რესტორნებს დღეიდან 23:00 საათამდე შეეძლებათ მუშაობა – რას შეცვლის რეგულაციების 1–საათიანი შერბილება სექტორში

რესტორნებს დღეიდან 23:00 საათამდე შეეძლებათ მუშაობა – რას შეცვლის რეგულაციების 1–საათიანი შერბილება სექტორში

access_time2021-10-06 10:00:10

სარესტორნო ბიზნესი შეზღუდვების შემსუბუქებასთან დაკავშირებით უწყებათაშორისი საკოორდინაციო საბჭოს გადაწყვეტილებას აფასებენ. სარესტორნო ინდუსტრიის წარმომადგენლები ,,კომერსანტთან“  ამბობენ, რომ შეზღუდვების შემსუბუქება მომხმარებელს წაახალისებს და გაზრდის აქტიურობას.



როგორც რესტორან  ,,თაღლაურას“ თანამშრომელი  თეა ახმედაშვილი  ამბობს, პანდემიურ კრიზისში რესტორნებისთვის  რეგულაციების შემსუბუქება მნიშვნელოვანია, რათა მომხმარებლების მოზიდვა შეძლონ, თუმცა  დიდი ცვლილება ამ კუთხით ნაკლებად არის მოსალოდნელი.

 


,,ნებას გვაძლევენ, რომ 1 საათით მეტხანს ვიმუშავოთ, რაც ცოტათი მაინც გამოასწორებს ვითარებას.  ამ მომენტში ეს კარგი  გადაწყვეტილებაა, რადგან სექტორში მდგომარეობა რეალურად არის მძიმე. ჩვენი ტიპის სარესტორნო ბიზნესისთვის, როგორიც ,,თაღლაურაა“,  სიტუაცია კრიზისული არ ყოფილა, თუმცა ვინც დიდწილად ტურისტებზე იყო დამოკიდებული, ძალიან გაუჭირდა. საბოლოო ჯამში, მოთხოვნის ზრადს ველოდებით.  მთავრობის  გადაწყვეტილება  უფრო იმედიანად განგვაწყობს.  შედეგს დაველოდებით. ვფიქრობ, ამ სიტუაციაში ყველამ ერთად, ხელისუფლებამ და კერძო სექტორმაც უნდა გამონახოს ოქროს შუალედი, რომ  ბიზნესმა მუსაობა შეძლოს და ხალხის ჯანმრთელობაც დავიცვათ“, - ამბობს ,,კომერსანტთან“ თეა ახმედაშვილი.



რესტორან „თბილისში“ გვითხრეს, რომ ჯერჯერობით ვერაფერს იტყვიან და უნდა დააკვირდნენ მომხმარებლის აქტივობას, თუმცა, რაც უფრო მეტი დრო ექნებათ სამუშაოდ, მათთვის კარგი იქნება.




„მუშაობის ერთ საათიანი გახანგრძლივება რა შედეგს მოიტანს, წინასწარ არ ვიცით, რა თქმა უნდა რაც უფრო მეტი დრო გვექნება სამუშაოდ ჩვენთვის უფრო კარგი იქნება, რადგან ისედაც შემცირებულია მუშაობა. ბევრი ადამიანის შემოშვების უფლება არ გვაქვს, ღონისძიებების ჩატარება აკრძალულია.

რაც შეეხება ფასებს, ვცდილობთ რომ ფასები არ გავზარდოთ და მომხმარებლები შევინარჩუნოთ. ფასი ყველაფერზე კატასტროფულად არის გაზრდილი, რესტორანში მოვიდეს კი არა ,როგორ უნდა იცხოვრონ ადამიანებმა არ ვიცი. ერთი ტომარა ფქვილი პანდემიამდე რომ 68 ლარი ღირდა, ახლა 90 ლარს ვიხდით.

თანამშრომლებიც კი შევამცირეთ, მომხმარებლის ის რაოდენობა არ არის, რომ ყველას ხელფასი უხადო, პანდემიამდელ პერიოდთან შედარებით მესამედი რაოდენობის თანამშრომელი გვყავს დატოვებული“, - აცხადებენ რესტორან თბილისში.


