როგორ აგროვებს 3 ძმა ფულს ჰოლანდიაში საქართველოს მოხუცთა სახლებისთვის

როგორ აგროვებს 3 ძმა ფულს ჰოლანდიაში საქართველოს მოხუცთა სახლებისთვის

access_time2019-10-20 16:00:39

გიორგი ვენკო 14 წლის მოზარდია, რომელმაც ჰოლანდიაში 40 ათასი ევრო შეაგროვა, ბროწლიანის მოხუცთა და შშმ პირთა სათნოების სახლის დასახმარებლად. შენობას არ ჰქონდა ფანჯრები, სახურავი, წყალი და სარეცხი მანქანა – ამ პრობლემების მოსაგვარებლად ფიქრი გიორგიმ 12 წლიდან დაიწყო, ის ამსტერდამის ინტერნაციონალურ სკოლაში სწავლობს და აქვე დაიწყო პრეზენტაციების მოწყობა საქართველოს შესახებ, დააარსა საქველმოქმედო ფონდი „Help the Republic of Georgia”.

როგორც გიორგის დედა, თიკა სვანიძე-ვენკო ,,ბათუმელებთან“ ამბობს, გიორგის ინიციატივით სკოლა ძალიან დაინტერესდა და ბიჭს ყველა დაჰპირდა, რომ დაეხმარებოდა. ამსტერდამში გიორგიმ საქველმოქმედო კონცერტიც ჩაატარა და  საქველმოქმედო ფონდში შეგროვილი თანხით წელს სრულად განახლდა ბროწლიანის სათნოების სახლი.

გიორგის დედის, თიკა სვანაძის თქმით, სათნოების სახლს არ ჰქონდა წყალი, კვირაში ერთხელ მათ 250 ევრო მხოლოდ  წყლის შესაძენად სჭირდებოდათ, ხელით რეცხავდნენ სარეცხს, დაზიანებული იყო შენობის ფანჯრები და სახურავი. შენობის რეაბილიტაციამდე ბროწლიანის სათნოების სახლში მხოლოდ 25 ბენეფიციარი იყო, რეაბილიტაციის შემდეგ კი სახლი 50 ბენეფიციარს დაიტევს.

,,გიორგის ორი ძმა ჰყავს, ლევანი და თემური, ლევანი ცამეტისაა, თემური – თორმეტის. ორივე მოხუცთა სახლებს ეხმარება, ლევანი წნორის მოხუცთა სახლს, თემური კი  – ბოდბისხევისას. გიორგი ბროწლიანის თავშესაფრის მზის ბატარეებით აღჭურვას აპირებს. ამისთვის თანხის შეგროვება უკვე დაწყებული აქვს და პროექტი თებერვალში უნდა დასრულდეს. ასე სათნოების სახლი ელექტროენერგიის ფულს დაზოგავს და სხვა მიზნისთვის გამოიყენებს, გიორგის მიერ შეგროვილი თანხის დარჩენილი ნაწილი კი ბენეფიციარების მედიკამენტებსა და ოპერაციებს მოხმარდება“, – ამბობს ქველმოქმედი მოზარდების დედა, თიკა სვანიძე-ვენკო.

თიკა ჰოლანდიაში ქართული კულტურის ცენტრის დამფუძნებელია, აქვს საკუთარი ტურისტული კომპანია, რომელიც 20 წელია საქართველოს პოპულარიზაციას უწევს მსოფლიოს სხვადასხვა ქვეყანაში. როგორც თიკა სვანიძე ამბობს, მისი ბიზნესის მოგების მნიშვნელოვანი ნაწილი საქველმოქმედო საქმიანობას ხმარდება. არის ასევე ქართველ ემიგრანტთა კავშირის დამფუძნებელი, რომლის მიზანიცაა რუსეთის მიერ საქართველოს ტერიტორიების ოკუპაციის მიმართ ინტერესის გაზრდა და უწყვეტი დისკუსია.

„ყველაფერი იმით დაიწყო, რომ ერთ ზაფხულს სიღნაღში ჩამოვედით, ჩვენს სოფელ მაშრაანში. მე და ჩემი ძმა აქ ბებია-ბაბუასთან ვიზრდებოდით. გიორგის გაუჩნდა სურვილი, საქართველოს რამით დახმარებოდა.


გადავწყვიტეთ ახლომდებარე ადგილებიდან დაგვეწყო პრობლემების მოძიება და ჩვენს სოფელთან ახლოს აღმოვაჩინეთ ბროწლიანის თავშესაფარი. აქაურობამ გიორგი საშინლად დაასევდიანა. ასე დაიწყო ყველაფერი, სარეცხი მანქანები იმავე ზაფხულს შეუძინა სახლს გიორგიმ, მერე კი ფონდი დააარსა და თანხის შეგროვება დაიწყო შენობის რეაბილიტაციისთვის“, – ამბობს თიკა სვანიძე.

გიორგისთან ინტერვიუ საქართველოში საქველმოქმედო საქმიანობის თემაზე გასულ წელს ინდონეზიის ერთ-ერთ ტელევიზიაშიც გავიდა.

