სომეხი ბიზნესმენები, რომელთაც რუსეთის ბაზარზე ირანული ხილი და ბოსტნეული გასაყიდად გააქვთ, საქართველოს საზღვარზე მოულოდნელ პრობლემას წააწყდნენ. ამის შესახებ Sputnik Armenia წერს.
ირანული ხილითა და ბოსტნეულით დატვირთული რამდენიმე ათეული სომხური სატვირთო ავტომობილი საქართველოს საზღვარზეა გაჩერებული. ამასთან, სომხეთის მხარეს მოსალოდნელი სირთულეების შესახებ მეაწარმეები არ გაუფრთხილებია.
ცნობილი ბიზნესმენი ვაგრამ მირაკიანი სოციალურ ქსელში წერს, რომ საქართველოს მიერ კორონავირუსის წინააღმდეგ გატარებულმა პრევენციულმა ზომებმა შეიძლება სომხეთის ეკონომიკა სერიოზულად დააზარალოს.
საქმე იმაშია, რომ ბევრი სომხური კომპანია და საწარმო, მირაკიანის ჩათვლით, ირანში ხილსა და ბოსტნეულს ყიდულობს და რუსეთის ბაზარზე ჰყიდის. თუმცა, რამდენიმე დღის წინ საქართველომ ირანული საქონლის შეტანა ქვეყნის ტერიტორიაზე აკრძალა.
„ჩემი ინფორმაციით, რუსულ ბაზარზე გასატანად განკუთვნილი ირანული კივით, ვაშლითა და ბოსტნეულით დატვირთული 60 სატვირთო მანქანა სომხეთ-საქართველოს საზღვარზეა გაჩერებული და ვერ შედის საქართველოში.“- წერს მირაკიანი.
მისი თქმით, თუ ტვირთს არ გაატარებენ, მისი რეალიზება სომხეთში მოხდება, ამის გამო ბაზარი შესაძლოა თავდაყირა დადგეს, დაზარალდება ადგილობრივი წარმოება. საუკეთესო გადაწყვეტილება ამ სიტუაციაში იქნება ის, რომ საქართველომ მისცეს ჩვენს ტვირთს გასვლის უფლება, რისთვისაც საჭიროა დიპლომატიური მოლაპარაკებები ერევანსა და თბილისს შორის.
სატვირთოების ნაწილი უკან დაბრუნდა, ნაწილი კი საზღვარზე დარჩა. ბიზნესმენი იმედოვნებს, რომ ერევანი ტვირთის უსაფრთხოებაში თბილისის დარწმუნებას შეეცდება.
„საქართველოში ტვირთის დაცლა არ ხდება, ის უბრალოდ დერეფანს მიჰყვება. რუსეთში ამაზე პრობლემა არ გვაქვს, ისინი მზად არიან ტვირთი მიიღონ. თუმცა ალოგიკურია ეს გადაწყვეტილება, ყველა სამეცნიერო დასკვნა ამტკიცებს, რომ ვირუსი ზედაპირზე მხოლოდ 48 საათის განმავლობაში ძლებს. შესაბამისად საქართველოს ტერიტორიაზე შესვლამდე 3-4 დღე გადის.“ - ამბობს მირაკიანი.
სომხეთის საერთაშორისო გადამზიდავთა ასოციაციის პრეზიდენტმა ჰერბერტ ამბარცუმიანმა Sputnik Armenia-სთან საუბარში აღნიშნა, რომ ირანულ ტვირთთან პრობლემები ნამდვილად არსებობს.
„ ვიცი, რომ იყო შემთხვევა ირანულ ვაშლთან დაკავშირებით. ირანულმა კომპანიამ სომხური საკონტროლო გამშვები პუნქტის „ბაგრატაშენის „ მეშეობით გაატარა ტვირთი, მაგრამ ქართველები ამბობენ, რომ კორონავირუსის გამო ტვირთი ვერ შევა საქართველოს ტერიტორიაზე“ - ამბობს ამბარცუმიანი.
საქართველოს-სომხეთის სატრანზიტო გზის შესაძლო ჩაკეტვასთან დაკავშირებით ვარაუდებს სომხეთის მხარე უაროფს, რადგანაც ეს მათთვის დანარჩენ სამყაროსთან დასაკავშირებლად ძირითადი გზაა.
მარიამ მორგოშია
Sputnik armenia