დიღმის ჭალების პარკზე ტენდერი გამოცხადდა, სავარაუდო ღირებულება 14 851 039 ლარია -  როგორი იქნება თბილისის მასშტაბური პარკი ?  ( რენდერები და ვიდეო)

დიღმის ჭალების პარკზე ტენდერი გამოცხადდა, სავარაუდო ღირებულება 14 851 039 ლარია - როგორი იქნება თბილისის მასშტაბური პარკი ? ( რენდერები და ვიდეო)

access_time2019-06-12 19:00:26

თბილისში, დიღმის ჭალების პარკის მოწყობისთვის ტენდერი უკვე გამოცხადდა. სატენდერო პირობების თანახმად,  შესყიდვის სავარაუდო ღირებულება 14 851 039 ლარია. წინადადებების მიღება 28 ივნისს დაიწყება და 3 ივლისს დასრულდება.

 

გამოცხადებული ტენდერის მიხედვით, ტერიტორიაზე მათ შორის მოეწყობა: ხელოვნური ტბა, ამფითეატრი და მედიათეკა, საბავშვო ატრაქციონები, სპორტული სივრცე, 40 ავტომობილზე გათვლილი პარკინგი, გაიხსნება მდინარე მტკვრის სანაპირო და ეკო ხიდი მოეწყობა. რაც შეეხება დენდროლოგიას, პარკის ტერიტორიაზე ჯამში, 752 ახალი მცენარე დაემატება.

 

დიღმის ჭალებში, მდინარე მტკვრის მარჯვენა სანაპიროსა და ჭალის კუნძულზე, საერთო ჯამში, დაახლოებით 15 ჰექტარის ფართობის ტერიტორიაზე ახალი, თანამედროვე დიზაინის მრავალფუნქციური პარკი მოეწყობა, რომელიც თავისი მასშტაბურობიდან გამომდინარე, დედაქალაქის ერთ-ერთ მთავარ სარეკრეაციო სივრცის ფუნქციას მიიღებს.


 


დიღმის ჭალებში მდინარე მტკვრის სანაპიროზე მისასვლელი სასეირნო ბილიკები მოეწყობა. ამ მხრივ, ეს ტერიტორია უნიკალური იქნება, რადგან თბილისში სხვაგან მდინარე მტკვრის სანაპიროზე სეირნობა შესაძლებელი არაა, შესაბამისად, დიღმის ჭალების პარკი იქნება პირველი სარეკრეაციო სივრცე, რომელიც აღადგენს ადამიანების კავშირს მდინარესთან.

 

გათვალისწინებულია ჭალის კუნძულზე საფეხმავლო ხიდის გაკეთება, რომელიც დააკავშირებს პარკის ძირითად ტერიტორიას მდინარეში მდებარე კუნძულთან და ჭალის ტყესთან. თუმცა, უშუალოდ კუნძულზე არ მოეწყობა საფეხმავლო სივრცეები, რათა კუნძულის პარკთან ინტეგრირება ბუნებრივ გარემოზე ზემოქმედების გარეშე მოხდეს და იქ არსებული ბიომრავალფეროვნება და ჰაბიტატები უცვლელი სახით შენარჩუნდეს.

 




მთლიანად პარკი დაგეგმარებულია „მწვანე არქიტექტურის“ პრინციპების შესაბამისად, რომლის ფარგლებშიც, ასაშენებელი შენობა და კონსტრუქციები მაქსიმალურად იქნება შერწყმული ბუნებასთან და ლანდშაფტთან. ორიგინალური დიზაინის და არქიტექტურული გადაწყვეტის მეშვეობით, პარკის პროექტის უმეტესი ნაწილი მწვანე სივრცეებს დაეთმობა. მოეწყობა, როგორც ღია დასასვენებელი და საპიკნიკე ადგილები, ასევე, ხეებით ხშირად დაფარული მწვანე სივრცეები.


დიღმის ჭალების პარკის პროექტი ითვალისწინებს სხვადასხვა ფუნქციურ ზონას, მათ შორის, ბავშვების გასართობ, სპორტულ, სკეიდბორდის და ამფითეატრისათვის გამოყოფილ ტერიტორიებს. პარკში განთავსებული იქნება მრავალფუნქციური შენობა, რომლის ქვედა დონის სივრცე გამოყენებული იქნება მედიათეკად და კვების ობიექტის განსათავსებლად, ხოლო ზედა დონეზე კი განთავსდება ამფითეატრი, რომელიც ერწყმება გარშემო არსებულ ლანდშაფტს.

 



პარკის ცენტრალურ ნაწილში გაკეთდება ხელოვნური ტბა, რომელშიც წყალი მდინარე მტკვრისგან აიღება და შემდგომ გამოიყენება პარკის სარწყავი სისტემისათვის, რაც დამატებით დაზოგავს მორწყვისათვის საჭირო ენერგო რესურსსა და ფინანსებს.

