როგორ აპირებს თბილისის ბოტანიკური ბაღის ახალი ხელმძღვანელი ბაღის პოპულარიზაციას

როგორ აპირებს თბილისის ბოტანიკური ბაღის ახალი ხელმძღვანელი ბაღის პოპულარიზაციას

person access_time2016-01-16 10:17:11

ინტერვიუ საქართველოს ეროვნული ბოტანიკური ბაღის ახალ ხელმძღვანელ თამაზ დარჩიძესთან

 

- თქვენ წლების განმავლობაში  ბათუმის ბოტანიკური ბაღის ხელმძღვანელი იყავით. იქ საქმიანობის პერიოდში, რა შეცვალეთ?

 

- ბათუმის ბოტანიკური ბაღის დირექტორი დაახლოებით 3 წელი ვიყავი. მაშინ ჩემთვის ვითარება ძალიან მარტივი არ იყო, იყო დიდი გამოწვევები. მათ შორის, ეკონომიკური ვითარება. აუცილებელი იყო ბაღს ჰქონოდა უფრო მეტი საშუალება იმისა, რომ განვითარებულიყო, შექმნილიყო სამეცნიერო საქმიანობისთვის ახალი სტანდარტები. მესამე ძირითადი პრობლემა, რომელიც ბათუმის ბოტანიკურ ბაღში იდგა, კოლექციის ინვენტარიზაცია და არსებულის შესწავლა იყო. ანუ, რა გვქონდა და რა მიმართულებით სჭირდებოდა მას განახლება. მეოთხე მიმართულება იყო ის, რომ ჩვენი საქმიანობა მოგვეყვანა ბოტანიკური ბაღების საერთაშორისო საბჭოს საქმიანობის პრინციპებთან შესაბამისობაში და დაახლოებოდა საერთაშორისო სტანდარტებს. კიდევ ერთი მიმართულება იყო თანამშრომელთა ახალი ნაკადის მიღება, სამეცნიერო-კვლევით მუშაობაში ახალი თაობის ჩართვა. ასევე მნიშვნელოვანი იყო ბაღის ინფრასტრუქტურა, რომელსაც შესაძლებლობა უნდა მიეცა გაეზარდა ბაღის ტურისტული პოტენციალი. მაშინ ჩვენი ამოცანა იყო გაზრდილიყო ბათუმის ბოტანიკური ბაზის ცნობადობა. ეს ყველაფერი კი უნდა ასახულიყო კონკრეტულ ციფრებში, შემოსავლებში.

 

- გამოგივიდათ? 

 

- ჩემი მისვლისას ბაღის შემოსავლები იყო დაახლოებით 400 000 ლარამდე, 2015 წელი ბათუმის ბოტანიკურმა ბაღმა დაასრულა 1.5 მილიონი ლარით მეტი შემოსავლით. ვფიქრობ, ეს ძალიან კარგი მაჩვენებელია. გარდა ამისა, ყველა ძირითადი მიზანი, რაც ამ მოკლე ხანში იყო დასახული, შესრულებულ იქნა. ვგულისხმობ როგორც ტურისტული ინფრასტრუქტურის რეაბილიტაციას, ისე სამეცნიერო კადრების განახლების მიმართულებას. დაახლოებით 20 პროცენტით შეივსო სამეცნიერო პერსონალის რაოდენობა.

 

-ტურისტული ინფრასტრუქტურა გაუმჯობესდა?

 

- დიახ, გარდა გაუმჯობესებისა, შეიქმნა ახალი ტურისტული მარშრუტები. რაც ყველაზე მთავარია, განახლდა მატერიალურ-ტექნიკური ბაზა, შეიქმნა ბაღის ტოპოგრაფიული რუქა, ელექტრონულ მონაცემთა ბაზა და ასე შემდეგ.

 

- ამ ყველაფრის შემდეგ. ბაღი მომგებიანი გახდა?

