ამ ქვეყანაში ერთი ხელი რას აკეთებს, არ იცის მეორემ - როგორ აფასებენ ოქროს სიის გაუქმებასთან დაკავშირებით მიღებულ გადაწყვეტილებას პარლამენტარები

ამ ქვეყანაში ერთი ხელი რას აკეთებს, არ იცის მეორემ - როგორ აფასებენ ოქროს სიის გაუქმებასთან დაკავშირებით მიღებულ გადაწყვეტილებას პარლამენტარები

access_time2019-06-11 12:00:12



საბაჟო კოდექსში დაგეგმილი ცვლილებებით, რომელსაც ამჟამად პარლამენტი განიხილავს,  „ოქროს სია“ საერთოდ უქმდება. ეს თემა პირველად „კომერსანტმა“ გააჟღერა და იგი ბიზნესისთვის ისეთივე მოულოდნელი აღმოჩნდა, როგორც ამ სიაში შემავალი კომპანიებისთვის იმპორტის გადასახდელების 30-დღიანი ვადის 5 დღემდე შემცირება.


ხელისუფლებასთან კომუნიკაციის დეფიციტზე ბიზნესი ადრეც ღიად საუბრობდა, თუმცა „ოქროს სიაში“ შემავალი კომპანიებისთვის საგადასახადო შეღავათების შემცირებამ, ეს პრობლემა უფრო გაამწვავა.


 
„კომერსანტი“ დაინტერესდა, როგორ აფასებენ ფინანსთა მინისტრის გადაწყვეტილებას და მთავრობისა და ბიზნესის  კომუნიკაციას საქართველოს პარლამენტის წევრები.


 
ერთიანი ნაციონალური მოძრაობის ლიდერი რომან გოცირიძე ივანე მაჭავარიანის გადაწყვეტილებას არასწორს უწოდებს და აცხადებს, რომ გადაწყვეტილების მიღება ბიზნესთან კომუნიკაციით უნდა ხდებოდეს.



 
„როდესაც ვამბობთ, რომ ყველა უნდა იყოს თანაბარ პირობებში, მაშინ იმ ყველასთვისაც იყოს 30 დღიანი ვადა და არა 5 დღე. თავისთავად 5 დღე არის ბიზნესის ცაიტნოტში ჩაყენება, თუ კი ჩვენ ვდარდობთ და ვზრუნავთ , რომ მდგომარეობის  გათანაბრება უნდა იყოს უკეთესობისკენ მიმართული და არა უარესობისკენ. გადაწყვეტილების მიღება მოულოდნელად არ უნდა ხდებოდეს, უნდა იყოს სერიოზული განხილვის საგანი, როგორ ბიზნეს საზოგადოებაში, ასევე პროცესში ბიზნესომბუდსმენი უნდა მონაწილეობდეს. ახალი გადაწყვეტილება ბიზნესს თავზე მეხივით არ უნდა დაეცეს. თამაშის წესების ცვლილება არ უნდა ხდებოდეს სწრაფად, და თუ კი ამას ვინმე აპირებს, შესაძლებელია ამოქმედდეს მომავალი წლიდან და ან გონივრული ვადა ჰქონდეთ, ანუ გადაწყობის შესაძლებლობა მიეცეს. ეს ცვლილება  კარგად რომ არ აისახება, ფაქტია, მაგრამ დანარჩენს დრო აჩვენებს,“ - განაცხადა რომან გოცირიძემ.


  
 
რომან გოცირიძის აზრს იზიარებს „ქართული ოცნების“ გუნდის ყოფილი წევრი დავით ჭიჭინაძე. დამოუკიდებელი დეპუტატი აცხადებს, რომ საქართველოს მთავრობის მიერ მიღებული გადაწყვეტილება ბიზნეს მნიშვნელოვნად დააზარალებს.


