კონდიციონერი აქტიურად მონაწილეობს კომფორტის შექმნაში. კლიმატური ტექნიკა ცხელ სეზონზე აგრილებს შენობას, ზოგი მოდელი კი გამოდგება ცივ სეზონებზე ჰაერის გასათბობად. ამასთან, თანამედროვე მოწყობილობები დიდი ფუნქციონალის მქონეა. მათ შეუძლიათ ჰაერის წმენდა, ზოგს აქვს ტაიმერი, ზოგს - ძილის რეჟიმი და ბევრი სხვა სასარგებლო მახასიათებელი. 

კონდიციონერის შერჩევა გამარტივდება, თუ გავერკვევით მოწყობილობის ტიპებში, ფუნქციებსა და მახასიათებლებში.

არსებობს სამი ძირითადი ტიპის კონდიციონერი: სპლიტ-სისტემა, კასეტური და მობილური. თითოეულ მათგანს აქვს თავისებული მონტაჟის მეთოდი, გარეგნული სახე და მახასიათებლები. 

კედლის სპლიტ-სისტემა

კონსტრუქცია ორი ნაწილისგან - შიდა და გარე ბლოკისგან შედგება. შიდა ბლოკი მონტაჟდება ოთახში, გარე კი - შენობის ფასადის მხრიდან. 

კასეტური კონდიციონერი

სპლიტ-სისტემის მსგავსად ამ ტიპის კონდიციონერიც ორი, შიდა და გარე ნაწილისგან შედგება. ამგვარი კონდიციონერი განკუთვნილია შეკიდული ჭერის მქონე ოთახებში გამოსაყენებლად.

მობილური კონდიციონერი

დასახელებიდანვე ჩანს, რომ ამ ტიპის კონდიცონერს სტაციონარული მონტაჟი არ სჭირდება. შიდა და გარე ბლოკი ერთ კორპუსშია მოცემული. ზოგიერთ მობილურ კონდიციონერს ბორბლებიც აქვს ტექნიკის მარტივად გადაადგილებისთვის.

როგორ მუშაობს კლიმატ-ტექნიკა

მოწყობილობის მუშაობა ემყარება სპეციალური სითხის, ფრეონის უნარს -  შთანთქას სითბო შემდეგ კი გამოათავისუფლოს იგი აირის მდგომარეობიდან თხევად მდგომარეობაში გადასვლისას. დანადგარის მუშაობის პრინციპი ემყარება ამ ნივთიერების მდგომარეობის შეცვლას სისტემაში ტემპერატურისა და წნევის საფუძველზე.

რა არის ინვერტორული ტექნოლოგია

ამ შემთხვევაში მთავარ როლს თამაშობს კომპრესორი, რომელიც საჭირო ტემპერატურის მიღწევისას არ ჩერდება, არამედ ამცირებს სიმძლავრეს. შედეგად, უზრუნველყოფილია ზუსტი მოთხოვნილი ტემპერატურული რეჟიმი.

ხმაურის დონე

კონდიციონერის ხმაურის დონე იზომება დეციბელებში. საშულოდ, თანამედროვე მოდელების ხმაურის დონე შიდა და გარე ბლოკის მიხედვით შემდეგნაირია:

შიდა ბლოკი - 22-35 დბ;

გარე ბლოკი - 38-54 დბ.

აუცილებელი ფუნქციები

რაღა თქმა უნდა, კონდიციონერის უპირველესი ფუქნცია ჰაერის გაგრილებაა.

სხვა სასარგებლო ფუნქციებიდან აღსანიშნავია შემდეგი:

გათბობა, ვენტილაცია, Auto-რეჟიმი (ავტომატურად ნარჩუნდება მითითებული რეჟიმი), Swing - გრილი ჰაერის ნაკადის მიმართულება, Dry - ჰაერის გამოშრობის ფუნქცია - აღმოფხვრის ნესტის, ობის სოკოსა და სხვა მიკროორგანიზმების გაჩენას შენობაში. 

დამატებითი ფუნქციებიდან შესაძლებელია აღვნიშნოთ:

ძილის, იგივე ღამის რეჟიმი - ამ რეჟიმზე კონდიციონერი მუშაობს ჩუმად და ავტომატურად ამცირებს ტემპერატურას რამდენიმე გრადუსით.

ტურბორეჟიმი - დაჩქარებულად მიიღწევა მითითებული ტემპერატურა, რისთვისაც კონდიციონერი მუშაობს მომეტებული სიმძლავრით, თუმცა არაუმეტეს ნახევარი საათის განმავლობაში.

თვითდიაგნოსტიკა - კონდიციონერი თავად განსაზღვრავს და შეტყობინებას იძლევა სისტემის გაუმართაობის შესახებ.

Wi-Fi-ს მხარდაჭერა - შესაძლებელია კონდიციონერის მართვა სმარტფონის მეშვეობით.

მოძრაობის სენსორი - მოწყობილობა გადადის ენერგიის დაზოგვის რეჟიმში, როდესაც შენობაში აქტივობის ნაკლებობა შეინიშნება.

ჰაერის ნაკადის რეგულირება - შესაძლებელია ჰაერის ნაკადს შევუცვალოთ მიმართულება და თვიდან ავირიდოთ გაციება, თუკი საწოლი კონდიციონერის პირდაპირ არის განთავსებული.

არ დავივიწყოთ ენერგოეფექტურობის შესახებ

კონდიციონერებს გააჩნია ენერგეტიკული ეფექტურობის კოეფიციენტი (EER - Energy Efficiency Ratio) გაგრილების რეჟიმში და წარმადობის კოეფიციენტი (COP - Coefficient of Performance) გათბობისას. ტექნიკის კლასის მაჩვენებელი იზომება A-დან (ყველაზე მაღალი) G-მდე (ყველაზე დაბალი) სიმბოლოთი. რაც უფრო მეტი + აქვს A კლასის კონდიციონერს, მით უფრო მაღალია მისი ენერგოეფექტურობის დონე, შესაბამისად, მოწყობილობა მოიხმარს ნაკლებ ელექტროენერგიას.

საჭირო ინფორმაციის მიღების შემდეგ უკვე შესაძლებელია მივმართოთ მაღაზიებს და შევიძინოთ ოპტიმალური კონდიციონერი, რომელიც შეგვიქმნის კომფორტულ გარემოს.

(R)