 

- ბათუმის და ზოგადად, საქართველოს ბოტანიკური ბაღები დიდი ამოცანების წინაშე დგანან. შედეგად, ისინი ვერასდროს იქნებიან თვითდაფინანსებადი ორგანიზაციები, მინიმუმ 10 წელი მაინც ეს ვერ იქნება. იმდენად მასშტაბური პროექტებია განსახორციელებელი, რომ წარმოუდგენელია ეს სახელმწიფოს და საზოგადოების აქტივობის გარეშე მოხდეს. თუ გადახედავთ იმას, თუ რა შემოსავლებიც ჰქონდა ბათუმის ბოტანიკურ ბაღს 4 წლის წინ და რა გააჩნია დღეს, ბუნებრივია, წინსვლა არის. 10-15-ჯერ გაზრდილი შემოსავალი კარგი მაჩვენებელია.

 

ბოტანიკური ბაღები ამჟამად სახელმწიფო სუბსიდიით ფინანსდებიან. ბათუმის ბოტანიკური ბაღის შემთხვევაში შემოსავლის მეორე წყარო არის საკუთარი შემოსავლები. ბათუმის შემთხვევაში საკუთარი შემოსავლები 60 პროცენტია, ხოლო საქართველოს ეროვნული ბოტანიკური ბაღის შემთხვევაში უფრო ნაკლები. ასევე არის საერთაშორისო გრანტები.

 

-ახლა გადავიდეთ საქართველოს ეროვნულ ბოტანიკურ ბაღზე (თბილისის ბოტანიკური ბაღი), რომლის ხელმძღვანელადაც ცოტა ხნის დაინიშნეთ. რის შეცვლას გეგმავთ?

 

- საქართველოს ეროვნული ბოტანიკური ბაღის დირექტორად ჩემი დანიშვნის თემა ჩემთვის მოულოდნელი იყო. ძალიან უხერხული და უსიამოვნო აჟიოტაჟი მოჰყვა ამ ცვლილებას. ვფიქრობ, რომ ეს ჩვეულებრივი საკადრო ცვლილება იყო და კავშირი არ ჰქონდა და არ აქვს ბოტანიკური ბაღის შინაარსის ცვლილებასთან. ბაღი იყო და რჩება იმ ძირითადი მიზნების შემსრულებლად, რომელიც ეხება მცენარეთა კოლექციის შექმნას და მის კონსერვაციას. უბრალოდ, ჩვენი საქმიანობა შესაბამისობაშია მოსაყვანი საერთაშორისო სტანდარტებთან, იმ პრინციპებთან, რომლითაც მუშაობს ევროპის და ამერიკის წამყვანი ბოტანიკური ბაღები. ჩვენს საქმიანობაში გასააქტიურებელია კონსერვაციის კომპონენტები, რათა გადაშენებადი მცენარეები, რომლებიც ჩვენს რეგიონს მიეკუთვნება, იყოს შესწავლილი, დოკუმენტირებული და დაცული მომავალი თაობებისთვის. არსებულ კოლექციას უნდა მოვუაროთ, აღვწეროთ, რა გვაქვს. აღსანიშნავია, რომ ბოლო 12 წლის განმავლობაში თბილისის ბოტანიკურ ბაღში ინვენტარიზაცია არ ჩატარებულა. ამის განხორციელება ჩვენი ერთ-ერთი მნიშვნელოვანი ამოცანაა. 

ჩვენი მუშაობის მიმართულება იქნება ის, რომ გავზარდოთ ვიზიტორების რაოდენობა. ეს გაზრდის ბაღის შემოსავლებს, რის შემდეგაც უფრო მეტად შევძლებთ სამეცნიერო და საგანმანათლებლო აქტივობების უფრო მეტად დაფინანსებას. აუცილებელია შეიქმნას ვიზიტორთა ინფრასტრუქტურა. ამ მიმართულებით წლების განმავლობაში აქ გარკვეული ღონისძიებები მიმდინარეობდა. ეს აუცილებლად გაგრძელდება, უბრალოდ, ჩვენ ამას დინამიურ სახეს მივცემთ.

 

ჩემი როგორც ხელმძღვანელის ამოცანაა დღეს, რომ მოხდეს შრომითი რესურსების ეფექტურად დაგეგმვა, მეტი ეკონომიკური შემოსავლის მიღება, ბაღმა მეტი ფული უნდა იშოვოს.

