რომან კაკულია: „ბანკების მიერ არაპროფილური აქტივების გამიჯვნის შესახებ საკანონმდებლო ინიციატივა რომ მქონდეს, მხარდაჭერის იმედი არ მაქვს“

რომან კაკულია: „ბანკების მიერ არაპროფილური აქტივების გამიჯვნის შესახებ საკანონმდებლო ინიციატივა რომ მქონდეს, მხარდაჭერის იმედი არ მაქვს“

access_time2019-06-07 10:00:18


„კომერსანტი“ აგრძელებს ბანკების მიერ არაპროფილური აქტივების თემაზე მუშაობას. როგორც ცნობილია, „თიბისი დაზღვევის“ გენერალურმა დირექტორმა პაატა ღაძაძემ რამდენიმე კვირის წინ განაცხადა, რომ „თიბისი დაზღვევასა“ და „თიბისი ბანკს“ შორის ბიზნესინტერესთა კონფლიქტი არ არსებობს“ და ბიზნეს ინტერესების კონფლიქტთან იმ შემთხვევაში გვექნებოდა საქმე, თუ სადაზღვევო კომპანია პარალელურად საავადმყოფოს ან სააფთიაქო ქსელის მფლობელი იქნებოდა. ღაძაძის ამ განცხადებას სადაზღვევო სექტორში ურთიერთსაპირისპირო განცხადებები მოჰყვა. მათ შორის, გაჟღერდა შემდეგი პოზიცია, რომ ბანკების მხრიდან არაპროფილური აქტივები აქციონერულ დონეზე გაიმიჯნოს.


ამჯერად გთავაზობთ დარგობრივი ეკონომიკისა და  ეკონომიკური  პოლიტიკის  კომიტეტის  ხელმძღვანელის  რომან  კაკულიას პოზიციას. 



მისი განმარტებით, როდესაც ქვეყანამ საბანკო რეგულაციების პირველი ეტაპი გაიარა, ამ პრობლემაზე საუბარი მაშინაც მიმდინარეობდა. თუმცა, ეს მყისიერად მოგვარებადი პრობლემა არ არის იმიტომ კი არა, რომ გადაწყვეტილების მიღება არ შეიძლება. კაკულიას განმარტებით, ეს ქვეყანა, ისევე როგორც მთელი მსოფლიო, ჯერჯერობით იმართება იმ მეთოდებით, როდესაც ფინანსური რესურსების მფლობელი ადამიანები, საკმაოდ დიდ წნეხს ახორციელებენ პოლიტიკურ გადაწყვეტილებებზე. შესაბამისად, ეს არავისთვის საიდუმლოს არ წარმოადგენს.



„თუ ეს საკითხი დარეგულირებულია, მაშინ კანონმდებლობის მიღებაც არ ყოფილა საშიში. თუ ისინი მართლები არიან, ეს კანონი მათ პრობლემას არ შეუქმნის. შესაბამისად, დავამთავროთ საუბრები და მივიღოთ კანონი“-აცხადებს კაკულია.


მისივე განმარტებით, ბანკებსა და სხვადასხვა ბიზნესებს შორის დღეს ისეთი კავშირები არსებობს, ამის სწრაფად მოგვარება შესაძლოა ეკონომიკისთვის დამაზიანებელი იყოს. ამიტომ, კაკულია გამოსავალს პრობლემის აღიარებასა და მის ეტაპობრივად გადაჭრაში ხედავს.



„ჩვენ უნდა მივიღოთ ლიმიტი შეზღუდვისა თუ აქციონერის მთლიანად ჩახსნაზე. თუმცა, აქამდე - პრობლემის აღიარებაა აუცილებელი,“-აცხადებს კაკულია.



თავად რომან კაკულია საფინანსო სექტორის მიერ არაპროფილური აქტივების ფლობაში პრობლემას ხედავს და არასასიამოვნო შედეგებსაც აღიარებს.


მაგალითად, მისი განმარტებით, იგივე ხდება  სადაზღვევოების მიერ სააფთიაქო ქსელების და კლინიკების  საკითხშიც. 



„ჩვენ შეიძლება ეს გავმიჯნოთ, მაგრამ ესეც ეტაპობრივად. გამორიცხულია ეს პრობლემა არ არსებობდეს. ჩვენს ქვეყანაში ბიზნესის წარმოების დონე როგორი იყო, რა შესაძლებლობები იყო, ვინც კარგად იცის, თავისთავად იცის ისიც, რომ არ არსებობენ ბანკები, რომლებიც არ სცოდავდნენ ამ სიტუაციაში. არც ის არსებობს, რომ მათ მაგიერ სხვა რომ ყოფილიყო, ის არ იქნებოდა ამ ცოდვაში გახვეული. მაშინ ასეთი სიტუაცია იყო. ამას ასე უნდა დანახვა. ამის ერთბაშად გადაჭრა პროცესს დააზიანებს,“-აღნიშნავს კაკულია.


კითხვაზე, რადგან პრობლემას აღიარებს, ხომ არ უნდა ველოდოთ უახლოეს მომავალში ისეთი საკანონმდებლო ინიციატივის მომზადებას, რომელიც არაპროფილურ აქტივებს საფინანსო სექტორისგან აქციონერულ დონეზე გამიჯნავს?



კაკულია განმარტავს, რომ მას ამ ეტაპზე მხარდაჭერის იმედი არ აქვს.  „შესაბამისად, ჯერ უნდა მოხდეს ცნობიერების ამაღლება. ამაზე რომ ვსაუბრობთ, ამ ეტაპისთვის ესეც კარგია. პასუხისმგებლიანი ადამიანი ჯერ ამაზე ისაუბრებდა, პრობლემას გამოყოფდა და ნელ-ნელა მივიდოდა გადაწყვეტილებამდე,“-აღნიშნავს კაკულია.



