როგორ მუშაობს ერთი ფანჯრის პრინციპი მსოფლიოში - საქართველოს ხელისუფლება ბიუროკრატიული ბარიერების მოხსნაზე მუშაობს

როგორ მუშაობს ერთი ფანჯრის პრინციპი მსოფლიოში - საქართველოს ხელისუფლება ბიუროკრატიული ბარიერების მოხსნაზე მუშაობს

person access_time2016-02-18 10:04:04

ხელისუფლების მხრიდან ბიზნესისთვის „ერთი ფანჯრის“ პრინციპის შეთავაზება ბიუროკრატიული ბარიერების გამარტივების ყველაზე იოლი და ყველაზე სწრაფად აღსრულებადი საშუალებაა – ასე აფასებს პრემიერმინისტრის ინიციატივას ბიზნესომბუდსმენი და ეკონომიკური საბჭოს მდივანი გიორგი გახარია. 


აღნიშნული პრინციპის დანერგვისადმი დადებითი მოლოდინებია ბიზნესშიც – ლაშა პაპაშვილის განცხადებით, როგორც ერთი ფანჯრის პრინციპით კერძო პირებისთვის მომსახურების ცენტრებია გახსნილი, იგივე უნდა მოხდეს ბიზნესისთვისაც.


როგორც პრემიერმინისტრმა გიორგი კვირიკაშვილმა „ბიზნესასოციაციასთან“ შეხვედრაზე განაცხადა, კომპანიებისთვის აბსოლუტურად ყველა სერვისის მიწოდება ერთი ფანჯრის პრინციპით უნდა მოხდეს იმისთვის, რომ მათ სხვადასხვა სამინისტროში სიარული აღარ მოუწიოთ.

 

პრემიერმა აღნიშნა, რომ ერთი ფანჯრის პრინციპში როგორც ფიზიკურ, ასევე ციფრულ სივრცესაც გულისხმობს. გიორგი კვირიკაშვილმა აღნიშნა, რომ ეს დაახლოებით ისე უნდა მოხდეს, როგორც ფიზიკური პირებისთვის იუსტიციის სახლშია, სადაც ბევრი დოკუმენტის მიღება ერთ სივრცეშია შესაძლებელი.

 

„კომერსანტი“ დაინტერესდა, კონკრეტულად რას გულისხმობს ერთი ფანჯრის პრინციპი და როგორ მუშაობს ის მსოფლიოს სხვა ქვეყნებში. როგორც გავარკვიეთ, ამ სისტემის ძირითადი მიზანი მატერიალური და დროის რესურსის დაზოგვაა, როგორც ხელისუფლების, ისე კომპანიების მხრიდან.

 

ეს პრინციპი საშუალებას იძლევა კომპანიებმა შეაგროვონ შესაბამისი დოკუმენტაცია ერთ კონკრეტულ ადგილზე. ასეთი დოკუმენტებია  საბაჟო დეკლარაციები, აპლიკაციები იმპორტიორებისა და ექსპორტიორებისთვის, ასევე ისეთი დოკუმენტებისა და სერთიფიკატების აღება, როგორიცაა ადგილწარმოშობის სერთიფიკატები და სავაჭრო ინვოისები.

 


როგორც „გაეროს ვაჭრობის გამარტივებისა და ელექტრონული ბიზნესის  ცენტრის“ მიერ მომზადებულ კვლევაშია აღნიშნული, ბევრ ქვეყანაში კომპანიებს იმპორტისა და ექსპორტისთვის უწევთ უამრავი ინფორმაციის მოგროვება ხელისუფლების სხვადასხვა უწყების მხრიდან.


„ეს ინფორმაცია და დოკუმენტაცია ხშირად მოიპოვება სხვადასხვა სააგენტოებიდან, რომლებსაც გააჩნიათ საკუთარი სპეციფიური სისტემა და განაცხადის ფორმა. სწორედ ეს უქმნის ხშირ შემთხვევაში პრობლემას როგორც ბიზნესს, ისე ხელისუფლებას. ერთი ფანჯრის პრინციპი არის სწორედ ამ პრობლემის გადაჭრის გზა. მას შეუძლია გაზარდოს ინფორმაციაზე ხელმისაწვდომობა და გაამარტივოს ინფორმაციის გაცვლა სახელმწიფოსა და ბიზნესს შორის. ეს კი ერთიანი სისტემის შექმნით არის შესაძლებელი“,- აღნიშნულია კვლევაში, რომელშიც რამდენიმე ქვეყანაში ერთი ფანჯრის პრინციპის დანერგვაზეა საუბარი.