 
„ზოგადად ამ ქვეყანაში ერთი ხელი რას აკეთებს, არ იცის მეორე ხელმა. ამას ცხადყოფს ნათია თურნავას  მაგალითი, მინისტრმა გვეუბნება, რომ არ იცოდა 250 მლნ ინვესტიციის შესახებ და რა არის გასაკვირი იმაში, რომ ბიზნესმა არ იცოდეს სხვადასხვა კანონის შესახებ, რომელიც მათ საქმიანობას მნიშვნელოვნად აფერხებს. ნებისმიერი ქმედება, რომელიც ბიზნეს აკლებს ფულს ის, რა თქმა უნდა, ურტყამს ეკონომიკას. იმის მაგივრად, რომ წავიდეს და ბიზნეს მიეხმაროს განვითარებაში, მიდის აბსოლუტურად სხვა მიმართულებით. ჩვენ ვხედავთ, რომ ფული არ იხარჯება მაგრამ, ბიზნესიდან ეს ფული ამოღებულია, აქედან გამომდინარე, ყველა ასეთი ნაბიჯი, რომელიც ბიზნესს აკლებს საბრუნავ  თანხებს, ვფიქრობ, ეკონომიკას მძიმედ დაარტყამს“, - განმარტავს დავით ჭიჭინაძე.



რადიკალურად განსხვავებული პოზიცია აქვს „ქართული ოცნების“ დეპუტატს კახა ოქრიაშვილს. პსპ ჯგუფის დამფუძნებელი აცხადებს, რომ ყველანაირი სიის წინააღმდეგია. ოქრიაშვილი მიიჩნევს, რომ გადასახადის გადახდა უნდა მოხდეს მაშინ როდესაც მეწარმე საკუთარი პროდუქციის რეალიზებას განახორციელებს.


 
„იდეურად არასწორია, რომ გადასახადი წინასწარ, 5 დღეში ან 30 დღეში იყოს გადახდილი. ოქროს სიის შექმნა მაშინაც არ იყო სწორი.  ამბობენ, რომ ყველა ერთნაირ პირობებში უნდა იყოსო, კი ბატონო, იყოს ყველა ერთნაირ პირობებში და მაშინ ყველა შეიყვანონ ოქროს სიაში. ზოგადად, სიების წინააღმდეგი ვარ, არ აქვს მნიშვნელობა ოქროსი იქნება თუ ბრილიანტების. მთავრობა და ბიზნესი ყოველ დღე ესაუბრება ერთმანეთს, მინისტრები არიან მისაწვდომები. კომუნიკაცია არაა აქ მნიშვნელოვანი. მთავარია, გადაწყვეტილების მიღება რა სისწრაფით მიდის. გარწმუნებთ, რომ ბიზნესს საერთოდ არ სჭირდება კომუნიკაცია მთავრობასთან. ბიზნესმენები მინისტრებს ხვდებიან იმიტომ, რომ პრობლემები აქვთ, რაც უფრო ნაკლები შეხვედრა იქნება, ეს იმას ნიშნავს, რომ ნაკლები პრობლემები აქვს ბიზნეს და კარგი სიტუაციაა“, - განაცხადა კახა ოქრიაშვილმა.


ბაჩო ადამია





14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...

Forbes: მიშვებული კონფლიქტი ისრაელს და პალესტინას შორის

Forbes: მიშვებული კონფლიქტი ისრაელს და პალესტინას შორის
access_time2021-05-14 18:00:05
ერთხელ ისრაელის პრემიერ-მინისტრის არიელ შარონის ერთ-ერთმა მრჩეველმა ცხელ გულზე განაცხადა - „იერუსალიმში ვაშინგტონის ნებართვის გარეშე ტუალეტსაც კი ვერ ჩადგამ“.   გარკვეულწილად ეს ასეც არის, თუმცა, გასაგებია რატომაც - იერუსალიმის საკითხი ისრაელის შიდა საქმეების კატეგორიას კარგა ხანია გასცდა და ის მთელს მსოფლიო პოლიტიკაზე მოქმედებს.   რეალურ ცხოვრებაში, ამ ქალაქის ერთიანი სტატუსის მიუხედავად, რამდენიმე, განცალკევებული და თითქმის ავტონომიური...


მსგავსი სიახლეები

up