ილონი არაა ერთად-ერთი მასკი, რომელიც Tesla-ში ჩადებული ინვესტიციების წყალობით გამდიდრდა. მისმა უმცროსმა ძმამ კიმბალმა 2008 წლის კრიზისის დროს მთელი თავისი ქონება კომპანიის გადარჩენას მოახმარა, რამაც მას, საბოლოოდ, ასობით მილიონი დოლარი მოუტანა.
კიმბალი Tesla-სთან დაკავშირებულია კომპანიის პირველივე დღეებიდან - 2004 წლიდან ის დირექტორთა საბჭოშიც შედის, და როგორც ჩანს, ეს ძალიან მომგებიანი - მისი ქონება, საკმაოდ კონსერვატიული შეფასებით, 700 მლნ. დოლარს შეადგენს.
ილონ მასკის ძმობის გარდა, მისი ძირითადი აქტივია Tesla-ს აქციათა 0,04% და ასევე შემოსავლის საკუთარი, ძმისგან დამოუკიდებელი, წყარო, წილი რესტორნების ქსელ Chipotle-ში, სადაც ის ასევე დირექტორთა საბჭოს წევრია.
კიმბალი ასევე ფლობს ს მცირე წილს ილონ მასკის კოსმოსურ კომპანია SpaceX-ში, სადაც ის ასევე დირექტორთა საბჭოს წევრია.
გაურკვეველია, კიმბალმა Tesla-ში რამდენი ჩადო - კომპანიის ოფიციალური წარმომადგენელი შემოიფარგლა განცხადებით, რომ ის კომპანიის „ადრინდელი ინვესტორია“, მაგრამ ზუსტი თანხა არ დაუსახელებია.
ასეა თუ ისე, ცხადია, რომ კიმბალი ძირითადად თავისი ძმის კომპანიაში ინვესტირების წყალობით გამდიდრდა.
2010 წელს მან ავტოკონცერნის აქციების ნაწილი 230 მლნ. დოლარადა გაყიდა, თუმცა, ბოლომდე არა. როგორც უკვე ითქვა ის დღესაც ფლობს ძალიან მცირე წილს, მაგრამ ეს მცირე წილიც კი ასობით მილიონი დოლარი ღირს.
ილონს და კიმბალ მასკებს ნეპოტიზმში ხშირად ადანაშაულებდნენ.
2018 წელს რამდენიმე მსხვილმა ინვესტორმა კიმბალის Tesla-ს დირექტორთა საბჭოდან გარიცხვა სცადა, თუმცა, უშედეგოდ. მათი აზრით, კიმბალის ნათესაობრივი კავშირი ხელის შემშლელი ფაქტორია, რომლის გამო მასკის უმცროსი ძმა დირექტორთა საბჭოს დამოუკიდებელ წევრად ვერ ჩაითვლებოდა.
ისინი ასევე აცხადებდნენ, რომ კიმბალს ავტომრეწველობაში მუშაობის გამოცდილება არ გააჩნია, მის წინააღმდეგ პრეტენზიათაგან იყო ასევე ის, რომ მან „თავისი არაეფექტურობა Chipotle-ში დირექტორთა საბჭოში მუშაობს დროს დაადასტურა“.
2021 წლის ოქტომბერში დირექტორთა საბჭოდან კიმბალის გაძევების კიდევ ერთი მცდელობა საკონსულტაციო კომპანია Institutional Shareholder Services-მა წამოიწყო. მათ დააყენეს საკითხი დირექტორთა საბჭოდან კიმბალ მასკის და მილიარდერ რუპერტ მერდოკის შვილის, ჯეიმს მერდოკის გარიცხვის თაობაზე მათ მიერ ჭარბი დივიდენდების მიღების გამო.
„არ არსებობს იმის ნათელი და გამჭვირვალე ახსნა, მათი ანაზღაურება დირექტორთა საბჭოს სხვა წევრების ანაზღაურებას ასე რატომ აჭარბებს“ - მიიჩნევდნენ ინვესტორები.
თუმცა, ამ შეტევამაც უშედეგოდ ჩაიარა და ილონ მასკის ძმამ თავისი პრივილეგირებული სტატუსი Tesla-ში შეინარჩუნა. ძმის ბიზნესის მიღმა კიმბალ მასკი რესტორატორი და ასევე კვების მრეწველობაში საინტერესო სტარტაპების დამფინანსებელია. ის ფლობს კომპანია The Kitchen Restaurant Group-ს, რომელიც შტატები 3 სარესტორნო ქსელს მართვას.
2016 წელს კიმბალმა დააფინანსა სტარტაპი Square Roots, რომლის სპეციალიზაციაა ქალაქური მიწათმოქმედება და ვერტიკალური ფერმების მშენებლობა.
გარდა ამისა, მან ინვესტიციები ჩადო მიტანის სერვის Everytable-სი და კომპანია Upside Foods, რომელიც ხელოვნურ ხორცს აწარმოებს.
წყარო: Forbes
ავტორი: თენგიზ აბლოთია