„როგორი თვითკმარიც გავხადეთ ყურძენი, ასევე თვითკმარი უნდა გავხადოთ სხვა ხილიც“ - როგორი იქნება ატმის სეზონი კახეთში მინისტრის მოადგილის პასუხები კომერსანტზე

„როგორი თვითკმარიც გავხადეთ ყურძენი, ასევე თვითკმარი უნდა გავხადოთ სხვა ხილიც“ - როგორი იქნება ატმის სეზონი კახეთში მინისტრის მოადგილის პასუხები კომერსანტზე

access_time2019-06-12 12:00:37


ბევრს ახსოვს წლების წინ დამპალი, ნაგავსაყრელებზე გადაყრილი, წყალს გატანებული ტონობით ატამი, აღშფოტებული მოსახლეობა და დაბნეული ხელისუფლება — რომელსაც პასუხიც არ ჰქონდა, რა უნდა გაეკეთებინათ მოსავალისთვის, რომლის ვერც რეალიზაციას და ვერც გადამამუშავებელ საწარმოებში ჩაბარებას ვერ ახერხებდნენ.


როგორ ემზადება ხელისუფლება ატმის სეზონისთვის, რა მოლოდინებია მოსავალთან დაკავშირებით და სად იგეგმება ხილის რეალიზაცია, რაც ადგილობრივებისთვის წლების განმავლობაში ერთ-ერთი მთავარი პრობლემა იყო — ამ თემებზე „კომერსანტთან“ სოფლის მეურნეობისა და გარემოს დაცვის მინისტრის მოადგილე სოლომონ პავლიაშვილი საუბრობს.


სოლომონ პავლიაშვილის თქმით, გარემოს დაცვისა და სოფლის მეურნეობის სამინისტროს კოორდინაციით უკვე შექმნილია შტაბი, ამ შტაბში შესულები არიან როგორც რეგიონალური, ასევე სამინისტროს სამსახურის წარმომადგენლები. შტაბი ახდენს კომუნიკაციას ფერმერებთან, სამაცივრე მეურნეობებთან, ხილის გადამამუშავებელ საწარმოებთან და ექსპორტიორებთან, ვისაც ატამი და ვაშლატამა საზღვარგარეთ გააქვთ.


„როგორც გასულ წელს, წელსაც მოხდება ერთიანი ფანჯრის პრინციპის გამოყენება. ანუ გურჯაანში, კერძოდ სოფელ ჩუმლაყთან, სადაც შეიკრიბება სარეალიზაციოდ მოსავალი, საბაჟოც იქნება და ფიტოსანიტარიაც. აღსანიშნავია ისიც, რომ წელს შტაბის ტერიტორია უკეთესად მოეწყობა, როგორც სველი წერტილებით, ასევე ნაგავსაყრელი ადგილებით, რომ გამყიდველს და მყიდველსაც ჰქონდეთ ნორმალური სამუშაო პირობები“- აცხადებს სოლომონ პავლიაშვილი.


როგორც მინისტრის მოადგილე აღნიშნავს, წელს სავარაუდოდ 37-ათასიდან 40 ათას ტონამდე ატმის მოსავალს ელოდებიან, თუმცა ჯერჯერობით ზუსტად იმის თქმა, თუ რა იქნება ატმის ფასი, ძნელი სათქმელია, რადგან ეს დამოკიდებულია მის ხარისხზე.



„რაც შეეხება ფასს, ძნელია ამ ეტაპზე წინასწარ ისაუბრო ღირებულებაზე. გასულ წელს ატამს და ვაშლატამას ძალიან კარგი ფასი ჰქონდა - ღირდა 1 ლარი, 1,20 ლარი, მერე გაძვირდა და 1,70- ამდე ავიდა, ხარისხს გააჩნია. შარშან ხილის დეფიციტი იქმნებოდა — 3 საათში უკვე გასაყიდი ხილი აღარ იყო. ვვარაუდობთ, რომ წელს 37-ათასიდან 40 ათას ტონამდე ატამი უნდა მივიღოთ. აქედან ექსპორტზე სავარაუდოდ გავა 13-14 ათასი ტონა, დანარჩენი წავა შინა მოხმარებაზე. „კულა“ და „აჩინებულის“ ქარხანა, რომელიც თელავში მდებარეობს, მზად არიან მიიღონ და გადაამუშაონ არასტანდარტული პროდუქტი, მაგალითად რომელიც სეტყვის შედეგად დაზიანდა“.


სოლომონ პავლიაშვილი თქმით, წელს მნიშვნელოვანია ისიც, რომ შარშანდელისგან განსხვავებით, ატამს და ვაშლატამს 2 სამაცივრე მეურნეობის ნაცვლად, 9 ობიექტი ჩაიბარეს.



„მოგეხსენებათ, ატამი მალფუჭებადი ხილია. სამაცივრე მეურნეობებში მას გარკვეული დოზით ყინავენ და ამის შემდეგ გადის ექსპორტზე. თითოეულ მაცივარში 1000 ტონა პროდუქტის შეტანა შეიძლება, ასე რომ სამაცივრე მეურნეობების განვითარება კახეთში ძალიან მნიშვნელოვანია, რაშიც სახელმწიფომაც მიიღო მონაწილეობა. “


ქართული ატმის და ვაშლატმის ძირითადი ექსპორტიორი ქვეყნებია რუსეთი, აზერბაიჯანი, ყაზახეთი და ა.შ.