 

ასევე, ტერიტორიის დენდროლოგიაც განახლდება. სრულად შენარჩუნდება ადგილზე არსებული ჯანსაღი ხეები, ხოლო დაავადებული და ხმობადი ხეები მოიჭრება და მათ ნაცვლად, ჭალის ტყისათვის დამახასიათებელი სახეობების ახალი ნერგები დაირგვება. სულ, დიღმის ჭალების საქალაქო პარკში 750 ახალი დიდი ზომის ხე დაირგვება. აღსანიშნავია, რომ კუნძულზე არსებული ტყე უცვლელად შენარჩუნდება.

 

პარკის პროექტირებისას გათვალისწინებული იქნა ინკლუზიურობა და მასზე თანაბარი წვდომა ყველა ვიზიტორისათვის, შესაბამისად, ყველა ზონა შშმ პირებისათვის ადაპტირებული იქნება.

 

პარკის მშენებლობისას გამოყენებული იქნება ეკოლოგიური მასალები, როგორიცაა ხე, ქვა და მეტალი. საფეხმავლო ბილიკებზე დაიგება ასფალტი, რომელიც გარშემო მწვანე სივრცესთან ინტეგრირებული იქნება.

 

პარკის ცენტრალური შემოსასვლელი მოეწყობა ჯორჯ ბალანჩინისა და აკაკი ბელიაშვილის ქუჩების კვეთის ადგილას, სადაც დაგეგმილია საპარკინგე სივრცის, შემოსასვლელი როტონდისა და პორტალის განთავსება. პარკში მოხვედრა, ასევე, შესაძლებელი იქნება საფეხმავლო ხიდით, მტკვრის მარცხენა სანაპიროდან კუნძულის გავლით, რაც ამ სივრცეს ხელმისაწვდომს გახდის პარკის მეორე ნაპირას მცხოვრები მოსახლეობისათვის.

 

როგორც სატენდერო დოკუმენტაციაშია აღნიშნული, მიმწოდებელი ვალდებულია სამუშაოები ხელშეკრულების გაფორმებიდან არაუგვიანეს 7 კალენდარული დღის ვადაში დაიწყოს. ამასთან, საჭიროების შემთხვევაში, დამკვეთის მითითებით, სამუშაოები დღე-ღამეში 24 სთ-ის განმავლობაში უნდა შესრულდეს.


ამასთანავე, დოკუმენტაციის მიხედვით, სამშენებლო სამუშაოების მიწოდების ვადა ხელშეკრულების გაფორმებიდან არაუგვიანეს 480 კალენდარული დღე (ექსპერტიზის მომსახურების ვადის ჩათვლით), ხოლო, დენდროლოგიური ნაწილის მიწოდების ვადა - არაუგვიანეს 2020 წლის 30 ნოემბერია (ექსპერტიზის მომსახურების ვადის ჩათვლით).







„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა

„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა
access_time2019-08-21 18:55:00
 „რუსთავი 2“  საინფორმაციო გამოშვება “კურიერის“ თითქმის ყველა ჟურნალისტმა დატოვა.  ინფორმაცია “კომერსანტს“ რუსთავი 2-ის ჟურნალისტებმა დაუდასტურეს. რამდენიმე წუთის წინ სოციალურ ქსელში კურიერის რამდენიმე ჟურნალისტმა სამსახურის დატოვების შესახებ გადაწყვეტილება გამოაცხადა, თუმცა მათ რიგებს, სავარაუდოდ, მთელი გუნდი შეუერთდა. „რუსთავი 2“-ის ყოფილმა დირექტორმა ნიკა გვარამიამ განაცხადა, რომ „მთავარი არხი“ მაუწყებლობის...

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა
access_time2019-08-21 20:00:50
გვენეტაძე - სავალუტო ფონდის უპირობო მსახური, თუ საქართველოს ეროვნული ბანკის პრეზიდენტი საერთაშორისო რესპუბლიკური ინსტიტუტის (IRI) სულ ბოლო კვლევის მიხედვით, გამოკითხული რესპონდენტების 70% ეროვნულ ბანკს არ ენდობა. საქართველო, დღესდღეობით, ადეკვატური მოცემულობის ქვეყანა რომ იყოს, მხოლოდ ეს ერთი მონაცემი იქნებოდა საკმარისი, ეროვნული ბაკის პრეზიდენტს, საიდანაც მოვიდა (ვოშინგტონი/სავალუტო ფონდი) ისევ იქეთ რომ აეკრა გუდა-ნაბადი (თუ მიიღეს),...

კომერსანტის ექსკლუზივი - მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება, სოლიდურ კომპენსაციას მიიღებს

კომერსანტის ექსკლუზივი - მაღაზია რუსთაველზე, რომლის ვიტრინაშიც  „ფორსაჟი 9“-ის  გადაღებებისას მანქანა შევარდება, სოლიდურ კომპენსაციას მიიღებს
access_time2019-08-21 17:30:38
უკვე მესამე დღე რაც თბილისში  „ფორსაჟი 9“-ის გადაღებები მიმდინარეობს და  უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა. ამჯერად ახალ ექსკლუზიურ დეტალზე გესაუბრებით: აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია - სპეცტრაილერი ბეთანიაში დიდი სიმაღლიდან...

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...


მსგავსი სიახლეები

up