რომან გოცირიძე - ხელისუფლებამ დააფრთხო ყველა სავარაუდო ინვესტორი, ამერიკული კომპანია იძულებული გახადა ანაკლიის პროექტი დაეტოვებინა და ჯამში, დაიკარგა 7 წელიწადი

რომან გოცირიძე - ხელისუფლებამ დააფრთხო ყველა სავარაუდო ინვესტორი, ამერიკული კომპანია იძულებული გახადა ანაკლიის პროექტი დაეტოვებინა და ჯამში, დაიკარგა 7 წელიწადი

access_time2020-01-09 17:30:30

ხელისუფლებას შეეძლო ხელშეკრულება ნახევარი წლის წინაც გაეწყვიტა, მაგრამ დროის გაწელვაც კი გამოიყენა ანაკლიის პროექტის უფრო დასაზიანებლად - ეს რუსეთის ხელისუფლების დავალების შესრულებაა და ფაქტობრივად, დანაშაული ქართული სახელმწიფოს წინაშე“, - ამის შესახებ ფრაქცია „ნაციონალური მოძრაობის" თავმჯდომარემ, რომან გოცირიძემ „ინტერპრესნიუსს“ განუცხადა.


მისი თქმით, მთავრობის მიერ „ანაკლიის განვითარების კონსორციუმთან“ ხელშეკრულების გაწყვეტა მოსალოდნელი იყო.


„მთელი წლის განმავლობაში პროცესი აქეთკენ მიდიოდა. ხელისუფლებას შეეძლო ხელშეკრულება ნახევარი წლის წინაც გაეწყვიტა, მაგრამ დროის გაწელვაც კი გამოიყენა ანაკლიის პროექტის კიდევ უფრო დასაზიანებლად. ეს ფაქტობრივად არის რუსეთის ხელისუფლების დავალების შესრულება საქართველოს ხელისუფლების მიერ და ფაქტობრივად, დანაშაული ქართული სახელმწიფოს წინაშე. ანაკლიის პროექტის განხორციელება რომ არ უნდოდათ, იქიდანაც ჩანს, რომ მთავრობამ არ შეასრულა თავისი ვალდებულებები - უნდა გაეყვანა საავტომობილო გზა ანაკლიის პორტამდე და არათუ არ გაუყვანია, მისი პროექტირებაც არ არის დაწყებული. ეს რომ განხორციელდეს, დაახლოებით 3-4 წელიწადი დასჭირდება, მაშინ, როდესაც გეგმის მიხედვით ანაკლიაში გემი უნდა შემოსულიყო 2020 წლისთვის ანუ, რა აზრი ექნება გემის შემოსვლას, თუ ტვირთები არ იქნა მიერთებული რკინიგზასთან? ასე რომ, აქედანვე ჩანდა, რომ ხელისუფლება არ აპირებდა ამ პროექტის განხორციელებას და შემდეგ უკვე მან მიმართა იმ ხრიკებს, რომელიც დღეს მიმდინარეობს „ანაკლიის კონსორციუმის“ დამფუძნებლების წინააღმდეგ; დააფრთხო ყველა სავარაუდო პარტნიორი, დააფრთხო ყველა ინვესტორი, იძულებული გახადა, პროექტი დაეტოვებინა ამერიკულ კომპანიას და საბოლოო ჯამში, დაიკარგა 7 წელიწადი“, - აღნიშნა გოცირიძემ.



მისივე თქმით, სამომავლოდ კონკურსის გამოცხადებასაც არ ექნება შედეგი, რადგან ესეც დროის გაწელვის ხერხი იქნება.


„ამბობენ, რომ მომავალში გამოცხადდება ახალი კონკურსი და ა.შ. ესეც დროის გაწელვის ერთ-ერთი ფორმაა - მასში არავინ მიიღებს მონაწილეობას წარსული გამოცდილებიდან გამომდინარე და თუკი ეს პროცესი დაიწყება, კვლავ მრავალწლიანი ასე ვთქვათ, ხრიკი იქნება. თუ დაიწყება, ისევ დროის გაწელვის გამო, რათა საბოლოოდ შეასრულონ ის ამოცანა, რაც მათ წინაშე დგას. ამ ხელისუფლების პირობებში ეს პროექტი არასდროს განხორციელდება, ნულოვანია შანსი. ძალიან დიდი დრო არის დაკარგული, სამწუხაროდ, დიდი ზიანი მიიღო ამ პროექტმა, მაგრამ მიუხედავად ამისა, ის არის სიცოცხლისუნარიანი და ხელისუფლების შეცვლის შემთხვევაში, ეს პროექტი, ადრე თუ გვიან, მაინც აშენდება, მაგრამ ეს ადამიანები, რომელთაც ზიანი მიაყენეს ქვეყანას, აუცილებლად დაისჯებიან“, - განუცხადა „ინტერპრესნიუსს“ რომან გოცირიძემ.


შეგახსენებთ, რომ საქართველოს მთავრობა „ანაკლიის განვითარების კონსორციუმთან“ ხელშეკრულებას წყვეტს და შესაბამისი სამართლებრივი პროცედურების გატარებას იწყებს.


ipn.ge





სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up