„ ატმის ექსპორტზე გატანის დიდი მოთხოვნა იყო შარშან და ვიმედოვნებთ, რომ წელსაც დაინტერესება გაიზრდება. იმის გამო, რომ ატამი მალფუჭებადია, წელსაც ვეცდებით, რომ პროდუქტი საბაჟოზე რიგის გარეშე გავიდეს. ძირითადი ექსპორტიორი ქვეყნებია რუსეთი, აზერბაიჯანი, ყაზახეთი. ქართული ატამი ევროპის ქვეყნებზე ამ ეტაპზე არ გადის, თუმცა ამ მიმართულებითაც ვმუშაობთ. როგორც ღვინოში მოვახდინეთ დივერსიფიცირება , ასევე გვინდა ხილის სფეროშიც ვიმუშაოთ და როგორი თვითკმარიც გავხადეთ ყურძენი, ასევე თვითკმარი უნდა გავხადოთ სხვა ხილიც,“ - აცხადებს გარემოს დაცვისა და სოფლის მეურნეობის მინისტრის მოადგილე.


მარიამ მორგოშია







New York Times – როდესაც რაიმე მაღალი პროფილის მშენებლობაზეა საუბარი, ივანიშვილის მხარდაჭერა აუცილებელია

New York Times – როდესაც რაიმე მაღალი პროფილის მშენებლობაზეა საუბარი, ივანიშვილის მხარდაჭერა აუცილებელია
access_time2019-08-24 18:00:54
საქართველოს უმდიდრესი მოქალაქე, ბიძინა ივანიშვილი დაიბადა როგორც მშენებელი. ის ქალაქის ყველაზე თვალწარმტაც ფუტურისტულ სასახლეში ცხოვრობს, რომელიც 50 მილიონი ამერიკული დოლარის ღირებულების ფოლადისა და შუშისგან არის აშენებული. სასახლე ქალაქში მდებარე...

რამდენ ადამიანს ამოეწურა მართვის მოწმობაზე მინიჭებული 100 ქულა და შეუჩერდა მისი მოქმედება

რამდენ ადამიანს ამოეწურა მართვის მოწმობაზე მინიჭებული 100 ქულა და შეუჩერდა მისი მოქმედება
access_time2019-08-24 16:25:42
შინაგან საქმეთა სამინისტრომ მართვის მოწმობაზე მინიჭებულ ქულათა 2019 წლის მე-2 კვარტლის მონაცემები გამოაქვეყნა. როგორც სტატისტიკიდან ირკვევა,...

სარეკლამო ბაზარზე აქტივობამ იკლო

სარეკლამო ბაზარზე აქტივობამ იკლო
access_time2019-08-24 16:00:54
საქართველოში სარეკლამო ბიზნესისადმი ინტერესი შემცირდა. ამის მიზეზი, როგორც სპეციალისტები ვარაუდობენ, სეზონური ცვლილებაა და მდგომარეობა შეიძლება შემოდგომიდან შეიცვალოს. ცხადია, გარკვეული გავლენა ბაზარზე პოლიტიკურმა პროცესმაც იქონია. არასაარჩევნო პერიოდში რეკლამის მიმართ მოთხოვნა ისედაც შემცირებულია და სარეკლამო ბაზარზე გარკვეულწილად ამანაც მოახდინა გავლენა. ტენდენცია შეიცვალა და სატელევიზიო რეკლამიდან ინტერესმა სოციალური ქსელებისკენ გადაინაცვლა, რაც წამყვან სატელევიზიო...

რატომ უნდა გადარდებდეთ ამაზონის ჯუნგლები?

რატომ უნდა გადარდებდეთ ამაზონის ჯუნგლები?
access_time2019-08-24 12:00:30
ამაზონის ჯუნგლები იწვის. ეს ტერიტორია სახლია იმაზე მეტი მცენარისა და ცხოველისათვის, ვიდრე ნებისმიერი სხვა ადგილი დედამიწაზე. ცხოველებისა და მცენარეების გარდა, ამ ტერიტორიაზე დაახლოებით 400-მდე ტომიც ცხოვრობს. ამაზონის ჯუნგლები ერთ-ერთი უმნიშვნელოვანესი საგანძურია, არა მარტო ადგილობრივი მოსახლეობისთვის, არამედ მთელი დედამიწისთვის. თანაც, ის, თავისი ზომისა და მასშტაბების გათვალისწინებით, დედამიწის ერთ-ერთი უკანასკნელი...

ჯობსის, გეითსისა და ბეზოსის ტექნოლოგიური წინასწარმეტყველებები, რომლებიც ახდა

ჯობსის, გეითსისა და ბეზოსის ტექნოლოგიური წინასწარმეტყველებები, რომლებიც ახდა
access_time2019-08-24 20:00:24
მომავლის წინასწარმეტყველებისთვის აუცილებელი არაა წარმატებული ბიზნესმენი იყოთ, მაგრამ ეს ნამდვილად დაგეხმარებათ. წარმოგიდგენთ სილიკონ ველის ტექნოლოგიების მაგნატების — სტივ ჯობის, ბილ გეითსისა და ჯეფ ბეზოსის წინასწარმეტყველებებს, რომლებიც მათ ჯერ კიდევ მე-20 საუკუნეში ივარაუდეს. ჯობსმა იწინასწარმეტყველა, რომ მალე გაჯეტებსთან ვატარებდით აგენტებით. ერთი სიტყვით აიფონებს —...


მსგავსი სიახლეები

up