როგორ მიმდინარეობს ტყის ინვენტარიზაციის პროცესი

როგორ მიმდინარეობს ტყის ინვენტარიზაციის პროცესი

access_time2021-05-05 10:36:01

საქართველოში 298 886 ჰა ფართობზე ტყის ინვენტარიზაციის სამუშაოები დასრულებულია, მომზადებულია ტყის მართვის გეგმები. სამუშაოები 2013 წლიდან 2020 წლის ჩათვლით განხორციელდა.


“ბიზნესპარტნიორის“ მიერ ტყის ეროვნული სააგენტოდან გამოთხოვილი ინფორმაციიდან ირკვევა, რომ ამჟამად ინვენტარიზაციის პროცესი 210 156 ჰა ფართობზე მიმდინარეობს.


ეროვნული სატყეო სააგენტოს მართვას დაქვემდებარებულ ფართობებზე ტყის აღრიცხვის (ინვენტარიზაციის) სამუშაოები დაიწყო 2013-2014 წლებიდან, სამუშაოები ხორციელდებოდა ძირითადად საბიუჯეტო სახსრებით, თუმცა, 2017-2018 წლის შემდგომ სხვადასხვა დონორი ორგანიზაციის მიერ, მათ შორის გერმანიის საერთაშორისო განვითარების თანასაზოგადოების (GIZ) დახმარებით ხორციელდება ტყის აღრიცხვის მეთოდოლოგიის დახვეწა და განახლებული მეთოდოლოგიით სხვადასხვა სატყეო უბნებზე ტყეების ინვენტარიზაცია.


ამ ეტაპზე ლაგოდეხის, დედოფლისწყაროს, სიღნაღის და თეთრიწყაროს მუნიციპალიტეტების ადმინისტრაციულ საზღვრებში არსებული სახელმწიფო ტყის აღრიცხვის და ტყის მართვის გეგმის შემუშავების პროცესში ჩართულია გაეროს განვითარების პროგრამა - UNDP, ხოლო, ახმეტის მუნიციპალიტეტის ადმინისტრაციულ საზრვრებში არსებული სახელმწიფო ტყის აღრიცხვის სამუშაო პროცესში ჩართულია გერმანიის საერთაშორისო განვითარების თანასაზოგადოება GIZ.


ასევე მიმდინარე წელს იწყება სამცხე-ჯავახეთის რეგიონში ადიგენის სატყეო უბნის ტყის ინვენტარიზაცია - რომელიც სლოვენიის საერთაშორისო თანამშრომლობისა და განვითარების ცენტრის (CMSR) და ბუნების დაცვის მსოფლიო ფონდის (WWF) დახმარებითა და ჩართულობით განხორციელდება.


ტყის ინვენტარიზაცია და მართვის გეგმები 2013-2021 წლებში:



ამჟამად ტყის ინვენტარიზაციის პროცესი მიმდინარეობს, წალკა-თეთრიწყაროს 54 202 ჰა ფართობზე, დედოფლისწყარო-სიღნაღის 19 326 ჰა ფართობზე, ადიგენის 33 916 ჰა ფართობზე, ამბროლაურის 81 136 ჰა ფართობზე, ახმეტის 55 492 ჰა ფართობზე.


ინვენტარიზაცია დასრულებულია (2020 წ) ლენტეხის 76 349 ჰა ფართობზე და ლაგოდეხის 21 116 ჰა ფართობზე.


გეგმა დამტკიცებულია ლანჩხუთის 11 325 ჰა ფართობზე, ჩოხატაურის 44063 ჰა ფართობზე, ხარაგაულის 46 408 ჰა ფართობზე, ასპინძა-ახალქალაქის 20 686 ჰა ფართობზე, ახალციხის 33 042 ჰა ფართობზე, ბორჯომის 19 760 ჰა ფართობზე და ბაკურიანის 26 136 ჰა ფართობზე.


ტყის ინვენტარიზაცია და კადრების ნაკლებობა:


სააგენტოს ცნობით, ტყის ინვენტარიზაციის სამუშაოებში კვალიფიციური კადრების ნაკლებობის გამო მეტყევე სპეციალისტებისთვის სამთვიანი გადასამზადებელი პროგრამა შემუშავდა, 2 წელში 38 ახალგაზრდა გადამზადდა, რომლებიც შემდეგ ინვენტარიზაციის სამუშაოებზე დასაქმდნენ. გადამზადების პროგრამა კიდევ გრძელდება.


“წლების განმავლობაში ტყის ინვენტარიზაციის სამუშაოების განხორციელებისთვის პრობლემას წარმოადგენდა არა იმდენად ფინანსური რესურსი, არამედ კვალიფიციკური კადრის ნაკლებობა. ეროვნულ დონეზე არსებობდა მხოლოდ 15-20 სპეციალისტი (მეტყევე-ტაქსატორი) ვისაც შეეძელო ტყის ინვენტარიზაციის სამუშაოების შესრულება და მართვის გეგმის მომზადება და რომლებიც გადანაწილებულნი იყვნენ ბაზარზე არსებულ ერთეულ კომპანიებში, შესაბამისად, შეუძლებელი იყო სამუშაოების პარალელურად, რამოდენიმე რეგიონში განხორციელება.


შესაბამისად, 2019 წელს სააგენტოს მიერ მიღებულ იქნა გადაწყვეტილება, ერთი მხრივ ტყის ინვენტარიზაციის უწყვეტობისა და მეორეს მხრივ, ქვეყანაში პროფესიული პოტენციალის გაუმჯობესების მიზნით, შეექმნა განსხვავებული მექანიზმი. სააგენტოს თანამშრომლების მიერ შემუშავდა სამთვიანი სპეციალიზებული გადასამზადებელი პროგრამა მეტყევე სპეციალისტებისათვის, მათ შორის სატყეო პროგრამების ახალკურსდამთავრებულებისა ან/და დამამთავრებელი კურსის სტუდენტებისათვის. 2019-2020 წლებში გადამზადდა 38 ახალგაზრდა, რომლებიც დასაქმდნენ ტყის ინვენტარიზაციის სამუშაოებზე. პროგრამა წელსაც მიმდინარეობს და გაგრძელდება მომავალი წლების განმავლობაშიც“,- აცხადებენ გარემოს ეროვნულ სააგენტოში.


business-partner.ge





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up