როგორც გახდა აგრარული ისრაელი ლიდერი მაღალ ტექნოლოგიებში?

როგორც გახდა აგრარული ისრაელი ლიდერი მაღალ ტექნოლოგიებში?

access_time2019-10-26 20:00:56

ისრაელი - უნიკალური მოვლენაა მაღალტექნოლოგიური ბიზნესის სამყაროში. ქვეყანა, რომელიც გაჩნდა მსოფლიო რუკაზე 1948 წელს, 50 წლის მანძილზე გახდა ინოვაციური ზესახელმწიფო, შექმნა ეფექტური ეკოსისტემა, სადაც დაარსდა ასობით მოწინავე სტარტაპი.  2004 წელს ისრაელმა დაიკავა მე-2 ადგილი NASDAQ-ზე მომუშავე კომპანიების რაოდენობის მხრივ აშშ-ს შემდეგ.

 

თანაც, საუბარია ქვეყანაზე, რომელიც იმყოფება ომის ყოველდღიურ საფრთხის ქვეშ, რომელსაც აქვს ძალიან მცირე ტერიტორია ყოველგვარი ბუნებრივი რესურსების გარეშე. ერთი შეხედვით, ისრაელს არ გააჩნდა განვითარების არც ერთი შანსი, თუმცა, დღეს ამ ქვეყანაშია მეცნიერთა ყველაზე დიდი კონცენტრაცია - 145 მეცნიერი 100 000 მოქალაქეზე, ასევე მსოფლიოში მეცნიერული პუბლიკაციებისა და პატენტების ყევლაზე დიდი რაოდენობა, მთავრობა კი ხარჯავს მეცნიერებაზე მეტს, ვიდრე რომელიმე სხვა ქვეყანა შტატების ჩათვლით - მშპ-ს 4,5%-ს.

 

ისრაელი ითვლება მეორე სილიკონის ველად - მაღალტექნოლოგიური კომპანიების რაოდენობით, ის ჩამორჩება მხოლოდ აშშ-ს. ჯერ კიდევ 50 წლის წინ ისრაელს იცნობდნენ მსოფლიოში, როგორც ფორთოხლის გამყიდველს, დღეს კი ექსპორტის ნახევარი და მშპ-ს 11% მოდის მაღალტექნოლოგიურ პროდუქციაზე.

 

ტექნოლოგიური ინკუბატორის L.N. Innovative Technologies-ის დირექტორის კლარა ორენის თქმით, ისრაელის ვენჩურული წარმატება განაპირობა რამდენიმე ფაქტორმა, და პირველ რიგში - იმიგრაციამ სსრკ-დან, რომელიც დაიწყო 1973 წელს - ყოველი მესამე ებრაელი რეპატრიანტი საბჭოეთიდან იყო ან ინჟინერი, ამ ტექნიკოსი.

 

ორენმა იცის რასაც ლაპარაკობს - ის თავადაც ჩამოვიდა ისრაელში უკრაინის ქალაქ ჩერნოვციდან, შემდეგ, როგორც ყველა ებრაელი, მსახურობდა ჯარში და ჯარიდან დაბრუნებულმა დაიწყო საქმიანობა მაღალი ტექნოლოგიების სფეროში.

 

განსაკუთრებით გაიზრდა მაღალი კვალიფიკაციის სპეციალისტების ნაკადი 90-იანებში, საბჭოთა კავშირის დაშლის შემდეგ. იმ დროისთვის არსებული მეცნიერული და საკონსტრუქტორო ცენტრების მცირე რაოდენობა არ აღმოჩნდა ამისთვის მზად. და სწორედ მაშინ, 1991 წელს მთავრობამ აამუშავა პროექტი „ინკუბატორი“, რომელიც აფინანსებდა მცირე და საშუალო კომპანიებს მაღალი ტექნოლოგიების სფეროში.

 

სულ მოქმედებდა 24 ინკუბატორი, რომელთა მიზანი იყო ნიჭიერი კონსტრუქტორების წახალისება და მათ იდეების ბიზნესად ქცევა.

 

სირთულე იყო ისიც, რომ წარმატებისთვის ახალშობილ IT-ინდუსტრიას აუცილებლად სჭირდებოდა გასვლა საერთაშორისო დონეზე, რადგანაც თავად ისრაელის ბაზარი ზედმეტად მცირეა.

 

ამისთვის 1992 წელს სახელმწიფომ დააარსა რამდენიმე ფონდი, რომელიც ახდენდა სტარტაპების დაფინანსებას - ასე დაიწყო ძალზე ეფექტური და წარმატებული თანამშრომლობა სახელმწიფოს და კერძო სექტორს შორის.


 

პირველ ეტაპზე სახელმწიფო გამოყოფდა სტარტაპისთვის საჭირო დაფინანსების 50%-ს, რის სანაცვლოდაც იღებდა კომპანიის 40%-იან წილს. პროექტის ამუშავების შემდეგ ეს წილი მთლიანად უბრუნდებოდა კომპანიას და ამით სამთავრობო ჩარევა სრულდებოდა.