აქვე ნათქვამია, რომ ამ პრინციპის ერთი ჩამოყალიბებული მოდელი არ არსებობს. მისი დაფინანსება შეიძლება ხდებოდეს სახელმწიფოს მიერ, ბიზნესის მიერ, ან ორივეს თანადაფინანსებით. ასევე ამ პრინციპის გამოყენება ზოგიერთ ქვეყანაში სავალდებულოა, ზოგიერთში კი არასავალდებულო.


კვლევაში მოტანილია სხვადასხვა ქვეყნის მაგალითი. მაგალითად ფინეთში, 1990-იან წლებში გემს ფინურ პორტში შესასვლელად 7 განსხვავებული ფორმის დოკუმენტი უნდა შეევსო. თითოეული დოკუმენტის შინაარსის 80%-90% ერთნაირი იყო. დოკუმენტები შეიცავდნენ ინფორმაციას გემის იდენტიფიკაციის შესახებ, პორტში შესვლის სავარაუდო დროის შესახებ, სატვირთო და სახიფათო ტვირთების შესახებ და ა.შ.


კვლევის ავტორები აცხადებენ, რომ ამ პროცესის დასრულებას საკმაოდ დიდი შრომა ხმარდებოდა. ფინეთის ხელისუფლებამ კი დაინახა, რომ ამაში ძალიან დიდი რესურსი იხარჯებოდა. ამის შემდეგ მათი მთავარი ამოცანა გახდა ერთი კონკრეტული დოკუმენტის ფორმის შექმნა, რომელსაც  პორტში გემების შემოსვლისას გამოიყენებდნენ.


შედეგად ჩამოყალიბდა სისტემა, Port net-ი, რომლის მეშვეობითაც გემის წარმომადგენლები ნებისმიერი სახის ინფორმაციას აწვდიან პორტებს, როგორც ელექტრონულად, ასევე ჩვეულებრივი გზით.


კვლევის მიხედვით, ერთი ფანჯრის პრინციპი წარმატებულად მუშაობს გვატემალაშიც. აქ ერთი ფანჯრის პრინციპი გულისხმობს ინფორმაციის მიღებასა და გაცემას შემდეგ საკითხებზე: სტატისტიკა, საექსპორტო დოკუმენტაცია, სემინარები და ტრენინგ კურსები, ონლაინ გადახდები ექსპორტიორებისთვის, ინფორმაცია გვატემალასა და სხვადასხვა ქვეყანას შორის გაფორმებული სავაჭრო ხელშეკრულებების  შესახებ.


აშშ-ში კი ჩამოყალიბებულია სპეციალური სისტემა ITDS, რომელიც ერთიანი ელექტრონული ინტერფეისია და მოიცავს ყველანაირ ინფორმაციას სახელმწიფო სააგენტოების შესახებ. აქ განთავსებული ცნობები მოიცავს ინფორმაციას წინასწარი კვლევისა და საქონლის განთავსების შესახებ, ასევე გადასახადების, ვალდებულებების თაობაზე. ამ შემთხვევაში სისტემა კომპანიების რეგისტრაციას არ ითვალისწინებს. თუმცა, არსებობს ქვეყნები, სადაც კომპანიების რეგისტრაციაც ერთი ფანჯრის პრინციპით ხდება.


რაც შეეხება საქართველოს, დეტალები რეფორმის შესახებ ცნობილი არ არის. პრემიერმა ინვესტორთა საბჭოს სხდომაზე განაცხადა, რომ შეიქმნება მთავრობის ერთიანი ფრონტ-ოფისი, რომელიც იურიდიულ და ფიზიკურ პირებს ერთი ფანჯრის პრინციპით მოემსახურება.

