როგორ გამდიდრდა ჯეკ მა?

როგორ გამდიდრდა ჯეკ მა?

access_time2020-10-18 12:05:30

ჩინელი ბიზნესმენის ჯეკ მას ქონება 44 მილიარდი აშშ დოლარია და ჩინეთში სიმდიდრით მეორე ადამიანია, მსოფლიოში კი მე-19.

ჯეკ მა (ნამდვილი სახელია მა იუნი) 1964 წელს ჩინეთის ქალაქ ჰანჩოუში დაიბადა, ღარიბი მუსიკოსების ოჯახში, მაო ძედუნის დიქტატურის პერიოდში. თუმცა ბავშობიდან ძალიან მიზანდასახული იყო და მოახერხა ინგლისური ესწავლა, რაშიც მის ქალაქში მდებარე სასტუმროს პერსონალთან საუბარი ეხმარებოდა. 17 წლისამ იმდენად კარგად იცოდა ინგლისური, რომ გიდად მუშაობდა.

ჯეკ მას უნივერსიტეტში ჩაბარება გაუჭირდა. მეოთხე ცდაზე დაძლია გამოცდები და მშობლიური ქალაქის უნივერსიტეტში ჩააბარა, რომელიც 1988 წელს დაასრულა ინგლისური ენის სპეციალისტის პროფესიით. უნივერსიტეტის დამთავრების შემდეგ ის ლექტორი გახდა, ასწავლიდა ინგლისურს და საერთაშორისო ვაჭრობას. ხელფასი თვეში 15 დოლარი ჰქონდა. ამ პერიოდში მან 10-ჯერ სცადა ჰარვარდის უნივერსიტეტში ჩაბარება, მაგრამ არც ერთხელ არ მიიღეს.

1995 წელს ჯეკს აშშ-ში მოგზაურობა მოუწია, როგორც თარჯიმანს და აქ ნახა პირველად ინტერნეტი. როგორც მოგვიანებით თავად გვიამბო, პირველი რაც გააკეთა ინტერნეტში, იყო საძიებო სისტემაში სიტყვა “ლუდის“ ჩაწერა და გაოცდა, როცა სხვა ქვეყნების ლუდებთან ერთად, ჩინეთზე არაფერი აჩვენა და ზოგადად, ჩინეთზე ძალიან მწირი ინფორმაცია იყო ინტერნეტში. ამავე წელს მან თავის მეგობართან, სკოლის ინფორმატიკის მასწავლებელთან ერთად პირველი ინტერნეტ საიტი შექმნა chinapages.com, რომლითაც 3 წელიწადში 800 ათასი დოლარი გამოიმუშავეს. მას არასდროს დაუწერია პროგრამული კოდები, ის პროცესების მმართველი იყო.

1999 წელს ჯეკ მამ 17 მეგობარი დაპატიჟა სახლში და ახალი საიტის შესახებ იდეა გააცნო. თან სთხოვა მათ, ფინანსურად დახამრებოდნენ. საიტის იდეა მდგომარეობდა იმაში, რომ ჩინური პროდუქციის ექსპორტიორებს შეძლებოდათ მყიდველებისთვის პროდუქციის მიწოდება. ასე შეიქმნა დღეს უკვე ყველასთვის კარგად ცნობილი კომპანია “ალიბაბა“.


შექმნიდან რამდენიმე თვეში “ალიბაბამ“ ინვესტიციები მიიღო: 5 მლნ დოლარი “გოლდმან საქსისგან“ და 20 მლნ დოლარი “სოფტ ბანკისგან“. ჯეკ მა მთავარ კონკურენტად “იბეის“ თვლიდა, განსაკუთრებით ჩინეთის ბაზარზე. 2003 წელს “იბეიმ“ შესთავაზა ჯეკს “ალიბაბა“ მისთვის მიეყიდა, მაგრამ გარიგება არ შედგა. 2005 წელს “ალიბაბას“ 40% “იაჰუმ“ იყიდა, რაშიც 1 მილიარდი აშშ დოლარი გადაიხადა.

ჩინეთის ეკონომიკურმა განვითარებამ და მსოფლიოში ინტერნეტიზაციის და ინტერნეტ-მარკეტინგის სწრაფმა პროგრესმა “ალიბაბას“ პოპულარობა, როლი და შემოსავლები მნიშვნელოვნად გაზარდა.

2014 წელს “ალიბაბამ“ რეკორდულად მაღალი ღირებულების - 25 მილიარდი დოლარის აქციები გაყიდა ნიუ-იორკის საფონდო ბირჟაზე. კომპანიის კაპიტალიზაცია კი 150 მილიარდ დოლარად შეფასდა. ჯეკ მას წილი 25 მილიარდი დოლარი იყო და იმ დროისთვის ჩინეთის ყველაზე მდიდარი ადამიანი გახდა.

