დღესდღეობით COVID-19 მსოფლიო მასშტაბის გამოწვევაა და უარყოფით გავლენას ახდენს ცხოვრების ყველა სფეროზე, მსოფლიო ეკონომიკურ მაჩვენებლებსა და საქართველოს ეკონომიკაც არ არის, ამ მხრივ, გამონაკლისი.
პანდემიამ არაერთი გამოწვევის წინაშე დააყენა ქართული წარმოებაც.
კომპანია „ჩირინა“ ქათმის ხორცის მწარმოებელი ერთ-ერთი უმსხვილესი კომპანიაა ქართულ ბაზარზე, რომლის მეფრინველეობის კომპლექსი საქართველოში, გარდაბნის რაიონის სოფელ მარტყოფში, სართიჭალასა და გამარჯვებაში მდებარეობს. „ჩირინას“ წარმოების პროდუქცია წარმოდგენილია ბაზარზე როგორც ნედლი, ისე გაყინული ქათმის ხორცპროდუქტებით. აღსანიშნავია, რომ ქართული წარმოების პროდუქტი წარმატებით გადის ექსპორტზე მეზობელ ქვეყნებში, სადაც დიდი მოთხოვნით სარგებლობს. ეს პროცესი არც კარანტინის პერიოდში შეფერხებულა.
პანდემიის გამოცხადებისას „ბიუ ბიუს“ ნედლი ქათმის ხორცპროდუქტების ყველა ფილიალმა საქართველოს მასშტაბით უცვლელი ფასებით განაგრძო მუშაობა (თუმცა შემცირებული სამუშაო საათებით), როგორც პირველადი მოხმარების პროდუქციის სავაჭრო ობიექტებმა.
გათვალისწინებული იქნა მსოფლიოს და საქართველოს ჯანდაცვის რეკომენდაციები (პირბადეების, ხელთათმანების, სადეზინფექციო ხსნარების გამოყენება და დისტანციის დაცვა). ხორცის დამამუშავებელი საწარმოსთვის ცვლილებები უმნიშვნელო აღმოჩნდა, რადგან აქ ყოველთვის მკაცრად იყო დაცული უსაფრთხოებისა და სანიტარიული ნორმების მაღალი სტანდარტები.
COVID-19-ის გავრცელების საფრთხის მიუხედავად, დიდი გმირობა, ერთიანობა და შრომისმოყვარეობა გამოავლინეს საწარმოს, დისტრიბუციისა და გაყიდვების თანამშრომლებმა - ყველამ, ვისი დაუღალავი შრომის მეშვეობითაც პროდუქცია ყოველდღიურად, უწყვეტ რეჟიმში მიეწოდებოდა ერთგულ მომხმარებლებს.
უდიდესი გამოწვევა იყო ლოგისტიკაც: ტრანსპორტირების შეფერხება, იქიდან გამომდინარე, რომ საწარმოდან ყოველდღიურად ხორციელდება ნედლი და ახალი ქათმის ხორცპროდუქტების დისტრიბუცია „ბიუ ბიუს“ საფირმო მაღაზიებსა და ჯიხურებში მთელი საქართველოს მასშტაბით. ახალი და ნედლი ქათმის პროდუქცია შედარებით მოკლე ვადიანობით გამოირჩევა, აქედან გამომდინარე, დროის ფაქტორი გადამწყვეტი და გასათვალისწინებელი იყო.
„გვინდა, დიდი მადლობა გადავუხადოთ სახელმწიფო ინსტიტუტებს, სოფლის მეურნეობის სამინისტროს ქართულ წარმოებასთან დროული, მოქნილი და ეფექტიანად კოორდინირებული მუშაობისთვის, რის შედეგადაც არცერთი დღით არ შეფერხებულა ტრანსპორტირება, დისტრიბუცია და ობიექტების ფუნქციონირება მკაცრი კარანტინის პერიოდში“ - აცხადებს კომპანიის დირექტორის მოადგილე ქეთევან ვაშაკიძე.
კორონავირუსი დღემდე მსოფლიო მასშტაბის გამოწვევად რჩება. ახლა მეტი კონსოლიდაციისა და სოლიდარობის დროა იმისთვის, რომ მომავალში უფრო მომზადებულები შევხვდეთ იმ სავარაუდო გამოწვევებს, რომლებიც შესაძლოა, კიდევ წინ გვაქვს და მათ ერთობლივად გავუმკლავდეთ.
(R)