როგორ გრძელდება ინფრასტრუქტურული პროექტების მშენებლობა საგანგებო მდგომარეობის დროს

როგორ გრძელდება ინფრასტრუქტურული პროექტების მშენებლობა საგანგებო მდგომარეობის დროს

access_time2020-03-26 17:30:08

COVID-19 ვირუსის პანდემიის რეალობაში, საქართველოს მთავრობამ, 21 მარტს საგანგებო მდგომარეობა გამოცხადა, რომლის ფარგლებშიც შეიზღუდა სატრანსპორტო მიმოსვლა, ეკონომიკური საქმიანობა, შეკრება, მანიფესტაცია, თავშეყრა, სასწავლო დაწესებულებებში შეჩერდა სწავლის პროცესი და მრავალი სხვა. აღნიშნული შეზღუდვები არ შეეხო სამშენებლო სფეროს, ქვეყნის მასშტაბით არ ჩერდება ინფრასტუქტურის განვითარება.


გადავწყვიტეთ გაგვერკვია, როგორ აგრძელებენ მუშაობას სამშენებლო კომპანიები და რამდენიმე ობიექტს ვესტუმრეთ. გაერთიანებული წყალმომარაგების კომპანიის სათაო ოფისი, უნივერსიტეტის მეორე კორპუსი, საჯარო რეესტრი - ეს იმ ობიექტთაგან რამდენიმეა, რომელთა მშენებლობა/რესტავრაციას სამშენებლო კომპანია „დაგი“ აქტიურად განაგრძობს. ასევე აქტიურ ფაზაშია პროფესიული სასწავლებლის სამშენებლო სამუშაოები მარნეულში, რომელიც, მოგეხსენებათ, მკაცრი საკარანტინო ზონაა, თუმცა, აქაც სამუშაოები ჯანდაცვის სამინისტროსა და დაავადებათა კონტროლის ეროვნული ცენტრის მკაცრი პროტოკოლის გათვალისწინებით მიმდინარეობს.




როგორც აღმოჩნდა, კომპანია სრულად ითვალისწინებს მსოფლიო ჯანდაცვის ორგანიზაციის რეკომენდაციებს, COVID-19 პანდემიის პირობებში უსაფრთხოების შესახებ. ინტენსიურად ტარდება სადეზინფექციო სამუშაოები ობიექტებზე. ზრუნვა საკუთარი თანამშრომლების უსაფრთოხებაზე აქ ყველაზე მნიშვნელოვანია, თითოეული ობიექტი აღჭურვილია ხელის სადეზინფექციო სითხეებით, საინფორმაციო ბროშურებითა და სამედიცინო ნიღბებით. გაიცა ასევე მკაცრი რეკომენდაციები მუშაობის პროცესში დისტანცირების შესახებ. გარდა ამისა, დამატებითი უსაფრთხოების მიზნით, ყოველდღიურად მოწმდებიან თანამშრომლები მაღალ ტემპერატურაზე. ამ გზით, სამშენებლო კომპანია „დაგი“ ზრუნავს როგორც საკუთარი თანამშრომლების, ასევე მათი ოჯახის წევრებისა და მთელი ქვეყნის უსაფრთხოებაზე.





კომპანიის სოციალური პასუხისმგებლობა მხოლოდ თანამშრომლებზე ზრუნვით არ შემოიფარგლება, StopGov.ge-ს მონაცემებით, კორონა ვირუსის საქართველოში გავრცელების პრევენციის ფონდში მათ მიერ გადარიცხული თანხა 30 000 ლარს შეადგენს.


შეგახსენებთ, რომ საგანგებო მდგომარეობა, დღეის მონაცემებით, ქვეყანაში 21 აპრილამდე გაგრძელდება. ამ ეკონომიკური სტაგნაციის პირობებში, უმნიშვნელოვანესია ინფრასტრუქტურული პროექტების სრული დატვირთვით მშენებლობა, რომ სწრაფად მოხდეს ეკონომიკის გაძლიერება და პანდემიისგან მიყენებული ზარალის მინიმალიზება.


კომპანიის შესახებ:


შპს “დაგი” 2003 წელს დაარსდა და ამ დრომდე, ქვეყნისთვის ისეთი მნიშვნელოვანი პროექტების ავტორია, როგორებიცაა ამბროლაურის აეროპორტი, განახლებული აღმაშენებელის გამზირი, ვანის მუზეუმი, მესტიის თეატრის რეაბილიტაცია და მრავალი სხვა. კომპანიას ეკუთვნის ასევე რეაბილიტირებული „დედაენის ბაღისა“ და ბათუმის მეგასკოლის პროექტებიც.




თეგები:
დაგი COVID-19



საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...

ორნიშნა ეკონომიკური ზრდა ივნისშიც გაგრძელდა

ორნიშნა ეკონომიკური ზრდა ივნისშიც გაგრძელდა
access_time2021-07-30 11:20:36
ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.  მთლიანად, წლის პირველ ნახევარში ეკონომიკა 12.7%-ით გაიზარდა, საიდანაც თუ პირველ კვარტალში ეკონომიკა 4.5%-ით შემცირდა, მეორე კვარტალში რეკორდული - 29.8%-იანი ზრდა დაფიქსირდა. საქსტატის ცნობით 2021 წლის ივნისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა,...


მსგავსი სიახლეები

up