 

სწორედ ამ ფონდებმა და ინკუბატორებმა მისცა ისრაელს 90-იანი წლებში, მაღალი ტექნოლოგიების ბუმის დროს. საკუთარი ადგილის დამკვიდრების საშუალება.

 

2009 წელს, როდესაც ისრაელში უკვე მოქმედებდა 240 ვენჩურული ფონდი, სახელმწიფო პროგრამა შეწყდა, ხოლო ინკუბატორებმა და ფონდებმა გააგრძელეს მუშაობა დამოუკიდებლად. სახელმწიფომ მისცა ძლიერი ბიძგი IT ინდუსტრიას, და დღეს ის უკვე აღარ საჭიროებს მთავრობის დახმარებას.

 

„რა არის წარმატება სტარტაპისთვის? ეს არის კაპიტალიზაციის ზრდა, და შემდეგ მისი მიყიდვა მსხვილი ინვესტორისთვის. სწორედ ამას ვაკეთებთ ჩვენ, როდესაც ვდებთ კაპიტალს დამწყებ პროექტებში“, - ამბობს კლარა ორენი.

 

ფონდმა  L.N. Innovative Technologies  ბოლო წლების მანძილზე დააფინანსა 80 წარმატებული სტარტაპი, და ის დღესაც თანამშრომლობს სახელმწიფოსთან.

 

„სახელმწიფოსთვის ეს არაა ქველმოქმედება - ისრაელის მთავრობას აქვს სავსებით რაციონალური სტრატეგია  - სახელმწიფო ინვესტიციები ძალიან მალე იწყებს მუშაობას, და ავსებს ბიუჯეტს გადასახადებით. თანაც, იმ შემთხვევაში, თუ სახელმწიფოს მიერ მხარდაჭერილი სტარტაპი დააპირებს, გაყიდვას ან სხვა ქვეყანაში გადასვლას, მას მოუწევს სერიოზული კომპენსაციის გადახდა. სქემა კარგად მუშაობს - სტარტაპების უმრავლესობა საბოლოო ჯამში რჩება ისრაელში და მუშაობს საექსპორტო ბაზრებზე“, - ამბობს ორენი.

 

ისრაელში წარმატებული სტარტაპების წილი შეადგენს 30%-ს, რაც ძალიან ბევრია - სხვა ქვეყნებთან შედარებით. მაგალითად, შტატებში, სტარტაპების 95% კოტრდება და წარმატებას აღწევს მხოლოდ 5%.

 

„ჩვენ უბრალოდ ძალიან დიდი ყურადღებით ვირჩევთ პროექტებს, თანაც გვაქვს კარგი მენეჯმენტი“,  - ამბობს  L.N. Innovative Technologies-ს დირექტორი.

 

 

„სტარტაპერები ხშირად ფიქრობენ, რომ საკმარისია ყველაზე დაანახო როგორ მუშაობს პროდუქტი და მთელი მსოფლიო დაიჩოქება მუხლებზე. თუმცა, სინამდვილეში ბევრად უფრო მნიშვნელოვანია გუნდი და ეფექტური მენეჯმენტი. ალბათ უცნაურად ჟღერს, მაგრამ ზედმეტად ძლიერი ლიდერი - რისკ-ფაქტორია. მას არ ჰყოფნის კომპრომისის უნარი და ამიტომაც მას არავინ არ მიჰყვება. შესაძლოა ის გახდეს ნობელის პრემიის ლაურეატი, თუმცა, ვერასდროს ააშენებს წარმატებულ ბიზნესს“ - მიიჩნევს კლარა ორენი.

 

ინვესტირების გადაწყვეტილების მიღებაში დიდი მნიშვნელობა აქვს ინტელექტუალური საკუთრების დაცვის საკითხს.

 

„ჩვენ ვხარჯავთ საშუალოდ 200 000 ევროს იმის დადგენაზე, თუ რამდენად ძლიერია პროექტი ინტელექტუალური საკუთრების კუთხით, რადგანაც მეცნიერულ პროექტებში სწორედ ინტელექტუალური საკუთრება არის მონეტიზაციის საფუძველი. აუცილებელია, რომ სტარტაპის მიერ დამუშავებულ ტექნოლოგიაზე პირველ წლებში მოქმედებდეს მონოპოლიური უფლებები  - სწორედ ასე შეუძლიათ ინვესტორებს მოგების მიღება. შემდეგ უკვე შეიძლება ამ გამოგონებების გადაყვანა public domain-ის რეჟიმი, და ის გახდეს ხელმისაწვდომი ყველასთვის» - ამბობს კლარა ორენი.

