როგორ უყურებენ ქართულ-რუსული  ურთიერთობების  გამწვავებას აფხაზეთში

როგორ უყურებენ ქართულ-რუსული ურთიერთობების გამწვავებას აფხაზეთში

access_time2019-06-26 20:00:15


რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza. 


(მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად იხ. ლინკი   


აფხაზებს ძალიან აღიზიანებთ ბოლო წლებში სულ უფრო მზარდი აღტაცება რუსი ტურისტების მხრიდან იმასთან დაკავშირებით, რომ საქართველოში მათ ხელის გულზე დაატარებენ, რომ ქართული კურორტები ნელა-ნელა უახლოვდება ევროპულ დონეს. და ეს ყველაფერი აფხაზეთში შექმნილი სიტუაციის მკვეთრი კრიტიკის და იქ შექმნილი კრიმინოგენური მდგომარეობის გაზვიადების ფონზე.


რუსულ მასმედიაში აფხაზეთის წინააღმდეგ მიმდინარეობს ნამდვილი კამპანია, რომელსაც აწარმოებს არასამთავრობო ორგანიზაცია „რუსული ხმა“. ის მოითხოვს კრემლისგან რესპუბლიკის წინააღმდეგ სანქციების დაწესებას.


ამ ფონზე, აფხაზების აზრით, აგრესიულმა ქართულმა ნაციონალიზმმა მოიხსნა ნიღაბი და დაანახა ყველას თავისი რეალური სახე - ანტირუსული პლაკატებით, ჟურნალისტებზე თავდასხმებით, რუსულ ენაზე ფილმების ჩვენების აკრძალვით, და ა.შ.


„აწი ყველა დაინახავს ვინ ვინ არის“  - ამბობენ სოხუმში.


ეს შეიძლება შეფასდეს როგორც ნიშნის მოგება, თუმცა, არის ნიშნის მოგება და ნიშნის მოგება. თუ ქვეყანა, რომელიც არის კონფრონტაციაში შენს ქვეყანასთან, ხდება რაიმე ტიპის ბუნებრივი კატაკლიზმის, მაგალითად, მიწისძვრის, მსხვერპლი, ამაზე სიხარული არის დაუშვებელი.


თუმცა, ამ შემთხვევაში, აფხაზები მიიჩნევენ, ქართველებმა თავად შეიქმნეს პრობლემები და პარლამენტში მომხდარმა ინციდენტმა უბრალოდ გამოავლინა ვინ არის ვინ.



პუტინის გადაწყვეტილება სამართლიანია. ის, რაც მოხვდა საქართველოში - წარმოუდგენელია. ქართველების ბუნებრივმა არტისტიზმმა მოხიბლა რუსები, თუმცა, ახალ ისინი დაინახავენ როგორია მათ მიმართ ქართველების რეალური დამოკიდებულება. ჩვენთან ასეთი რამ წარმოუდგენელია. რაც არ არის, ის არ არის. რუსოფობია აფხაზეთში ნამდვილად არ არის,“ - წერს ერთ-ერთი აფხაზი კომენტატორი.


რა თქმა უნდა, არავის არ ავიწყდება ისიც, რომ საქართველო არის რუსულ ტურისტულ ბაზარზე აფხაზეთის მთავარი კონკურენტი. სოხუმში იმედოვნებენ, რომ რუსები, რომლებიც ვერ მიდიან საქართველოში, წამოვლენ აფხაზეთში - ყოველ შემთხვევაში მათი ნაწილი მაინც.


როსტურიზმის გათვლებით, თუ შენარჩუნდება დღევანდელი სიტუაცია, საქართველო დაკარგავს რუსი ტურისტების 60-70%-ს.  ავტოტრანსპორტის ჩამომსვლელ ტურისტთა რაოდენობა შესაძლებელია გაიზარდოს, მაგრამ უმნიშვნელოდ. თანაც, საქმე არაა მხოლოდ სატრანსპორტო პრობლემებში - ბოლოს და ბოლოს, შესაძლებელია ფრენები მინსკის ამ ერევნის გავლით. აქ არის პოლიტიკური მხარეც  - ბევრ რუსს არ მოეწონება ის, რასაც ისინი დღეს ხედავენ ეკრანებზე.


2018 წელს აფხაზეთს ესტუმრა მილიონზე მეტი რუსი ტურისტი, თუმცა, გასათვალისწინებელია, რომ მათ შორის ნახევარზე მეტი იყო ჩამოსული ერთდღიანი ექსკურსიებით სოჭიდან.


აფხაზეთი ეროვნული ტურისტული კომპანიის დირექტორმა რუსლან კოკოსკირმა განაცხადა ერთ-ერთი ინტერვიუში,  რომ რუსი ტურისტების ნაკადი შესაძლებელია გაორმაგდეს საქართველოში მიმდინარე მოვლენების გამო.


„საბჭოთა პერიოდში აფხაზეთი იღებდა წელიწადში 3,5 მლნ. ტურისტს და ამ დროს იყო მხოლოდ 100 სასტუმრო, დღეს კი 400-ე მეტია,“ - თქვა მან.