,

,ჩვენ ძალიან ბევრს ვმოგზაურობთ, ჩემი მეუღლის საქმიანობა მოითხოვდა, რომ სხვადასხვა ქვეყანაში გვეცხოვრა: სინგაპურში, ამერიკაში, შვეიცარიასა და ახლა ჰოლანდიაში. მთელი ამ ხნის განმავლობაში სულ ვფიქრობდით საქართველოზე, მის პოპულარიზაციაზე. ჩემმა ტურსააგენტომ, მაგალითად, საქართველოში ჩამოიყვანა პირველი ტურისტები ტაილანდიდან, ინდონეზიიდან, სინგაპურიდან, მალაიზიიდან და ბრუნეიდან. საქართველო ჩვენს ოჯახში ყოველთვის მთავარი თემაა, ალბათ ბიჭებსაც ამიტომ გაუჩნდათ ქველმოქმედების სურვილი“, – ამბობს თიკა სვანიძე-ვენკო.

 „ბათუმელები“





ჩვენ არ გვაქვს ცუდი შედეგები, 5%-იან ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ

ჩვენ არ გვაქვს ცუდი შედეგები, 5%-იან  ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ
access_time2019-11-19 20:10:10
„IRI- კვლევებს დიდ პატივს ვცემ მაგრამ იმ ხალხს ვინც საქართველოში სამუშაოებს ასრულებს მე მათი კვლევების არ მჯერა, რადგან შედეგები არასდროს გამართლებულა“ -ასე აფასებს საფინანსო-საბიუჯეტო კომიტეტის თავმჯდომარის პირველი მოადგილე პაატა კვიჟინაძე საერთაშორისო რესპუბლიკური ინსტიტუტის კვლევას, რომლის მიხედვითაც გამოკითხულთა 80% მიიჩნევს, რომ მათი უმთავრესი პრობლემებად უმუშევრობა, საცხოვრებელი ხარჯები და სიღარიბეა.   რატომ ვერ მიიღო მოსახლეობამ...

„საქართველოს ბანკი“- ახლო მომავალში ლარი იმ ნიშნულს დაუბრუნდება, რომელიც მის გაცვლით კურსს რეალურად ასახავს“

„საქართველოს ბანკი“- ახლო მომავალში ლარი იმ  ნიშნულს დაუბრუნდება, რომელიც  მის გაცვლით კურსს რეალურად ასახავს“
access_time2019-11-19 18:35:56
„საქართველოს ეკონომიკა ბოლო მონაცემებითაც აჩვენებს ისეთ შედეგებს, რომელიც მყარ საფუძველს იძლევა, იმისთვის რომ ლარი ახლო მომავალში დაუბრუნდება ნიშნულს, რომელიც რეალურად ასახავს მის გაცვლით კურსს“--ამის შესახებ „კომერსანტს“  „ საქართველოს ბანკის“ გენერალური დირექტორის მოადგილე სულხან გვალიამ განუცხადა.  მისივე განმარტებით,  ყველა კვლევაც ასე აჩვენებს, ლარის კურსი დაახლოებით 10%-ით მეტადაა გაუფასურებული. „აქვე, ერთმნიშვნელოვნად უნდა...

„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“
access_time2019-11-19 18:00:17
„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები...

ბრონქიტი -როგორ ავიცილოთ თავიდან გართულებები?

ბრონქიტი -როგორ ავიცილოთ თავიდან გართულებები?
access_time2019-11-19 14:30:24
ბრონქების ლორწოვანი გარსის ანთებას ბრონქიტი ეწოდება, რომელის ყველაზე ხშირი მიზეზიც ვირუსული ინფექციაა. კორონავირუსებს, რომლებიც ამ დაავადებას იწვევენ,ბევრი საერთო აქვთ გრიპისა და ატოპიური პნევმონიის გამომწვევ ვირუსთან. ერთი შეხედვით გარეგნულად სრულიად უწყინარი , თუმცა უკიდურესად სახიფათო არიან. გერმანელი სპეციალისტების გამოთვლით , ზამთრის სეზონზე მხოლოდ გერმანიაში გაციებისა და მისი გართულების შედეგად 12 ათასი ადამიანი იღუპება! ბრონქიტი ნამდვილად ეპიდემიად იქცა, რამდენადაც...

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?
access_time2019-11-19 16:10:05
„აქ არ იყო მთავარი მხოლოდ ის, რომ სტრატეგიულ პარტნიორს და „სოკარს“ არ ვაწყენინოთ, აქ მნიშვნელოვანი სოციალურ ეკონომიკური ფაქტორი იკვეთება. „სოკარი“ ცალსახად არის მნიშვნელოვანი ინვესტორი და ეს ფაქტორიც გასათვალისწინებელია, თუმცა ამით ეკოლოგიური მდგომარეობა არ უარესდება“, - ასე აფასებს  „ნავთობპროდუქტების იმპორტიორთა კავშირის“ თავმჯდომარე ვანო მთვრალაშვილი დიზელის საწვავზე „ევრო 5“ სტანდარტის ამოქმედების 2021 წლამდე გადავადებას. დიზელის ახალი „ევრო 5“ სტანდარტის...


მსგავსი სიახლეები

up