როგორ გამდიდრდა კომპანია HP?

როგორ გამდიდრდა კომპანია HP?

access_time2020-09-20 16:25:17

HP-მ 2019 წელს 59 მილიარდი აშშ დოლარის შემოსავალი მიიღო, მოგებამ კი 3 მილიარდი დოლარი შეადგინა. შემოსავლის მიხედვით კომპიუტერების მწარმოებელ კომპანიათა შორის მე-7 ადგილზეა. პირველ ადგილს “ეფლი“ იკავებს. HP-ის აქტივები 33.5 მილიარდი დოლარია, ხოლო საბაზრო კაპიტალიზაცია 27 მილიარდი დოლარი. კომპანიას 56 ათასი ადამიანი ჰყავს დასაქმებული.

1938 წელს, კალიფორნიაში ამერიკელმა ელეკტრო ინჟინრებმა ბილ ჰიულეტმა და დევიდ პაკარდმა კომპანია Hewlett-Packard დაარსეს. კომპანიას Hewlett-Packard ერქმეოდა, თუ Packard-Hewlett მონეტის აგდებით გადაწყვიტეს. ჰიულეტი და პაკარდი კურსელები იყვნენ, მათ ერთად მიიღეს განათლება სტენფორდის უნივერსიტეტში. კომპანიის დაარსებისას ჰიულეტი 25 წლის იყო, ხოლო პაკარდი 26-ის. ტექნიკის სხვა წარმატებული კომპანიების მსგავსად Hewlett-Packard-ის ისტორიაც პატარა ავტოფარეხიდან დაიწყო. კომპანიის საწყისი კაპიტალი 538 დოლარს შეადგენდა. ბილს და დევიდს ეხმაერბოდა მათი ყოფილი ლექტორი, სტენფორდის უნივერსიტეტის პროფესორი, ფრედერიკ ტერმანი.

კომპანიის პირველი წარამტებული პროდუქტი აუდიო სისტემების ოსცილატორი (HP200A) იყო. მოდელ 200A-ს 89 დოლარად ყიდდა, როცა სხვა კომპანიების ანალოგიური პროდუქტის ფასი 200 დოლარამდე აღწევდა. პირველი მსხვილი კლიენტი კომპანია “ვოლტ დისნეი სტუდიო“ გახდა. დაარსებიდან მეორე წელს, Hewlett-Packard-მა 1,560 დოლარის მოგება მიიღო, შემოსავალმა კი 5,370 დოლარი შეადგინა.

მეორე მსოფლიო ომის დროს კომპანია რადარებს და რადარების საწინააღმდეგო კომპონენტებს აწარმოებდა, რასაც სამხედროები იყენებდნენ.

1951 წელს, კომპანიის შემოსავალი უკვე 5.5 მლნ დოლარი იყო 215 ადამიანი ჰყავდა დასაქმებული. 1957 წელს, Hewlett-Packard საფონდო ბირჟაზე გავიდა და საჯარო კომპანია გახდა. 1959 წელს კი პირველი ქარხანა გახსნა საზღვარგარეთ, კერძოდ გერმანიაში.


1960-იანი წლების დასაწყისში, კომპანია ყიდდა გადამცემებს, კონდენციონერებს, გამაძლიერებლებს ფონოგრაფებისთვის, ელექტრონულ სენსორებს, ტელესკოპების მართვის მოწყობილობებს და სხვა ელექტრო დანადგარებს. Hewlett-Packard ერთ-ერთი პირველი კომპანია იყო სილიკონ ველზე. 1963 წელს “სონი“-სთან დაიწყო თანამშრომლობა, რის შედეგად მათი საერთო პროდუქტები იაპონიაში გამოჩნდა.

1966 წელს, გამოვიდა Hewlett-Packard-ის პირველი კომპიუტერი, რომელსაც კონკურენციის გაწევა უწევდა IBM-თან. 2 წელში პირველი სამეცნიერო, მაგიდის კალკულატორი გამოუშვა. 1972 წელს კი უკვე ჯიბის კალკულატორების წარმოება დაიწყო.

პირველი პერსონალური კომპიუტერი HP-85 კომპანიამ, 1980 წელს გამოუშვა. 1984 წელს კი პერსონალური პრინტერის ThinkJet-ის გამოშვება დაიწყო. Hewlett-Packard პირველი კომპანიაა, რომელმაც პერსონალური მოხმარების კომპიუტერზე მიერთებული პრინტერი შექმნა. 1981 წელს პროდუქციის გაყიდვა ჩინეთში დაიწყო.

1985 წელს კომპანიის შემოსავალმა, 6.5 მილიარდ დოლარს მიაღწია, ხოლო დასაქმებული ჰყავდა 85 ათასი ადამიანი. 1986 წელს, Hewlett-Packard-მა ინტერნეტის დომეინი HP.com დაარეგისტრირა და მსოფლიოში მე-9 კომპანია გახდა, com დომეინით.

1990-იან წლებში, კომპანიამ კომპიუტერების წარმოება გააფართოვა, რომლებიც უნივერსიტეტებზე, კვლევით და ბიზნეს ოპერაციებზე იყო გათვლილი. 1989 წელს, Hewlett-Packard-მა კომპანია Apollo Computer შეისყიდა, ხოლო 1995 წელს კომპანია Convex Computer. 1993 წლიდან ელემენტზე მომუშავე პერსონალური კომპიუტერების გამოშვება დაიწყო.

2001 წელს, Hewlett-Packard და Compaq გაერთიანდნენ. გაერთანების შედეგად მსოფლიო ბაზარზე კომპიუტერების მიწოდების ლიდერები გახდნენ. 2009 წელს კომპანიამ Electronic Data Systems შემოიერთა და IT მომსახურების ბაზარზე მნიშვნელოვანი ადგილი დაიმკვიდრა.

შემოსავლების მაქსიმუმს - 127 მილიარდ დოლარს Hewlett-Packard-მა 2011 წელს მიაღწია. მომდევნი წლებში კომპანიის შემოსავლები შემცირდა, რაც კონკურენტების მოძლიერებითაა განპირობებული, განსაკუთრებით “ეფლის“, “სამსუნგის“ და ჩინური ბრენდების.

2015 წელს კომპანიის ოფიციალური სახელწოდება HP Inc გახდა.

Forbes.ge




დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up