მთავრობის გადაწყვეტილებას  აფასებენ რესტორან ,,სამ საუკუნეშიც“, თუმცა ამავე დროს დასძენენ, რომ მუშაობის 1 საათით გახანგძლივება რეალურად ბევრს არაფერს ცვლის.

 

,,რთულ პერიოდს გავდივართ, მოთხოვნამ 80%-ით იკლო.  ჯერჯერობით არ ვიცით, რა შედეგს მოიტანს შეზღუდვის შემსუბუქება. 1 საათი ბევრს არაფერს ცვლის, მით უმეტეს, ტურისტები ფიზიკურად არ არიან, მომხმარებელთა სეგმენტი დიდწილად ამის გამოც შემცირდა“, - განუცხადა  ,,კომერსანტს“ რესტორნის წარმომადგენელმა, რომელმაც ვინაობის გამხელა არ ისურვა.


რესტორან „ქალაქში“ ამბობენ, რომ სამუშაო დროის 23:00 საათამდე გადაწევა მათთვის კარგი იქნება, ასევე აცხადებენ, რომ აქტივობა ძალიან დაბალია, რადგან თითო მაგიდასთან 4-5 ადამიანზე მეტის დასმის შესაძლებლობა არ აქვთ.



„სამუშაო დროის ერთი საათით გახანგრძლივება სავარაუდოდ ჩვენი მუშაობისთვის უკეთესი იქნება, პანდემიიდან გამომდინარე მომხმარებელთა აქტივობა ძალიან დაბალი იყო, რეგულაციების თანახმად მაგიდასთან მხოლოდ ხუთი ადამიანის განთავსების უფლება მაქვს. ჩვენ 2 ადგილიანი, 4 ადგილიანი და ხუთ ადგილიანი მაგიდები გვაქვს. რაც შეეხება ფასებს, გამომდინარე იქიდან, რომ ყველაფერზე ფასი გაიზარდა, იძულებულები გავხდით რომ ჩვენი პროდუქტებიც გაგვეძვირებინა“, - აცხადებენ რესტორან ქალაქში.




საკოორდინაციო საბჭოს გადაწყვეტილებით, დღეიდან, 6 ოქტომბრიდან, ასევე იხსნება კონცერტებისა და ფესტივალების გამართვასთან დაკავშირებული შეზღუდვა და მაყურებლის დასწრება რეგულაციების დაცვით იქნება შესაძლებელი.



კომერსანტი





ვითიბი წარმატებით განაგრძობს ქართული ღვინის სექტორის ექსპორტის ფინანსირებას

ვითიბი წარმატებით განაგრძობს ქართული ღვინის სექტორის ექსპორტის ფინანსირებას
access_time2022-01-20 12:55:23
ვითიბი ბანკი, როგორც ქართული ბიზნენის #1 ქომაგი, აქტიურად აგრძელებს ბიზნესის მხარდაჭერას. ბანკის მთავარი აქციონერის თანადგომით, საერთაშორისო ფაქტორინგულ ბაზარზე, ვითიბი ბანკმა, პირველი ნაბიჯები, ქართული ღვინის სექტორის  ფინანსირებაში გადადგა. 2015 წელს დაწყებულ კურსს, ბანკი, ახლაც წარმატებით აგრძელებს და კლასიკური FCI Edifactoring-ის პლატფორმის საშუალებით ახორციელებს ქართული ღვინის სექტორის ექსპორტის ფინანსირების სტანდარტიზებულ...

