როდის ამოქმედდება არქიტექტორთა სავალდებულო სერტიფიცირება?

როდის ამოქმედდება არქიტექტორთა სავალდებულო სერტიფიცირება?

access_time2022-09-30 09:00:00

გარემოს დაცვისა და ბუნებრივი რესურსების კომიტეტმა პირველი მოსმენისთვის, დაჩქარებული წესით განიხილა „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ და „არქიტექტურული საქმიანობის შესახებ“ საქართველოს კანონში შესატანი ცვლილებები. ინფორმაციას პარლამენტის პრესსამსახური ავრცელებს.


საკანონმდებლო ცვლილებები დეპუტატებს ერთ-ერთმა ინიციატორმა, დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველმა მოადგილემ ეკა სეფაშვილმა გააცნო.


მომხსენებლის განმარტებით, საქართველოს სივრცის დაგეგმარების, არქიტექტურული და სამშენებლო საქმიანობის კოდექსის მოქმედი რედაქციით, მშენებლობის ტექნიკური ზედამხედველობის განხორციელების უფლება აქვთ როგორც აკრედიტებულ ინსპექტირების ორგანოებს, ასევე სერტიფიცირებულ ექსპერტებს. მისი თქმით, მშენებლობის ზედამხედველობას უნდა ახორციელებდეს სხვადასხვა სფეროს სპეციალისტების გუნდი და არა ერთი, თუნდაც სერტიფიცირებული საზედამხედველი ექსპერტი. შესაბამისად, წარმოდგენილი საკანონმდებლო ცვლილებით, მშენებლობის ტექნიკურ ზედამხედველობას III-IV კლასის ობიექტებზე მხოლოდ აკრედიტებული ინსპექტირების ორგანოები განახორციელებენ.


„კანონით დარეგულირებული იყო, რომ ზედამხედველობას ახორციელებდნენ როგორც ორგანოები, ანუ იურიდიული პირები, ასევე კერძო, ფიზიკური პირები. იქიდან გამომდინარე, რომ III-IV კლასის შენობების ტექნიკური ზედამხედველობა ერთი ადამიანისთვის, სპეციალობების თვალსაზრისით, არის რთული, გადაეცემა მხოლოდ ინსპექტირების ორგანოებს, რომლებსაც აქვთ საშუალება ყველა საჭირო სპეციალისტი დაიქირაონ და ყველა სპეციალისტმა თავისი საქმიანობის სფეროში მოახდინოს მოცემული მშენებლობის ინსპექტირება და ზედამხედველობა“, - განაცხადა ეკა სეფაშვილმა.



როგორც დეპუტატმა აღნიშნა, ცვლილებები შედის ასევე „არქიტექტურული საქმიანობის შესახებ“ საქართველოს კანონში, რომელიც არქიტექტორების და ინჟინერ-მშენებლების სერტიფიცირების მოქმედების ვადას არეგულირებს.


ცვლილებების თანახმად, 2024 წლის 1 მარტამდე არქიტექტორებს და ინჟინერ-მშენებლებს არ ესაჭიროებათ სერტიფიცირება და შეუძლიათ განაგრძონ არქიტექტურული პროექტის დამოწმება სერტიფიკატის გარეშე.


„არქიტექტორების და მშენებელ-ინჟინრების სერტიფიცირების მარეგულირებელი მუხლი უნდა ამოქმედებულიყო 2022 წლის 1 ოქტომბრიდან. იქიდან გამომდინარე, რომ სფერომ და სფეროს წარმომადგენლებმა ვერ მოასწრეს აღნიშნული ცვლილებისათვის მომზადება, შემოვდივართ ინიციატივით, რომ ამ ვადამ გადაიწიოს 2024 წლის 1 მარტამდე. ამ დროისთვის ისინი მოასწრებენ მომზადებას და შესაძლებელი იქნება არქიტექტორების და ინჟინერ-მშენებლების სერტიფიცირების ამოქმედება“, - განაცხადა ეკა სეფაშვილმა.


საკანონმდებლო ინიციატივის ავტორები არიან პარლამენტის წევრები: დავით სონღულაშვილი, ბეჟან წაქაძე, ეკა სეფაშვილი, ვასილ ჩიგოგიძე, გოჩა ენუქიძე, გელა სამხარაული, რამინა ბერაძე და ირმა ზავრადაშვილი.


კომიტეტმა პირველი მოსმენით მხარი დაუჭირა წარმოდგენილ საკანონმდებლო ცვლილებებს.






„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს

„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს
access_time2022-12-03 22:50:49
    დიდი ბრიტანეთის დანაშაულის ეროვნული სააგენტო (NCA) იტყობინება, რომ 58 წლის რუსი ბიზნესმენი ლონდონში დააკავეს, შემდეგ კი გირაოს სანაცვლოდ გაათავისუფლეს. რუსეთის ცენტრალური სახელმწიფო საინფორმაციო სააგენტოს (TASS) წყარო ირწმუნება, რომ ის Alfa Group-ის დამფუძნებელი მიხაილ ფრიდმანია. ინფორმაციას ...

2021 წელს ევროკავშირმა კვლევასა და განვითარებაზე 328 მლრდ ევრო დახარჯა

2021 წელს ევროკავშირმა კვლევასა და განვითარებაზე 328 მლრდ ევრო დახარჯა
access_time2022-12-03 22:20:33
2021 წელს ევროკავშირმა 328 მლრდ ევრო დახარჯა კვლევასა და განვითარებაზე, (R & D) რაც 6%-ით მეტია წინა წელთან შედარებით. 2020 წელს ამ მიმართულებით 310 მლრდ ევრო დაიხარჯა, მონაცემებს ევროსტატი აქვეყნებს.   2021 წელს R&D ხარჯები მშპ-ს პროცენტულად ყველაზე მაღალი დაფიქსირდა: შვედეთში (3.35%), ავსტრიასა (3.22%) და ბელგიაში (3.19%). ყველაზე დაბალი - რუმინეთში (0.48%), მალტასა (0.65%) და ლატვიაში...

ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...


მსგავსი სიახლეები

up