 

- როგორ უნდა „იშოვოთ მეტი ფული", გაქვთ კონკრეტული, დროში გაწერილი სტრატეგია?

 

- აუცილებელია მოხდეს უფრო მეტი საერთაშორისო ჩართულობა, უნდა მოვიპოვოთ აქტუალურ სამეცნიერო თემატიკაზე საერთაშორისო გრანტები. ასევე უნდა მოხდეს კონკრეტული პროექტების შემუშავება, გააქტიურდეს ბაღის დამხმარე სამეწარმეო საქმიანობა, ვგულისხმობ სანერგე მეურნეობის გააქტიურებას. აუცილებელია გაიზარდოს რაოდენობა, რაც ჩვენი დაფინანსების ზრდის ერთ-ერთი ძირითადი წყაროა.

 

- ამ ყველაფრის გაკეთებას არსებული კადრით აპირებთ თუ გარკვეული ტიპის გადაადგილება-გადახალისებები იგეგმება?

 

 

- საქართველოს ეროვნულ ბოტანიკურ ბაღს საკმაოდ კვალიფიციური მეცნიერ-თანამშრომლები ჰყავს. ისინი წლების განმავლობაში მუშაობენ გარკვეული კოლექციების შექმნასა და შენარჩუნებაზე. ამ მიმართულებით არანაირ ცვლილებებს არ ვგეგმავთ. თუმცა, ჩვენი ამოცანაა, რაც შეიძლება მეტი ახალგაზრდა ჩაერთოს ამ საქმეში, რათა ტრადიციები გაგრძელდეს. ეს არ გულისხმობს რომელიმე ძველი თანამშრომლის სამსახურიდან გაშვებას. ძირითადი მიმართულება იქნება საგანმანათლებლო აქტივობები და მარკეტინგი. ამ მიმართულებით შევარჩევთ კადრებს და გადავამზადებთ არსებულს.

 

- ახალი კონკურსის გამოცხადებას გეგმავთ?

 

- ყველა ძირითად საკვანძო პოზიციაზე გამოვაცხადებთ. ეს ჩვეულებრივი მუშაობის პრინციპია.

 

- ეროვნული ბოტანიკური ბაღის ამჟამინდელი ბიუჯეტი მოგცემთ იმის საშუალებას, რომ ყველა ის აქტივობები განახორციელოთ, რაც ახსენეთ?

 

- ამ ეტაპზე რა პარამეტრებიც გვაქვს მოცემული 2016 წლის ბიუჯეტთან დაკავშირებით, დიდი გასაქანის საშუალებას არ გვაძლევს. თუმცა, ვამზადებთ ცვლილებათა პაკეტს, რათა უკეთესად დავგეგმოთ მომავალი წლის აქტივობები. მაქვს მოლოდინი, რომ თბილისის მუნიციპალიტეტი გარკვეულ მხარდაჭერას გააკეთებს აქტუალური პროექტების განხორციელების თვალსაზრისით. ფონდი „ქართუ" აქ რამდენიმე ინფრასტრუქტურულ პროექტს ახორციელებს და იმედი მაქვს,რომ მათთან თანამშრომლობა წელსაც გაგრძელდება. გარდა ამისა, ველოდებით რამდენიმე გრანტსაც.

 

- რას მიაწერთ იმას, რომ თბილისის ბოტანიკური ბაღი დღეს არაცნობადია?

 

- არის კვლევები იმასთან დაკავშირებით, მოსახლეობის რა ოდენობა შემოდის. მინდა გითხრათ, რომ ეს მაჩვენებელი საკმაოდ დაბალია. დღეს ჩვენი ამოცანაა, რომ გაიზარდოს ბაღის ცნობადობა, ვიმუშაოთ სკოლებთან და ზოგადად, საზოგადოებასთან, რათა ბაღში შესვლა და დათვალიერება პოპულარული იყოს. ამისთვის მოსაწესრიგებელია პარკირების თემები, ბაღის ინფრასტრუქტურა და ასე შემდეგ. ეტაპობრივად, ვიზიტორების რაოდენობა უნდა გაიზარდოს.



იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up