როგორ ვაქციოთ დაბინძურებული ჰაერი სამკაულად?

როგორ ვაქციოთ დაბინძურებული ჰაერი სამკაულად?

access_time2018-09-02 16:00:42

 

სამკაულების დასამზადებლად სმოგის გამოყენების იდეა ერთი შეხედვით აბსურდულად ჟღერს, თუმცა ამაში წამოუდგენელი არაფერია, თუ საჭირო ინგრედიენტები გვაქვს, რაც მოიცავს: ქალაქში დაბინძურებულ ჰაერს, რომელიც, სამწუხაროდ, არ გვაკლია, ცოტა შემოქმედებით აზროვნებას, ტექნოლოგიების ჭკვიანურად გამოყენებას და სულ რაღაც ნახევარ საათში შესაძლებელია, სმოგისგან ბეჭედი დავამზადოთ. 

 

გლობალური მონაცემებით, 2016 წელს დაბინძურებული ჰაერით გამოწვეული ავადმყოფობების შედეგად 4.2 მილიონი ადამიანი გარდაიცვალა, რაც 1990 წლის მაჩვენებელს თითქმის 23%-ით აღემატება. აღმოსავლეთი ევროპა ამ მხრივ ერთ-ერთი პრობლემური რეგიონია. მსოფლიოში არსებული ამგვარი სტატისტიკა კი კიდევ უფრო გვიბიძგებს ვიფიქროთ კრეატიულ გზებზე, თუ როგორ შეიძლება ვებრძოლოთ მსგავს პრობლემებს დღეისათვის ჩვენს ხელთ არსებული რესურსებით. საბედნიეროდ, თანამედროვე ტექნოლოგიების წყალობით საკმაოდ ეფექტური და “მწვანე” იდეების განხორციელება შეგვიძლია, ენერგიის მინიმალური დანახარჯით და გარემოსთვის ზიანის მიყენების გარეშე.

 

ამის შესანიშნავი მაგალითია კომპანია Studio Roosegaarde, რომელიც, არც მეტი, არც ნაკლები, პეკინის სმოგისგან ბეჭდებსა და საკინძებს ამზადებს. ჰოლანდიელი ანტრეპრენიორისა და ინოვატორის, Daan Roosegaarde-ს ხელმძღვანელობით დიზაინერებისა და ინჟინრების ჯგუფი ცდილობს ერთად გადაჭრას ურბანიზაციის ფონზე წარმოქმნილი პრობლემები. Smog Free Project-ი პირველად 2015 წელს დაიწყო. იგი ჰაერის დაბინძურების წინააღმდეგ მიმართული ურბანული ინოვაციების სერიას მოიცავს. პროექტმა დასაწყისშივე დიდი მოწონება დაიმსახურა და Kickstarter-ის მეშვეობით მოთხოვილ თანხაზე გაცილებით მეტი - $ 50 000-ის მოლოდინში $ 113,153 მოიპოვა. 

 

Smog Free Project-ის სერიის ერთ-ერთი გამორჩეული პროექტია - მსოფლიოში ჯერჯერობით ყველაზე დიდი ჰაერის გამწმენდი, ასე ვთქვათ, უზარმაზარი “მტვერსასრუტი”, რომელიც პარკებში განთავსდება. გუნდმა შექმნა 7 მეტრი სიმაღლის თანამედროვე შენობის მსგავსი კონსტრუქცია, რომელიც შეიწოვს დაბინძურებულ ჰაერს, გადაამუშავებს მას და ბუნებაში სუფთა სახით აბრუნებს.“მტვერსასრუტს” შეუძლია ერთ საათში 30 000 კუბური მეტრი ჰაერი გაწმინდოს. მისი შემქმნელის განცხადებით, პარკში გიგანტური გამწმენდის წყალობით 55-75%-ით უფრო სუფთა ჰაერია, ვიდრე ქალაქში. თუმცა ეს ოპერაციის საბოლოო ეტაპი არაა. ვინაიდან კომპანია  ნარჩენების გადამუშავებისთვის ბოლომდე იბრძვის, აქაც მოიფიქრეს საკმაოდ მოხერხებული გზა. რასაკვირველია, ჰაერის გაწმენდისას მტვრის ნაწილაკები გამოიყოფა და დანადგარშივე გროვდება. სწორედ ამ ერთად დაგროვილ მტვერს მაღალი  წნევის საშუალებით პრესავენ და ამზადებენ ძვირფასი ხარისხის ბეჭდებს (Smog Free Ring), ასევე პატარა ზომის ლამაზ კუბებს შავი გულით, რომელთაც მომხმარებელი თავისი ფანტაზიის მიხედვით იყენებს - საყურის, ყელსაბამის ან სხვა სამკაულის შესაქმნელად. საბოლოოდ ეს ყველაფერი იმას ნიშნავს, რომ ერთი ბეჭდის/კუბის შესაქმნელად 1000 კუბური მეტრი ჰაერი იწმინდება. გამწმენდის გადაადგილება თავისუფლადაა შესაძლებელი. პირველი მოწყობილობა ერთხანს მდებარეობდა კრაკოვში, შემდეგ პეკინსა და ტიანძინში. ამ ეტაპზე მის განვითარებაზე მუშაობს კომპანიის ჩინელი პარტნიორი - ფირმა Film Method Works-ი. მეორე გამწმენდი კი როტერდამის პარკში აგრძელებს მუშაობს. 