2016 წელს, ვალენტინობას, 24 საათის განმავლობაში “ალიბაბაზე“ 18 მილიარდი დოლარის პროდუქცია გაიყიდა.

2018 წელს ჯეკ მამ “ალიბაბას“ დირექტორის პოსტი დატოვა და გადაწყვიტა მუშაობას ნაკლები დრო დაუთმოს. მისი აზრით, ადამიანმა მთელი ცხოვრება მუშაობას არ უნდა დაუთმოს და ცხოვრებით უნდა დატკბეს. მან საქველმოქმედო ფონდი დაარსა და აპირებს ამ მიმართულებით მნიშვნელოვანი თანხა დახარჯოს, განსაკუთრებით განათლების დაფინანსების კუთხით.

Forbes.ge




19 ოქტომბერი - რეგიონში ყველა ვალუტა გამყარდა

19 ოქტომბერი - რეგიონში ყველა ვალუტა გამყარდა
access_time2020-10-19 18:30:02
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 19 ოქტომბრის ვაჭრობის შედეგად, ქართული ლარის კურსი უმნიშვნელოდ გამყარდა და ერთი აშშ დოლარის ღირებულებამ 3.2117 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-19 21:00:58
დღის Top 10 საინტერესო ამბავი     1. კომერსანტის ექსკლუზივი - პერსონალური მონაცემების დაცვის მიზნით, ამოქმედებული დადგენილება თუ წინასაარჩევნოდ დაგეგმილი ქაოსი კოვიდ სტატისტიკაში   კორონავირუსის პირველი შემთხვევის დადასტურებიდან რვა თვის შემდეგ, კომერსანტმა...

Le Figaro: კომენდანტის საათის შემოღების გამო მაკრონს აჯანყება ემუქრება

Le Figaro: კომენდანტის საათის შემოღების გამო მაკრონს აჯანყება ემუქრება
access_time2020-10-19 20:30:21
დღეს ორი განსხვავებული საფრანგეთი არსებობს, ერთი რომელიც კომენდანტის საათში კორონავირუსის გამო 21.00-დან 6.00-მდე ჩაკეტეს და  მეორე, რომელიც ცხოვრების გაგრძელებას ცდილობს, თუ ამას ინფექციის გავრცელების სიჩქარე დააცდის.   ემანუელ მაკრონმა არჩევანი მკაცრი ზომების და დიდ ქალაქებში კომენდანტის საათის სასარგებლოდ გააკეთა და ამით რეალურ რისკზე წავიდა.   სწორედ დიდ ქალაქებში, პირველ რიგში პარიზში, პანდემიამ ყველაზე მძიმე სოციალური  ჭრილობები დატოვა,...

Financial Times: ეკონომიკური აღდგენა არათანაბარი იქნება

Financial Times: ეკონომიკური აღდგენა არათანაბარი იქნება
access_time2020-10-19 19:30:29
როდესაც კორონავირუსი ჩინეთის ტერიტორიას გასცდა და პანდემია დაიწყო, ყველა ეკონომიკა მსოფლიოში ერთბაშად და უნისონში ჩამოიშალა. ყველა ქვეყანაში ეკონომიკური მაჩვენებლები მკვეთრად შემცირდა ისეთ დონეზე, რომელიც კაცობრიობას მშვიდობიანობის დროს არ უნახავს.   ამის შემდეგ აგრესიული ფისკალური და მონეტარული რეაქცია დაიწყო, ასევე სხვადასხვა ქვეყნებში ვირუსის წარმატებული შეკავება, მაგალითად ჩინეთში.   საერთაშორისი სავალუტო ფონდის პროგნოზის...

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს
access_time2020-10-19 17:30:07
ავიაკომპანია „აირ ჯორჯიამ“ შესაძლოა, დაბალბიუჯეტიანი ფრენები დაიწყოს. როგორც ,,ჰაბ ჯორჯიას“ დამფუძნებელმა გიორგი კოდუამ განაცხადა, პირველი AIRBUS A320 ტიპის თვითმფრინავი თბილისის აეროპორტში ხვალ შემოვა, მეორე კი დაახლოებით, 1 თვეში.   გიორგი კოდუას თქმით, ამ ეტაპზე მთავრობასთან მოლაპარაკებები ისევ გრძელდება და დადებითი პასუხის შემთხვევაში, ეს იქნება პირველი ქართული დაბალბიუჯეტანი ავიაკომპანია, რომელიც კონკურენციას Wizz Air-ს გაუწევს. თუმცა, იმ შემთხვევაში, თუ სახელმწიფო...


მსგავსი სიახლეები

up