სალვადორ დალიმ მოახდინა ძალიან დიდი გავლენა თანამედროვე კულტურაზე - მოდა, დიზაინი, კინემატოგრაფი, რეკლამა - დალის განთქმული ულვაშები ჩანს თითქმის ყველგან. მხატვარს სურდა დიდება და მან ის მიიღო.
ყველაფერი კი დაიწყო იმით, რომ ერთხელ მან გააცნობიერა, რომ 20-იანი წლების ხელოვნების ცენტრი იყო პარიზი, და ის, ნაკლებად ცნობილი ესპანელი ხელოვანი, გადადის საფრანგეთში.
ამ პერიოდში ის აქტიურად მუშაობს, და ქმნის თავის საუკეთესო ნაშრომებს, ატარებს ექსპერიმენტებს, და ცდილობს დეტალების დახვეწას.
თუმცა, ამავე დროს, მან აღმოაჩინა, რომ იმყოფება სავალალო ფინანსურ მდგომარეობაში - მთელი მისი შემოსავალი იხარჯება ქალაქ პორტ-ლიგატში მდებარე სახლის რემონტზე, ხოლო ნახატები ძალიან ცუდად იყიდება - „თანამდეროვე ხელოვნების მასონების მხრიდან წინაამღდეგობის გამო“.
სწორედ ამ დროს მხატვარში გაიღვიძა ბიზნესმენმა. ამავე დროს მოხდა გადამწყვეტი მოვლენა მის ცხოვრებაში - მან გაიცნო თავისი მომავალი მეუღლე გალა, რუსული წარმოშობის ელენა დიაკონოვა, რომელიც გახდა მისი არა მხოლოდ მეუღლე, არამედ მენეჯერი, თანაც ძალიან წარმატებული.
1929 წელს სალვადორ დალი ქმნის ჯგუფს სახელად „ზოდიაკი“, რომელმაც გააერთიანა მისი სპონსორები - სწორედ ისინი უხდიდნენ მხატვარს თვიურ ხელფასს, რის სანაცვლოდაც, იღებდნენ სალვადორ დალის თითო სურათს წელიწადში.
ნელა-ნელა საქმეების წავიდა უკეთესობისკენ. 1933 წელს ჩატარდა დალის პირველი გამოფენა შტატებში, რომელიც დასრულდა ყველა ნამუშევრის გაყიდვით. კრიტიკოსებიც საკმაოდ დადებითად უყურებდნენ ექსცენტრიულ ესპანელს, და საბოლოოდ დალი მიხვდა, რომ მას აქვს ამერიკაში დიდი წარმატების მიღწევის შანსი.
1934 წელს მან მოაგროვა საჭირო თანხა, და გაემგზავრა ამერიკის დასაპყრობად. მხატვრის ფინანსურმა კეთილდღეობამ დაიწყო ზრდა მისი დიდების პროპორციულად.
მის წარმატებაში დიდი როლი შეასრულა გალამ - ის ეძებდა კოლექციონერებს, აწარმოებდა ბუღალტერიას, და ამავე დროს სულ უფრო მეტს და მეტს ხარჯავდა თავის ახალგაზრდა საყვარლებზე.
ხელოვნების ისტორიკოსი ჯონ რიჩარდსონი იხსენებს, რომ „გალას მეთოდები იყო ძალიან რუსული - ის უფრო ჩხუბობდა და იმუქრებოდა, ვიდრე ვაჭრობდა პარტნიორებთან“.
ამბიციური და ძლიერი ქალი მიიჩნევდა სალვადორ დალის თავის პირად პროექტად, საბოლოო ჯამში, მათი ერთობლივი საქმიანობა აღმოჩნდა ძალიან წარმატებული - 1974 წლისთვის სალვადორ დალის ქონება შეფასდა 32 მლნ. დოლარად - დღევანდელი გათვლებით, ეს არის 165 მლნ.-ზე მეტი.
სალვადორ დალის უყვარდა ფული, და არ უყვარდა ფულის გადახდა - ის არ უხდიდა ხელფასს დაქირავებულ მდივნებს, და ამუშავებდა მათ გაყიდვების წილის სანაცვლოდ. თუმცა, წაგებული არავინ დარჩა - გენიოსთან მუშაობის წყალობით ისინი გახდნენ მილიონრები.
ერთ-ერთმა მდივანმა ურჩია გალას როგორ შეიძლება ადვილად დიდი ფულის შოვნა მისი მეუღლის სახელის გამოყენებით - საკმარისია გაყიდო ცარიელი ფურცლები მისი ხელმოწერით.
საბოლოო ჯამში, გაიყიდა ათასობით ასეთი ფურცელი - სულ რაღაც 10 დოლარად, ბაზარი კი აივსო ყალბი ნამუშევრებით.
დალიმ აითვისა ფულის გამომუშავების კიდევ ერთი ხერხი - რეკლამა. მხატვარი ჩნდებოდა
Polaroid-ის პლაკატებზე, Alka-Seltzer-ის სატელევიზო რგოლებში, ის უკეთებდა რეკლამას შოკოლადს, და შექმნა Chupa Chups-ის ლოგოტიპი.
საინტერესო ისაა, რომ სალვადორ დალი გახდა ყველაზე პოპულარული მხატვარი-სიურეალისტი სიცოცხლეში, თუმცა, ვერ იქცა გაყიდვების გმირად გარდაცვალების შემდეგ, როგორც ეს ხშირად ხდება.
მისი ყველაზე ძვირადღირებული ნამუშევარი - „პოლ ელუარის პორტრეტი“ გაიყიდა 2011 წელს Sotheby’s-ის აუქციონზე 13,5 მლნ. ფუნტად, მაშინ როდესაც სიურეალისტების მიროს და რენე მაგრიტის სურათები შეფასდა 25 და 27 მლნ. ფუნტად.
ასევე სალვადორ დალის ნამუშევრების გაყიდვების საგრძნობლად ჩამორჩება პაბლო პიკასოს გაყიდვებს.
თუმცა, Sotheby’s-ის წარმომადგენლის ტომას ბოიდ-ბოუმენის თქმით, მთლიანობაში დალის ძალიან პოპულარულია - 10 წლის მანძილზე მხოლოდ ამ აუქციონზე გაიყიდა მისი 400-ზე მეტი ნამუშევარი.
РБК