 


ამ ყველაფერს ისიც ემატება, რომ მთელი მექანიზმი აღჭურვილია გარემოსთვის არასაზიანო ტექნოლოგიით და მოიხმარს მცირე რაოდენობის ელექტროენერგიას. კომპანიის მონაცემებზე დაყრდნობით, ეს უზარმაზარი მოწყობილობა იყენებს 1170 ვატს, ანუ დაახლოებით იმავე რაოდენობის ელექტროენერგიას, რასაც ჩვენი სამზარეულოს ელექტროჩაიდანი.

 

კიდევ ერთი ხერხი ჰაერის დაბინძურებასთან ბრძოლისთვის კომპანიამ ველოსიპედებში დაინახა. პროექტ Smog Free Bicycle-ის განხორციელება 2017 წელს დაიწყო. ველოსიპედის საჭეზე დამაგრებული პატარა მოწყობილობა გადაადგილებისას ისრუტავს ჰაერს, ფილტრავს და გასუფთავებულს უბრუნებს ველოსიპედისტს. გამწმენდი კი ენერგიის გამოსამუშავებლად პედალის ძალას იყენებს. მისი პირველი პროტოტიპი წელს შეიქმნა და მის განვითარებაზე მუშაობა ახლაც მიმდინარეობს. სამომავლო პარტნიორი კი ერთ-ერთი უმსხვილესი ჩინური ველოსიპედების გასაზიარებელი კომპანია OFO-ა, რომელსაც 100 მილიონზე მეტი (2017) რეგისტრირებული მომხმარებელი ჰყავს და მისი პროდუქცია მსოფლიოს 250 ქალაქშია ხელმისაწვდომი. ჩინეთს, სადაც ყოველწლიურად 1-1.2 მილიონი ადამიანი იღუპება დაბინძურებული ჰაერის გამო და რომელიც ამავდროულად ველოსიპედების რაოდენობით ერთ-ერთი მოწინავე ქვეყანაა, ვფიქრობ, ნამდვილად წაადგება მსგავსი წამოწყებები ამ დიდ პრობლემასთან ბრძოლაში.

 

კრეატიული აზროვნება ისაა, რაც ყველა ტექნოლოგიაზე წინ გვაყენებს და რაშიც მანქანები ჯერ ვერ დაგვეწევიან. ჩვენი უპირატესობა კი ის არის, რომ ისინი ჩვენი ინოვაციური მიზნების შესასრულებლად მაქსიმალურად გამოვიყენოთ. ეს პროექტი კი მხოლოდ ერთ-ერთი მათგანია.

 

 

ავტორი: მაკა შანქიშვილი

 Forbes Georgia






ევროპარლამენტმა საქართველოს შესახებ რეზოლუცია მიიღო

ევროპარლამენტმა საქართველოს შესახებ რეზოლუცია მიიღო
access_time2018-11-14 18:55:47
ევროპარლამენტმა პლენარულ სესიაზე საქართველოს მიერ ასოცირების შეთანხმების შესრულების შესახებ რეზოლუცია 528 ხმით მიიღო. წინააღმდეგ 97 ევროპარლამენტარი წავიდა, ხოლო 34-მა თავი შეიკავა. რეზოლუციაში დადებითადაა შეფასებული ასოცირების, ღრმა და ყოვლისმომცველი თავისუფალი სავაჭრო შეთანხმებების შესრულების პროცესი. ამასთან, ევროპარლამენტი საქართველოს ხელისუფლებას მოუწოდებს განაგრძოს სტაბილურობის, შემდგომი დემოკრატიული რეფორმებისა და ეკონომიკური და სოციალური გაუმჯობესების...