თუმცა, ბევრი აფხაზი არ მიიჩნევს, რომ რუსი ტურისტი, რომელიც არ ჩადის საქართველოში, ჩავა მაინც და მაინც აფხაზეთში.


„გაივსო აფხაზეთი ექსპერტებით. საიდან ასეთი წარმოდგება, რომ აფხაზეთში ჩამოვლენ? რა, სხვა ადგილს ვერ ნახავენ? აგერ არის ყირიმი, ან თუნდაც თურქეთი,“ - წერს ერთ-ერთი ინტერნეტ მომხმარებელი.


აფხაზეთში ასევე განიხილავენ 20 ივნისის ღამის მოვლენებს და ბჭობენ, რამდენად შესაძლებელია ასეთი რამ აფხაზეთში. ყველა თანხმდება იმაზე, რომ აფხაზური საზოგადოება ძალიან მცირერიცხოვანია და ასეთი სასტიკი საქციელი ხელისუფლების მხრიდან ძნელი წარმოსადგენია.


თუმცა, ამავე დროს იხსენებენ, რომ აფხაზეთში ამა წლის მაისში განვითარებულმა მოვლენებმა დაანახა ყველას, სადამდე შეიძლება მიიყვანოს საზოგადოება საარჩევნო ციებ-ცხელებამ.


ekhokavkaza


თეგები:
აფხაზეთი



გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა

გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა
access_time2019-12-11 19:30:09
“ლოუკოსტერი” Ryanair-ი იმ მგზავრებს, რომელთაც 2020 წლის 1-ელი აპრილის შემდეგ გერმანიის აეროპორტებში ფრენებზე ქონდათ ავიაბილეთები შეძენილი საავიაციო გადასახადის ზრდის შესახებ აფრთხილებს. ავიაკომპანია ასეთ მგზავრებს განუმარტავს, რომ საავიაციო გადასახადის ზრდის გამო, შეძენილი ავიაბილეთის ღირებულებას თანხა დაამატონ, ან დაიბრუნონ ბილეთებში გადახდილი თანხა, ჯარიმის გარეშე.მგზავრებმა გადაწყვეტილება 18 დეკემბრამდე უნდა...

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს
access_time2019-12-11 17:30:09
2019 წლის 10 თვეში კომერციულ ბანკებში მომხმარებლების მიერ დაფიქსირებული პრეტენზიების რაოდენობამ 11 101 შეადგინა, რაც წინა წლის ანალოგიურ პერიოდთან (4 842) შედარებით 129%-ით...

„ლაღიძის წყლების შენობაში 5 მილიონს არავინ გადაიხდის“

„ლაღიძის წყლების შენობაში  5 მილიონს არავინ გადაიხდის“
access_time2019-12-11 16:20:50
„ლაღიძის წყლების“ ისტორიულ ადგილზე - რუსთაველის 24-ში,  აღდგენის სურვილი საქართველოს ყოფილმა პრემიერ-მინისტრმა გიორგი კვირიკაშვილმა გამოთქვა და   შესაბამისი დავალება თბილისის მერს, კახა კალაძეს მისცა. “ლაღიძის წყლების” ყოფილი შენობის გამოსყიდვა მერიას მიზანშეწონიდალად არ მიაჩნია. გამოსყიდვის ღირებულება 5 მილიონი ამერიკული დოლარია,“ -ასე ეხმაურება მერია ლაღიძის წყლების შენობის გამოსყიდვის ამბავს....

ანაკლიის პორტის აშენების ალტერნატივები არსებობს

ანაკლიის პორტის აშენების ალტერნატივები არსებობს
access_time2019-12-11 15:12:59
რეგიონული განვითარებისა და ინფრასტრუქტურის სამინისტროს დაქვემდებარებაში არსებული, სსიპ „ანაკლიის ღრმაწყლოვანი ნავსადგურის განვითარების სააგენტოს“ ხელმძღვანელი დავით ჯავახაძე აცხადებს, რომ ანაკლიის პორტის აშენების ალტერნატივები არსებობს, თუმცა სახელმწიფო “ანაკლიის განვითარების კონსორციუმთან” არსებულ ხელშეკრულებაზეა კონცენტრირებული. “ინტერპრესნიუსის” კითხვაზე, თუ სახელმწიფო “ანაკლიის განვითარების კონსორციუმთან” ხელშეკრულებას შეწყვეტს, როგორ გეგმავს...

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს
access_time2019-12-11 18:30:41
„საქართველოს უზენაესი სასამართლოს გადაწყვეტილება პრეცედენტული, ისტორიული და ჭეშმარიტად სამართლიანობის აღდგენის აქტია. საერთო სასამართლოების სისტემაში, წინამდებარე დავა პირველი შემთხვევაა და სასამართლოს განმარტებები მნიშვნელოვნად ხელს შეუწყობს ერთგვაროვანი პრაქტიკის დამკვიდრებას. კანონმა ლიცენზიის სახეობა გააუქმა, სახელმწიფომ კანონის მოთხოვნამდე წარმოშობილი სამართალ-ურთიერთობა არ ცნო, სასამართლოს კანონიერ ძალაში შესული გადაწყვეტილებით კი, დღეს უპირობოდ იქნა...


მსგავსი სიახლეები

up