სოფო ქსოვრელი 






პირველი სერიოზული ბიზნესქეისი-კლინიკების ხელმძღვანელები ბიზნესომბუდსმენს შეხვდნენ

პირველი სერიოზული ბიზნესქეისი-კლინიკების ხელმძღვანელები ბიზნესომბუდსმენს  შეხვდნენ
access_time2019-11-18 13:28:03
„კომერსანტისთვის“  ცნობილი გახდა, რომ ახლად დანიშნულმა  ბიზნესომბუდსმენმა პირველ სერიოზულ ბიზნეს ქეისზე დაიწყო მუშაობა-ის კლინიკების ხელმძღვანელებს შეხვდა. განსახილველი საკითხი ეკატერინე ტიკარაძის უწყების მიერ გატარებული რეფორმაა, რომელიც საყოველთაო ჯანდაცვის პროგრამაში ჩართული კლინიკებისთვის ერთიანი ტარიფის ამოქმედებას გულისხმობს.   8 ნოემბერს „კომერსანტი“ წერდა, რომ 25-მა სამედიცინო დაწესებულებამ, პრემიერ მინისტრს, საქართველოს პარლამენტის...

გია ვოლსკი - ბიუჯეტის ჩაგდება იქნება ქვეყნის ღალატი და უკან დახევა

გია ვოლსკი - ბიუჯეტის ჩაგდება იქნება ქვეყნის ღალატი და უკან დახევა
access_time2019-11-18 12:51:44
პარლამენტის თავმჯდომარის მოადგილე, უმრავლესობის ლიდერი გიორგი ვოლსკი ოპოზიციური პარტიების აქციებსა და ბოლო დროს განვითარებულ მოვლენებს ეხმაურება. ვოლსკის შეფასებით, აღნიშნული„ნაციონალური მოძრაობის“ და მისი მეორე ფრთის რევოლუციური სცენარის განვითარებას წარმოადგენს. „ეჭვი მაქვს, იქნებ, ბიუჯეტზეა საერთოდ გალაშქრება, რომ არ მივიღოთ, რადგან ბიუჯეტი არის გათვლილი ადამიანზე. ის შევადგინეთ მას შემდეგ, რაც ათასობით სოფელი მოვიარეთ საქართველოში. ბიუჯეტის და იმ...

უნაღდო გადახდების მომავალი Mastercard-თან ერთად

უნაღდო გადახდების მომავალი Mastercard-თან ერთად
access_time2019-11-18 11:20:21
ციფრული გადახდების გლობალურმა ლიდერმა, Mastercard-მა, პროექტის “Cashelss for future” გამარჯვებულები გამოავლინა. ფინანსური განათლების ასამაღლებელი ტრენინგები Mastercard-მა არასამთავრობო ორგანიზაცია „საზოგადოება და ბანკებთან“ ერთად დაგეგმა, პროექტის მოწვეული ტრენერი საქართველოს ეროვნული ბანკის დირექტორის მრჩეველი, გიორგი ბაქრაძეც გახლდათ. პროექტი 2 კვირის განმავლობაში გრძელდებოდა და მიზნად საუკეთესო მარკეტინგული კამპანიის დაგეგმვას ისახავდა, რომელიც საქართველოში უნაღდო...

„ჩვენ აღარ ვაპირებთ საარჩევნო სისტემასთან დაკავშირებული რაიმე ახალი ინიციატივის განხილვას“

„ჩვენ აღარ ვაპირებთ საარჩევნო სისტემასთან დაკავშირებული რაიმე ახალი ინიციატივის განხილვას“
access_time2019-11-18 12:16:29
,,ქართული ოცნება - დემოკრატიული საქართველოს პრესსამსახური  გენერალური მდივნის კახა კალაძის განცხადებას  ავრცელებს, რომელსაც “კომერსანტი“  უცვლელად გთავაზობთ: „პარტია ,,ქართული ოცნება - დემოკრატიული საქართველოს“ სახელით გვსურს, საზოგადოებას განვუმარტოთ, თუ რა პროცესები ვითარდება რეალურად უკანასკნელ დღეებში. გუშინ, ყველამ ნათლად დაინახა, რომ საპროტესტო აქციის რეალური ორგანიზატორი იყო ნაციონალური მოძრაობა თავისი განშტოებებით. ამ აქციის საბაბი პროპორციული...

„ჯანდაცვის სამინისტროს მიერ დადგენილი ერთიანი ტარიფი დღევანდელ რეალობას არ შეესაბამება“

„ჯანდაცვის სამინისტროს მიერ დადგენილი ერთიანი ტარიფი დღევანდელ რეალობას არ შეესაბამება“
access_time2019-11-18 11:30:14
„ჯანდაცვის სამინისტროს მიერ დადგენილი ერთიანი ტარიფი ხშირ შემთხვევაში არ შეესაბამება იმ რეალობას, რომელიც ჩვენ ვიმყოფებით. გასათვალისწინებელია ისიც, რომ რეგიონალური საავადმყოფოს ფასი არის ერთი,  ქალაქში მომუშავე საავადმყოფოს ფასი არის მეორე“, - ასე აფასებს   „PINEO“-ს სამედიცინო ეკოსისტემის სამედიცინო დირექტორი ზაზა სინაურიძე ჯანდაცვის სამინისტროს რეფორმას. მეან-გინეკოლოგი აცხადებს, რომ დადგენილი ტარიფები ჰაერიდან არის აღებული...


მსგავსი სიახლეები

up