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია

ანა დოლიძე ევროპარლამენტის ანგარიშს აფასებს: სახელმწიფოს ეკონომიკური განვითარების ერთ-ერთი მთავარი გასაღები კონკურენციის სააგენტოა, ნოდარ ხადური კი ღრმა ძილშია
access_time2018-11-14 19:11:19
იუსტიციის საბჭოს არა მოსამართლე წევრი ანა დოლიძე ევროპარლამენტის ანგარიშის პროექტს ეხმიანება და სრულად ეთანხმება დოკუმენტში ხაზგასმულ ყველა პრობლემასა თუ რეკომედანციას. დოლიძე დარწმუნებულია, რომ ელიტური კორუფცია სერიოზულ პრობლემად რჩება და ხელისუფლება არსებულ გამოწვევებს ადეკვატურად არ პასუხობს. ქვეყანაში არსებული მწვავე მდგომარეობის ერთ-ერთ სათავეს კი ანა დოლიძე კონკურენციის სააგენტოში ხედავს. მეტიც, იუსტიციის საბჭოს არა მოსამართლე წევრი...

რუსული ნავთობის წინააღმდეგ შესაძლოა სანქციები ამოქმედდეს

 რუსული ნავთობის წინააღმდეგ შესაძლოა სანქციები ამოქმედდეს
access_time2018-11-14 20:00:00
„აშშ-მ შესაძლებელია რუსულ ნავთობზე სანქციები დააწესოს“ — ბრიტანული კომპანია  Facts Global Energy (FGE), რომელიც ნავთობისა და გაზის ბაზარს შეისწავლის, თავის მომხმარებელს აფრთხილებს. ექსპერტები რუსული ნავთობის წინაამღდეგ  სანქციების ამოქმედებას პროგნოზირებენ. უფრო ზუსტად,  კომპანიაში მიაჩნიათ, რომ  შეზღუდვების ახალი პაკეტი შესაძლებელია ითვალისწინებდეს აშშ-ში ნებისმიერი რუსული პროდუქციის იმპორტის აკრძალვას, მათ შორის...

ლაშა ქორიძე: საქართველო გახდება ნავთობ და პეტროქიმიური პროდუქტების ექსპორტიორი ქვეყანა

ლაშა ქორიძე: საქართველო  გახდება ნავთობ და პეტროქიმიური პროდუქტების ექსპორტიორი ქვეყანა
access_time2018-11-14 18:00:04
 ბაზრის კონიუნქტურიდან გამომდინარე, არ არსებობს არგუმენტი, რომელიც ხელს შეუშლის სუფსის პეტროქიმიური კომპლექსის სრულფასოვან მუშაობას, - ასეთია ვარლეი პარსონს/ადვიზიანის და არგუს მედია ლიმითედის დასკვნა, რომლის მიხედვითაც 2050 წლამდე სუფსის ნავთობგადამამუშავებელი და პეტროქიმური კომპლექსის პროდუქციაზე უწყვეტი მოთხოვნა იქნება. გავლენიანი საერთაშორისო ორგანიზაციების დასკვნის საფუძველზე კომპანია „ სუფსის ნავთობგადამამუშავებელი პეტროქიმიური კომპლექსი” (SRPC) 3 მილიარდიანი...

შემდეგი ეტაპი: Tesla მსოფლიოს წინააღმდეგ

შემდეგი ეტაპი: Tesla მსოფლიოს წინააღმდეგ
access_time2018-11-14 21:00:00
Tesla ელექტრომობილების ბაზარზე დომინაციას განაგრძობს - ელექტრომობილების მწარმოებელმა კომპანიამ მსოფლიოში 500,000-ზე მეტი ავტომობილი გაყიდა, რაც, Navigant Research-ის მიხედვით, მსოფლიოში გაყიდული ელექტრომობილების 20%-ს წარმოადგენს. აშშ-ის ბაზარზე Tesla გაცილებით მეტ ავტომობილს ყიდის, ვიდრე Nissan Leaf, GM Chevy Bolt და სხვ. თუმცა დიდი ალბათობით, მომდევნო წლებში Tesla-ს გაცილებით რთულ კონკურენტუნარიან გარემოში მოუწევს...


მსგავსი სიახლეები

up