დიმიტრი მოროზოვმა ერთ-ერთი ყველაზე მსხვილი ფარმაცევტული კომპანია „ბიოკადი“ დააფუძნა, სახელმწიფო შესყიდვების ლიდერ კომპანიად აქცია და ახლა ფულის შოვნას COVID-19-ის მკურნალობით აპირებს.
კომპანია „ბიოკადის“ დამფუძნებლის დიმიტრი მოროზოვის კორონავირუსული ისტორია 2020 წლის იანვარში ჯანდაცვის მინისტრის მიხაილ მურაშკოს ზარით დაიწყო. იმ დროს უხანში უკვე ათასობით დაინფიცირებული იყო, ხოლო მსოფლიოში ჩინეთიდან ჩასულ პირებზე პირველი შეზღუდვები წესდებოდა. მინისტრს COVID-19-ის მკურნალობისა და პრეპარატების შესახებ მოროზოვთან კონსულტაცია სურდა და აინტერესებდა ახალი კორონავირუსის დამბლოკავი ანტისხეულის შექმნა თუ შეეძლო.
„საკითხის შესწავლისთვის ნახევარი დღე დაგვჭირდა, რის შემდეგაც დავურეკე მინისტრს და ვუთხარი, რომ შეგვეძლო ანტისხეულის შექმნა, თუმცა უმჯობესი იყო დავხმარებოდით კოლეგებს რათა უფრო მალე შეგვექმნა ვაქცინა“, - აცხადებს მოროზოვი.
ამჟამად „ბიოკადი“ კორონავირუსის სამ ვაქცინაზე მუშაობს.
რუსეთში ვირუსი ოფიციალურად მარტის დასაწყისში დადასტურდა. მაშინ, ვირუსთან ბრძოლის ყველაზე ეფექტური პრეპარატი ყველასთვის ცნობილი მალარიის საწინააღმდეგო ჰიდროქსიქლოროქინი იყო. რუსეთში მას მხოლოდ კომპანია „ბიოკომი“ წელიწადში 4 000 შეფუთვას უშვებდა. საჭირო იყო უფრო მეტი.
2020 წლის აპრილში დიმიტრი მოროზოვი ჩინურ კომპანიას Shanghai Pharmaceuticals Holding-ს თხოვნით დაუკავშირდა. პარტნიორები რუსეთში 68 600 ჰიდროქსიქლოროქინის შეფუთვის უფასოდ ჩატანაში დაეხმარნენ. 16 აპრილს კი რუსეთის პრემიერ მიინისტრმა მიხაილ მიშუსტინმა კორონავირუსით დაავადებული პაციენტების სამკურნალო დაწესებულებებისთვის ჩინეთიდან ჩამოსული მედიკამენტების გადაცემა ბრძანა.
მას შემდეგ რაც ხსენებული პრეპარატი უკუჩვენებების მიზეზით ამერიკაში აკრძალეს, ივლისის ბოლოს კორონავირუსის მკურნალობის პროტოკოლიდან ჰიდროქსიქლოროქინი რუსეთის ჯანდაცვის მინისტრმაც ამოიღო.
„ახლა უკვე საკმარისი ცოდნა დავაგროვეთ თუ როგორ ვებრძოლოთ ვირუსს, რამდენად საშიშია და როგორ მოქმედებს. ყველაზე რთულია, როცა ინფორმაციის დეფიციტის ფონზე მუშაობ“, - აცხადებს მოროზოვი.
ამჟამად მოროზოვი სანკტ-პეტერბურგში ცხოვრობს, სადაც მისი მოწინავე საწარმოა განთავსებული. იგი 27 560 კვ.მ-ს იკავებს და როგორც მზა პრეპარატის, ასევე 1 500 კგ. მონოკლონური ანტისხეულის სუბსტანციის გამოშვება შეუძლია.
მისი პირველი ფარმაცევტული კომპანიის აშენება დიმიტრი მოროზოვმა 2001წელს დაიწყო, რომელშიც 8 მლნ აშშ. დოლარის ინვესტიცია განახორციელა.
ამჟამად მისი მოწინავე საწარმო სანკტ-პეტერბურგში, 27 560 კვ.მ-ზეა განთავსებული და როგორც მზა პრეპარატის, ასევე 1 500 კგ. მონოკლონური ანტისხეულის სუბსტანციის გამოშვება შეუძლია.
მოროზოვის ახალი გამოწვევა - COVID-19-ის საწინააღმდეგო ვაქცინაა. 2020 წლის აპრილში „ბიოკადმა“ ვირუსოლოგიისა და ბიოტექნოლოგიის სახელმწიფო სამეცნიერო ცენტრ „ვექტორთან“ ახალი კორონავირუსის საწინააღმდეგო ვაქცინის შექმნაზე თანამშრომლობის ხელშეკრულებას მოაწერა ხელი. „ბიოკადი“ „ვექტორის“ ინდუსტრიული პარტნიორი გახდა, რომელიც COVID-19-ის გამოსავლენი ტესტირების სისტემით არის ცნობილი. ხელშეკრულების თანახმად, კომპანია „ბიოკადი“ ვაქცინის პრეკლინიკური და კლინიკური კვლევების ჩატარების, პრეპარატის შექმნის ტექნოლოგიისა და გამოშვების, ასევე მის მასობრივ წარმოებაში ჩაშვების ხარჯებისა და ადმინისტრაციული საკითხების მოგვარება ევალება.
„ჩვენ ვადა ნოემბრის ბოლოს, დეკემრის შუა რიცხვებამდე გვაქვს. თუ ვაქცინა საჭირო გამოკვლევებს ვერ გაივლის, ყველაფერი სამწუხარო შედეგით დასრულდება. აქ სიჩქარე კარგი არაა. 1-2 წელი მაინც უნდა ყველა გამოკვლევის ჩატარებას. თუმცა ბიუჯეტი საკმაოდ კარგი გვაქვს - 1 მლრდ. აშშ. დოლარის ოდენობით, ხოლო თანამედროვე ტექნოლოგიების ფონზე ვაქცინის დამუშავება არც ისეთი ძვირი ღირს.“ - აღნიშნავს ქალაქ მოსკოვის თერაპევტთა სამეცნიერო საზოგადოების წარმომადგენელი, სამედიცინო დოქტორი პაველ ვორობევი.
forbes.ru
ანი ცარციძე
ვაქცინა
