სააგენტო Flyhelp  ავიაკომპანიების მგზავრთა უფლებებს უკვე სამი წელია იცავს. მგზავრებისთვის ავიახაზებისგან კომპენსაციის მიღებაში დახმარება სააგენტოს მთავარი საქმიანობაა. თუ გაქვთ ბოლო სამი წლის განმავლობაში საზღვარგარეთ მოგზაურობისა და ფრენის ისტორია, შეგიძლიათ მიიღოთ კუთვნილი თანხა - 250, 400 ან 600 ევროს ოდენობით. როგორია პროცედურები და რა დროში იქნება შესაძლებელი კომპენსაციის მიღება - ამის შესახებ, რადიო კომერსანტს  სააგენტო  Flyhelp-ის ერთ-ერთი დამფუძნებელი, ვახტანგ ფარცხალაძე ესაუბრა.

„პანდემიის პერიოდში, ყველასთვის დამატებითი ფინანსური შემოსავლის მიღება მნიშვნელოვანი გახდა.  ჩვენი განაცხადის ფორმის შევსება ძალიან მარტივია. უნდა შეავსოთ რამდენიმე ველი : სახელი და გვარი, საკონტაქტო მონაცემები, ბილეთისა და პასპორტის ატვირთვა, მზადდება მინდობილობა და უკვე მზად ვართ გამოძიების დასაწყებად და იმის გასარკვევად,თუ რა მოხდა ამ კონკრეტულ რეისზე.

ვადგენთ სარჩელს, გააცნია ასევე,საიდან მოხდა დაგვიანება, და რა რეგულაცია აქვს კონკრეტულ ქვეყანას. სარჩელი ეგზავნება ავიახაზსს, რეკომენდირებულია 3 თვიანი პერიოდი პასუხის გასაცემად, ავიახაზი არ არის ვალდებული, თუმცა იძლევა დაგვიანების და გაუგქმებასთან დაკავშირებით პასუხს.  იმ შემთხვევაში,თუ ავიახაზის მიერ დასახელებული მიზეზი არ ემთხვევა წინასწარი გამოძიების შედეგებს, ვსარგებლობთ მედიაციის საბჭოებით ან ვრთავთ კონკრეტული ქვეყნის სამოქალაქო ავიაციას, შემდგომ სასამართლოს. ხშირია სამწუხაროდ, შემთხვევები,როდესაც მგზავრის უფლებები ირღვევა და ავიაკომპანია მალავს ამას.

მომართვების 90% შემთხვევებში თანხა ბრუნდება ერთ თვეში, ან თვენახევარში. არის შემთხვევები,როცა საქმეები პრობლემურია და მეტ დროს მოითხოვს, საჭირო ხდება სამი ან ექვსი თვე. ჩვენ დარგში არ არის განსაზღვრული დროები. ყველაზე მცირე დრო პრაქტიკიდან მახსენდება შემთხვევა,როცა მგზავრს ერთ კვირაში დაუბრუნდა თანხა.

პანდემიის დროს ძირითადად, მოთხოვნაა  ბილეთის უკან დაბრუნებაზე. პანდემია  მიეკუთვნება განსაკუთრებულ შემთხვევას, რომლის დროსაც ავიახაზი კომპენსაციისგან თავისუფლდება, მაგრამ კანონი არ ათავისუფლებს მათ ალტერნატიული მარშრუტის შეთავაზების პასუხისმგებლობისგან. მაგალითად, ეგეოსის ავიახაზებს აქვთ უფლება, რომ ვაუჩერი გადასცეს მგზავრებს და არა თანხა გადასცეს.

კომპენსაციის მოთხოვნით, ყველაზე ხშირად მოგვმართავენ  Wizzair, Turkish Airlines, Georgian Airways-ის შემთხვევაში, ძირითადი პრობლემები ეხება რეისის დაგვიანებას, გაუქმებას, ხომალდზე არ დაშვებას და ბარგთან დაკავშირებულ საკითხებს,“- აღნიშნავს ვახტანგ ფარცხალაძე.