 

ერთი ფანჯრის პრინციპი, სავარაუდოდ, შეამცირებს იმ ბიუროკრატიულ ბარიერებს, რაც დღეს ბიზნესს სახელმწიფოსთან ურთიერთობაში ექმნება. კერძო სექტორის წარმომადგენლები ერთ-ერთ უმთავრეს პრობლემად ბიუროკრატიას ასახელებენ. ამის შესახებ „კომერსანტთან“ მათ არაერთხელ უსაუბრიათ.

 




„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს

„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს
access_time2020-08-12 17:20:01
„ნიკორა ჯგუფი“ ზარალზეა - კომპანიამ, რომლის ბრუნვა წინა წლებში ნახევარ მილიარდს აღემატებოდა, 2019 წელს მოგებაზე გასვლა ვერ შეძლო და წელი 8.2 მლნ ლარის ზარალით დაასრულა. აღსანიშნავია, რომ თიბისი კაპიტალის დახმარებით სს ნიკორამ საჯარო ემისიის სახით 2019 წელს 28 მილიონი ლარის ოდენობის ობლიგაციები განათავსა. ფასიანი ქაღალდები საქართველოს საფონდო ბირჟაზე დაილისტა. როგორც ლარის სხვა საჯარო ობლიგაციები, სს ნიკორას ეს ობლიგაციებიც საქართველოს ეროვნულ ბანკშია დაგირავებადი, რაც ინვესტორ კომერციული...

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს
access_time2020-08-12 14:20:03
დამოუკიდებელი სასამართლო ექსპერტიზის ახალი დასკვნა, რომელიც „ლიდერფუდის“ საქმეში გამოჩნდა, კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელი, სასამართლომაც სათანადო დასკვნები არ გააკეთოს, იმის თაობაზე, თუ ვინ ვის რა შინაარსის წერილი ჩააბარა 2019 წლის 22 მაისს. ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი...

რამ გადააწყვეტინა თამაზ გაიაშვილს პოლიტიკაში წასვლა

რამ გადააწყვეტინა თამაზ გაიაშვილს პოლიტიკაში წასვლა
access_time2020-08-12 18:10:42
„თუ იძულებულს არ ხდიან, პოლიტიკაში მოსვლის სურვილი არცერთ ბიზნესმენს აქვს“ — ამის შესახებ, ბიზნესმენი, „აირზენა - ჯორჯიან ეარვეისის“ დამფუძნებელი - თამაზ გაიაშვილი 2015 წელს „პალიტრა TV-ს“ გადაცემაში ბიზნეს PRESS-ი მიცემული ინტერვიუში აცხადებდა. დღეს პოლიტიკური გაერთიანება ლელოს გუნდს თამაზ გაიაშვილი შეუერთდა, რომელმაც პოლიტიკაში მოსვლა გადაწყვიტა. ბრიფინგზე ის „ლელოს თავმჯდომარემ, მამუკა ხაზარაძემ წარადგინა. მამუკა...

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს"

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს
access_time2020-08-12 12:00:17
საქართველოს ბიზნეს ასოციაცია საქართველოს პარლამენტში შრომის კოდექსის საკანონმდებლო პაკეტთან დაკავშირებით მიმდინარე განხილვას კიდევ ერთხელ ეხმიანება, კერძოდ, ასოციაციაში აცხადებენ, რომ: „საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შრომის კოდექსთან დაკავშირებული საკანონმდებლო პაკეტის მეორე მოსმენით მხარდაჭერა სულ მცირე ალოგიკურად გამოიყურება იმ ფონზე, როცა კონონპოექტის ინიციატორმა არ გაიზიარა არც თავად წამყვანი კომიტეტის მიერ პირველი მოსმენის დროს...

იყიდის თუ არა რუსული „ინტერ რაო“ „თელასში“ დარჩენილ წილს - კომპანიის პასუხი

იყიდის თუ არა რუსული „ინტერ რაო“ „თელასში“ დარჩენილ წილს - კომპანიის პასუხი
access_time2020-08-12 16:10:36
საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%-ის გასასხვისებლად საჯარო აუქციონს აცხადებს. „საპარტნიორო ფონდის“ ინფორმაციით, საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. „ბიჯის ოდენობაა 50 000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის 10...


მსგავსი სიახლეები

up