიკული კომპანია Facebook, რომლის საბაზრო ღირებულებაც ტრილიონ დოლარს უახლოვდება და 961,30 მლრდ დოლარს შეადგენს. დღეისთვის Facebook-ის ფასიანმა ქაღალდმა 2,03%-ით მოიმატა და 339,03 დოლარი გახდა.



მე-7 ადგილს ჩინური ტექნოლოგიური კომპანია Tencent იკავებს. მისი კაპიტალიზაცია 712,02 მლრდ დოლარს შეადგენს. კომპანიის ერთი აქციის ფასი 74,16 დოლარია.


ჩინურ ტექნოლოგიურ გიგანტს კვლავ ამერიკული Berkshire Hathaway მოსდევს, რომელიც უდიდესი ჰოლდინგია და სხვადასხვა დარგის კომპანიებს აერთიანებს. ჰოლდინგი ინვესტიციების, დაზღვევისა და გადაზღვევის სფეროში საქმიანობს. ის საკონდიტრო ნაწარმის, საცალო ვაჭრობის, რკინიგზის, სახლის ავეჯის, საგამომცემლო, იუველურ და სხვა რეგიონალურ კომპანიებს ფლობს. Berkshire Hathaway სიაში მე-8 ადგილს იკავებს და მისი საბაზრო ღირებულება 635,79 მლრდ დოლარია. ამ დროისთვის მისი აქციის ფასმა 0,26%-ით მოიმატა და 418,875 დოლარი გახდა.


მე-9 ადგილზეა ამერიკული ელექტროავტომწარმოებელი Tesla, რომლის კაპიტალიზაცია ნახევარ ტრილიონზე მეტია და 600.85 მლრდ დოლარით არის შეფასებული. Tesla-ს აქციის ფასი 0,46%-ით გაიზარდა და 623,71 დოლარი გახდა.


ნახევარი ტრილიონი დოლარის საბაზრო ღირებულებას გადააჭარბა ტაივანურმა ნახევარგამტარი მოწყობილობების მწარმოებელმა კომპანია TSMC-მაც, რომელიც 592,92 მლრდ დოლარის კაპიტალიზაციით მე-10 ადგილს იკავებს. მისი თითო აქციის ფასი 0,17%-ით გაიზარდა და 114,33 დოლარი შეადგინა.


მსოფლიოში ძვირადღირებულ კომპანიათა რაოდენობა 4971-ია, ხოლო მათი მთლიანი საბაზრო ღირებულება 91, 147 ტრილიონ დოლარს შეადგენს.



BPN.GE



თეგები:
კომპანია



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up