როდის გვეუბნებოდნენ სიმართლეს?

როდის გვეუბნებოდნენ სიმართლეს?

access_time2019-11-21 19:00:48

ეროვნული ბანკის პრეზიდენტის უფლებამოსილების ვადის დასრულებამდე 3 წელიწადზე მეტი რჩება, თუმცა კობა გვენეტაძის თანამდებობის შენარჩუნების საკითხი გუშინდელი  პარლამენტის საფინანსო-საბიუჯეტო კომიტეტის სხდომის შემდეგ საეჭვო გახდა. „ქართული ოცნების“ დეპუტატები, სებ-ის პრეზიდენტის მიმართ პრეტენზიებში უკვე ერთიანნი არიან.


„ეროვნული ბანკი რეალობას უნდა დაუბრუნდეს. ფასების სტაბილურობა და ინფლაცია არის ნომერ პირველი საკითხი, რაც საქართველოს მოსახლეობას აწუხებს. ეროვნულმა ბანკმა უნდა გამოიყენოს ყველა მის ხელთ არსებული ინსტრუმენტი, რომ ინფლაცია დაუბრუნდეს მიზნობრივ მაჩვენებელს. მან აამოქმედა ინსტრუმენტები, მაგრამ სამწუხაროდ, დაგვიანებით“,- განაცხადა პარლამენტის საფინანსო -საბიუჯეტო კომიტეტის თავმჯდომარემ. 


„მრჩება შთაბეჭდილება, რომ, სამწუხაროდ, თქვენი გადაწყვეტილებები იყო საერთაშორისო  გაიდლაინების შესაბამისი და ყოველთვის არ ითვალისწინებდა იმ კონტექსტს, რომელშიც ქვეყანაში გვქონდა. ეს აისახა კიდეც ჩვენს ეკონომიკაზე და ახლა ეს გამოწვევა არის ძალიან სერიოზული“, - აღნიშნა პარლამენტის დაგრობრივი ეკონომიკის კომიტეტის თავმდჯომარემ რომან კაკულიამ.


„მიმდინარე წლის პირველ და მეორე კვარტალში, ეკონომიკური ზრდის პროცენტულ მაჩვენებელს თუ ავიღებთ, გაცილებით უკეთესია, ვიდრე წინა წლის და მიუხედავად ამისა, ჩვენ მივიღეთ დევალვაცია. ამასთან დაკავშირებით მას პასუხი არ ჰქონდა არც პასუხისმგებლობას იღებს. ჩემი განწყობა ერთმნიშვნელოვნად არის ძალიან კრიტიკული. ჩვენ მოგვიწევს საბოლოოდ ძალიან სერიოზულად მსჯელობა შეფასების მხრივ, იმიტომ, რომ მე ვფიქრობ, ის გამოწვევები და პრიორიტეტები, რაც არის ეროვნული ბანკის მხრიდან, ვერ პასუხობს ადეკვატურად რეალურად არსებულ გამოწვევებსა და პრიორიტეტებს“,- განაცხადა პარლამენტის წევრმა რატი იონათამიშვილმა.



მმართველი პარტიის წარმომადგენელმა დეპუტატებმა სებ-ის პრეზიდენტი ეროვნული ბანკის მიერ გატარებული პოლიტიკის გამო გააკრიტიკეს, თუმცა აღსანიშნავია, რომ კობა გვენეტაძემ კრიტიკა ძირითადად იმ ადამიანებისგან მიიღო, რომლებიც მის მიერ გატარებულ ღონისძიებებს ყოველთვის მხარს უჭერდნენ.


ჩემი აზრით, თამამად შეიძლება ითქვას, რომ 2018 წელს ეროვნული ბანკის ფულად-საკრედიტო, ანუ, მონეტარული და საზედამხედველო პოლიტიკა ადეკვატური და წარმატებული იყო. 2018 წელს გატარდა მთელი რიგი ღონისძიებები და ამოქმედდა ახალი რეგულაციები არასაბანკო საკრედიტო დაწესებულებების საქმიანობის მოწესრიგების მიმართულებითაც, რაც ეროვნული ბანკის კარგი მუშაობის შედეგია“, - განაცხადა პარლამენტის საფინანსო–საბიუჯეტო კომიტეტის თავმჯდომარემ (10.06.2019 ).


„ეროვნული ბანკი სიტუაციას ყოველთვის აკონტროლებს. ის ზუსტად დააფიქსირებს იმ მომენტს, როდესაც მისი ჩარევა გარდაუვალი იქნება, რათა არ მოხდეს ინფლაციაზე მნიშვნელოვანი ზეგავლენა. მას გააჩნია მზაობა, რომ ისეთი ინტერვენცია გააკეთოს, რათა ლარის კურსის გამო ინფლაციამ სერიოზული დარტყმა არ მიიღოს“, - აღნიშნა რომან კაკულიამ (7.11.2018).


„პოლიტიკური ოპოზიცია, სუბიექტური ინტერესების მქონე პირები და მედია ცდილობენ ისაუბრონ ყველაფერზე, გარდა ამ საქმესთან დაკავშირებულ ობიექტურ რეალობაზე. ისინი ხელს იშვერენ გვენეტაძეზე, რომელიც აქტიურად უძღვება ამ საქმეს, მან აღმოაჩნია სამართალდარღვევა და პრეტენციებს არ უყენებენ ქადაგიძეს, რომელმაც აღნიშნული ტრანზაქცია არ გამოავლინა,“- ასე დაიცვა რატი იონათამიშვილმა „თიბისი ბანკი“-ს გარშემო განვითარებული მოვლენების დროს სებ-ის პრეზიდენტი (08.03.19).


ნინო თამაზაშვილი




დღის Top 10 საინტერესო ამბავი

დღის Top 10 საინტერესო ამბავი
access_time2020-08-11 21:00:41
დღის Top 10 საინტერესო ამბავი: 1.Georgian Capital-ის წარუმატებელი პროექტი - „საქართველოს ჯანდაცვის ჯგუფი“ არა ლიკვიდურობის გამო ლონდონის საფონდო ბირჟიდან ჩაიხსნა „საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით,...

კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...


მსგავსი სიახლეები

up