ექსპორტმა ჩინეთში $600 მლნ-ს გადააჭარბა

ექსპორტმა ჩინეთში $600 მლნ-ს გადააჭარბა
access_time2022-01-20 12:00:37
2021 წელს ექსპორტი 2020 წელთან შედარებით 26.9%-ით. 2019 წელთან შედარებით კი 11.7%-ით გაიზარდა და დამოუკიდებელი საქართველოს ისტორიაში რეკორდულ მაჩვენებელს $4.243 მლრდ-ს მიაღწია. ექსპორტის 14.5% - $616 მლნ ჩინეთში განხორციელდა. 2021 წელს ჩინეთში უფრო მეტი პროდუქცია გაიყიდა, ვიდრე 1995-2016 წლებში ერთად, რასაც ხელი 2018 წლის იანვრიდან ამოქმედებულმა თავისუფალმა სავაჭრო ხელშეკრულებამ შეუწყო.   ჩინეთში გატანილ ექსპორტში $497 მლნ-ით სპილენძის მადნების წილი 81%-ს აღწევს, რაც...

საქართველომ 2021 წელს ოკუპირებული აფხაზეთისთვის 1 მლრდ კვტ/სთ ელექტროენერგია შეიძინა

საქართველომ 2021 წელს ოკუპირებული აფხაზეთისთვის 1 მლრდ კვტ/სთ ელექტროენერგია შეიძინა
access_time2022-01-19 18:00:57
2021 წელს საქართველოში ელექტროენერგიის გამომუშავება 13.3%-ით 12.645 მლრდ კვტ/სთ-მდე, მოხმარება კი 13.1%-ით 13.753 მლრდ კვტ/სთ-მდე გაიზარდა. იმპორტმა კი დამოუკიდებელ საქართველოში პირველად 2 მლრდ კვტ/სთ-ს გადააჭარბა, საიდანაც 1 მლრდ კვტ/სთ ოკუპირებულ აფხაზეთს მოხმარდა. ამის შესახებ ინფორმაციას ელექტროენერგეტიკული ბაზრის ოპერატორი - ესკო ავრცელებს.   2021 წელს საქართველოში ექსპლუატაციაში რომელიმე დიდი ჰესი არ შესულა და არც ახალი...

უკრაინა გერმანიას საბრძოლო ხომალდებს და საზენიტო კომპლექსებს სთხოვს

უკრაინა გერმანიას საბრძოლო ხომალდებს და საზენიტო კომპლექსებს სთხოვს
access_time2022-01-19 20:00:19
გერმანიის მთავრობამ უარი განაცხადა შეიარაღების მიწოდებაზე უკრაინისთვის, რომელიც რუსეთთან კონფლიქტის მდგომარეობაშია. უკრაინის ელჩს გერმანიაში ანდრეი მელნიკს კი არ სურს ბერლინის ამ გადაწყვეტილებასთან შეგუება და კვლავაც დაჟინებით ითხოვს იარაღის მიწოდებას, თანაც კონკრეტულ სახეობებს ასახელებს. „პირველ რიგში საუბარია საბრძოლო ხომალდებზე, რომლებიც საუკეთესოა მსოფლიოში და რომლებიც ჩვენ უკიდურესად გვჭირდება შავი და აზოვის ზღვების გრძელი სანაპიროების დასაცავად“, -...

ირაკლი ღარიბაშვილი - საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ - პატრიარქის კურთხევით, აქ აშენდება ქართული კულტურის ცენტრი

ირაკლი ღარიბაშვილი - საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ - პატრიარქის კურთხევით, აქ აშენდება ქართული კულტურის ცენტრი
access_time2022-01-19 15:00:00
საქართველოს გადაეცა მიწა მდინარე იორდანესთან მაცხოვრის ნათლობის ადგილის მიმდებარედ. პატრიარქის კურთხევით, აქ აშენდება ქართული კულტურის ცენტრი, - ამის შესახებ საქართველოს პრემიერ-მინისტრმა ირაკლი ღარიბაშვილმა, სამების საკათედრო ტაძარში განაცხადა, სადაც სრულიად საქართველოს კათოლიკოს პატრიარქმა ილია მეორემ მთავრობის მეთაური ამბიონზე მიიწვია. ინფორმაციას მთავრობის ადმინისტრაციის პრესსამსახური ავრცელებს. ...


მსგავსი სიახლეები

up