„ვიზეარი“ და „რაინეარი“ ე.წ. დაბალბიუჯეტიანი კომპანიები არიან და მათ მიმართ ინტერესი დაბალი ფასის გამო არის. ისინი ვერ იფრენენ კვირაში ორჯერ ან ერთხელ, ეს მათთვის წამგებიანი იქნება, – ამის შესახებ ეკონომიკისა და მდგრადი განვითარების მინიტრმა, ნათია თურნავამ განაცხადა. მისი თქმი ფრენები განხორციელდება მაშინვე როდესაც, საქართველო, მსოფლიო და ის ქვეყნებიც იქნებიან მზად, საიდანაც აღნიშნულმა კომპანიებმა საქართველოს რეისების შესრულება შესთავაზეს.
„ჩვენ, როდესაც ვიქნებით ამისთვის მზად, მსოფლიოც რომ იქნება მზად და ის ქვეყნებიც, საიდანაც გვთავაზობენ ფრენებს, რა თქმა უნდა, დავუშვებთ, რადგან ჩვენი შემოყვანილია „ვიზეარი” საქართველოს ბაზარზე, ჩვენი დიდი მხარდაჭერით. 2016 წელს გაჩნდა „ვიზეარი“ საქართველოში და შარშან, თქვენ ყველას კარგად გახსოვთ, ხელში მეჭირა მათი თვითმფრინავის მაკეტი და ყველას ვაუწყებდი, რომ კიდევ 19 მიმართულებით აპირებდნენ ფრენას. ასე, რომ ყველაზე დიდი სურვილი ჩვენ გვაქვს, კვლავ აღდგეს მასშტაბურად მათი ფრენები, მაგრამ მთვარია ჯანმრთელობა, დავიცვათ ეს მონაპოვარი“, – განაცხადა ნათია თურნავამ.