როგორი იქნება მოგზაურობა პანდემიის შემდეგ

როგორი იქნება მოგზაურობა პანდემიის შემდეგ

access_time2020-05-23 20:00:30

როგორი იქნება მოგზაურობა პანდემიის შემდეგ? - ეს კითხვა განსაკუთრებით აქტუალური მოგზაურობის მოყვარული ადამიანებისთვისაა. ჯერჯერობით, არ არსებობს საერთო სახელმძღვანელო პრინციპი, რომელსაც ყველა ქვეყანა უნდა ემორჩილებოდეს, თუმცა სპეცილისტები იმ სავარაუდო ტენდენციებზე საუბრობენ, რომელიც ტურიზმის გახსნის შემდეგ იარსებებს.

სამოქალაქო ავიაციის სააგენტოს დირექტორი, ლევან კარანაძე „იმედის დილასთან“ საუბრისას განმარტავს, რომ აეროპორტებში ოფიციალური პროცედურების დრო გახანგრძლივდება, თუმცა მგზავრთა ნაკადი არ იქნება ისეთი, როგორც ეს პანდემიამდე იყო.

„მაგალითად, როდესაც ვსაურობთ ტერმინალზე, ეს პროცესი ორ ნაწილად უნდა გავყოთ - რა შეზღუდვები იქნება გამგზავრების მსურველი ადამიანების შემთხვევაში და ჩამოსვლისას რა რეგულაციები იარსებებს. ზოგადად უნდა ველოდოთ, რომ ფორმალობების გავლის პროცესი და დრო უფრო ხანგრძლივი იქნება. ეს მოსალოდნელია და ამაზე საერთაშორისო ექსპერტებიც საუბრობენ, თუმცა ამას აბალანსებს ის, რომ პირველ ეტაპზე, ჩვენ არ ველით (და მსოფლიოშიც არაა ასეთი მოლოდინი), რომ მგზავრთა ნაკადი დიდი იქნება. შესაბამისად, იქნება ნაკლები მგზავრი და ამ პროცედურებს დიდი დრო არ დასჭირდება.

რეკომენდაცია ასეთია: მგზავრებს ეკიპაჟის წევრებთან რაც შეიძლება ნაკლები შეხება უნდა ჰქონდეთ, ასევე, მოკლე ფრენების შემთხვევაში, არსებობს რეკომენდაცია, რომ საკვების დარიგებაც შეიზღუდოს. მოკლე ფრენებად მიიჩნევა 3 საათზე ნაკლები ხანგრძლივობის ფრენა. სადაც მგზავრთა კონცენტრაცია მაღალია, მაგალითად, „ჩექ-ინის“, რეგისტრაციისას თუ ბარგის მიღების დროს, არსებობს ფიზიკური დისტანციის დაცვის ზოგადი რეკომენდაცია. ასევე, არსებობს რეკომენდაციები ჰაერის ფილტრაციასთან, ვინტილაციასთან, ხშირ დეზინფექციასთან დაკავშირებით, როგორც ტერმინალებში, ისე - საჰაერო ხომალდებზე“ - აცხადებს ლევან კარანაძე.

Forbes-ის ინფორმაციით, შესაძლებელია, საჰაერო ხომალდზე ხელბარგის ატანა შეიზღუდოს. არც ისაა გამორიცხული, რომ მგზავრებს იმუნური პასპორტი, სისხლის ანალიზის გაკეთება და რეგისტრაციის დამოუკიდებლად გავლა მოსთხოვონ. ამასთან, მსოფლიოს ზოგიერთმა ქვეყანამ, წამყვან აეროპორტებთან ერთად, ზრუნვა ბიომეტრიული ჩასხდომის დანერგვაზეც დაიწყო. ეს ნიშნავს იმას, რომ პასპორტის როლს მგზავრის სახე შეითავსებს.


„სხვადასხვა კომპანია სხვადასხვა პრინციპს ეფუძნება და ნერგავს. თვითმფრინავის, თანამედროვე საჰაერო ხომალდის თავისებურება განსხვავებულია. იქ არსებული ჰაერის ფილტრაცია ძალიან მაღალი ხარისხით ხდება, მაღალი დონისა და ინტენსივობის ფილტრებით. აქედან გამომდინარე, არც საჰაერო ტრანსპორტის საერთაშორისო ასოციაცია და არც ევროპული ორგანიზაცია არ იძლევა რეკომენდაციას, რომ მგზავრები აუცილებლად სავარძლის გამოტოვებით უნდა დასხდნენ“ -ამბობს ლევან კარანაძე

საჰაერო ხომალდზე შეზღუდვების დაწესებამდე დიდი ყურადღება იმ ქვეყნების შერჩევასაც ექცევა, რომლებთანაც საზღვრების გახსნა და ტურისტების მიღება ინფექციის გავრცელების რისკთან არ იქნება კავშირში.

„ახლა ყველა ქვეყანა ცდილობს, რომ საკუთარი უსაფრთხოება დაიცვას. ჩვენ ძალიან კარგი შედეგები გვაქვს და რა თქმა უნდა, გვინდა ამ მონაცემების შენარჩუნება. უნდა ვიყოთ ფრთხილად. ჯერჯერობით, გვაქვს ხედვა, რომ არსებული რეჟიმი შენარჩუნდეს. ყველა ადამიანი, რომელიც უცხოეთიდან შემოვა, შესაბამისი ფორმით შემოწმდება და მცირე დროით განთავსდება ცალკე. ამის შემდეგ შეეძლება სხვა ადამიანებთან კონტაქტი. ამ დღეებში სწორედ ამაზე მიდის მუშაობა - რომ გაიდლაინები და პროტოკოლები გაიწეროს. როგორ უნდა შემოვედნენ ქვეყანაში უცხოელი ტურისტები, რა დოკუმენტები უნდა ჰქონდეთ, საზღვარზე როგორ შემოწმდებიან, როგორ მოხდება მათი ტრანსპორტირება და განთავსება... იმ ქვეყნებთან, რომელთაც ამ მიმართულებით ჩვენთან თანამშრომლობის მზაობა გამოთქვეს, უფრო წინ ვართ წაწეულები. ასეთია ისრაელი, პოლონეთი, ჩეხეთი, ბალტიისპირეთის ქვეყნები. ეს ის ქვეყნებია, რომლებიც მზად არიან, გამოუშვან საქართველოში საკუთარი მოქალაქეები. შესაბამისად, მათთან მიმდინარეობს უფრო მეტი დეტალური ინფორმაციის გაცვლა“ - აცხადებს საქართველოს საგარეო საქმეთა მინისტრის მოადგილე, ალექსანდრე ხვთისიაშვილი.


Imedinews

თეგები:
მოგზაურობა



„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა
access_time2020-09-25 16:05:44
სადაზღვევო კომპანიების სავალდებულო საწესდებო კაპიტალის მინიმალური ოდენობის ზრდის გადავადების შესახებ განცხადება დაზღვევის სახელმწიფო ზედამხედველობის სამსახურის უფროსმა, დავით ონოფრიშვილმა, საქართველოს ბიზნეს ასოციაციიაში გამართულ შეხვედრაზე გააკეთა. შეხვედრას ასოციაციის პრეზიდენტი, სოსო ფხაკაძე უძღვებოდა. სადაზღვევო კომპანიების წარმომადგენლებს, აღნიშნულ საკითხზე მთავრობის მოსაზრება, პრემიერ-მინისტრის მრჩეველმა ეკონომიკურ საკითხებში, ბექა ლილუაშვილმა გააცნო. აღსანიშნავია,...


მსგავსი სიახლეები

up