 

Forbes

 

 

 


თეგები:
ისრაელი



რესტორანი, აუზი, საუნა და საოფისე ფართები - როგორი იქნება ეკონომიკის სამინისტროს ყოფილ შენობაში “ჰუალინგის” სასტუმრო

რესტორანი, აუზი, საუნა და საოფისე ფართები - როგორი იქნება ეკონომიკის სამინისტროს ყოფილ შენობაში “ჰუალინგის” სასტუმრო
access_time2020-01-27 15:50:44
თბილისში, ჭანტურიას ქუჩაზე, ეკონომიკის სამინისტროს ყოფილ შენობაში სასტუმროს მშენებლობა დაიწყო. თბილისის მუნიციპალიტეტის არქიტექტურის სამსახურისგან მშენებლობის ნებართვა ინვესტორმა გასული წლის 23 აგვისტოს მიიღო.   შეგახსენებთ, რომ სახელმწიფო ქონების ეროვნული სააგენტოსა და „Hualing international special economic zone“-ს შორის 2015 წლის 21 ივლისს გაფორმებულ...

„ქართული წისქვილკომბინატები რუხ ფქვილს არ აწარმოებენ“

„ქართული წისქვილკომბინატები რუხ ფქვილს არ აწარმოებენ“
access_time2020-01-27 14:53:58
საქართველოში პურის ხარისხთან დაკავშირებით კითხვები მუდმივად არსებობს, რასაც ობიექტური მიზეზებიც აქვს. თუ გავითვალისწინებთ, რომ ქვეყანაში პურის ხარისხის კონტროლი, პრაქტიკულად არავის ევალება. ამ მიმართულებით მთავარი და უკვე ტრადიციად ქცეული კითხვაა, იღებება თუ არა პური საქართველოში. საქმე ეხება ჭვავის და ეგრეთ წოდებულ შავ პურს, რომელიც როგორც წესი ჭვავის, რუხი ფქვილისგან უნდა მზადდებოდეს. თუმცა,...

ჯანდაცვის მინისტრის რეკომენდაცია - შეიზღუდოს ჩინეთის მიმართულებით მოგზაურობა

ჯანდაცვის მინისტრის რეკომენდაცია - შეიზღუდოს ჩინეთის მიმართულებით მოგზაურობა
access_time2020-01-27 13:37:31
„ვიძლევით რეკომენდაციებს ჩვენი მოქალაქეებისთვის, რათა მათ შეზღუდონ ფრენები და მოგზაურობა ჩინეთის მიმართულებით“, - ამის შესახებ ჯანდაცვის მინისტრმა ეკატერინე ტიკარაძემ განაცხადა.მისივე თქმით, ჩინეთიდან პირდაპირი რეისები ამ ეტაპისთვის გადადებულია და დღეს იქნება შეხვედრა მაღალ დონეზე, სადაც მიიღებენ გადაწყვეტილებას შემდეგი რეისების გადადების საჭიროებასთან დაკავშირებით. „შექმნილი გვაქვს საგანგებო საკოორდინაციო ჯგუფი, რომელიც აქტიურაც მუშაობს საერთაშორისო...

შეინ როზენტალი: „ჩვენ ანაკლიის პორტის პროექტის მხარდამჭერები ხანგრძლივი პერიოდის განმავლობაში ვრჩებით“

შეინ როზენტალი: „ჩვენ ანაკლიის პორტის პროექტის მხარდამჭერები ხანგრძლივი პერიოდის განმავლობაში ვრჩებით“
access_time2020-01-27 12:40:08
 2018 წელს აზიის განვითარების ბანკმა (ADB) და ანაკლიის განვითარების კონსორციუმმა ურთიერთშეთანხმების მემორანდუმი გააფორმეს, რომელიც მიზნად ისახავდა საქართველოში ანაკლიის ღრმაწყლოვანი პორტისა და სპეციალური ეკონომიკური ზონის განვითარების შესაძლებლობების შესწავლასა და გამოვლენას. რამდენიმე დღის წინ „ანაკლიის განვითარების კონსორციუმთან“ ხელშეკრულება ოფიციალურად შეწყდა და პროექტის ბედი დღემდე...

რა შემოსავალზე მუშაობს და ვის ეკუთვნის „თბილისი მოლი“ - როგორი იყო კომპანიის ფინანსური მაჩვენებლები 2018 წელს

რა შემოსავალზე მუშაობს და ვის ეკუთვნის  „თბილისი მოლი“ - როგორი იყო კომპანიის ფინანსური მაჩვენებლები 2018 წელს
access_time2020-01-27 17:00:44
სავაჭრო ცენტრმა „თბილისი მოლმა“, რომელიც 2012 წელს გაიხსნა, 2018 წელი მცირე ზარალით დაასრულა. ამის შესახებ კომპანიის მიერ გამოქვეყნებულ ფინანსურ ანგარიშგებაშია აღნიშნული. ცნობისთვის, „თბილისი მოლს“, რომლის იურიდიული დასახელებაც შპს „რაკიინ აფთაუნ დეველოპმენტია“, 2019 წლის ანგარიშგება არ აქვს გამოქვეყნებული, შესაბამისად, „ბიზნესპრესნიუსი“ კომპანიის 2018 წლის ფინანსურ მაჩვენებლებს გთავაზობთ. როგორც ანგარიშგებიდან ირკვევა, კომპანია მე-2...


მსგავსი სიახლეები

up