როდის აისახება ლარის გამყარება ფასებზე

როდის აისახება ლარის გამყარება ფასებზე

access_time2021-06-05 13:00:00

ბოლო ორ კვირაში ლარი დოლართან მიმართებით, თითქმის, 40 თეთრით გამყარდა, რაც მოსახლეობაში აჩენს კითხვას, როდის აისახება ეს ფასებზე. როგორც „თიბისი კაპიტალის“ მთავარმა ეკონომისტმა ოთარ ნადარაიამ განმარტა, წელს ნაკლებ სავარაუდოა, რომ ფასების ზრდას „რაიმე ეშველოს“. მისი თქმით, ზოგადად, ლარის გამყარება ფასების ზრდის დინამიკას შეაკავებს, თუმცა, მომდევნო თვეებში გვაქვს წინა წლიდან გადმოყოლილი ე.წ დაბალი საბაზრო ეფექტი. კერძოდ, წინა წელის მეორე ნახევარში, სუბსიდიების გამო, შედარებით დაბალი იყო ინფლაცია. შესაბამისად, საკამათოა, წლიური ინფლაციის შემცირება წელსვე იქნება შესაძლებელი თუ არა.



„ცალსახად გაუმჯობესებულია როგორც მაკრეკონომიკური მაჩვენებლები, ისე რაც მთავარია, მოლოდინები. თქვენ იცით, რომ წელს ეკონომიკის ზრდის ბოლო პროგნოზი გვქონდა 5,5% და ეს საკმაოდ ოპტიმისტურად ითვლებოდა. თუმცა, დღეს უკვე ვეთანხმებით განახლებულ პროგნოზებს, რომ წლევანდელი ზრდა 6-7%-ის ფარგლებში იქნება, შესაძლებელია ცოტა მეტიც. სავალუტო მიმართულებით რაც შეიძლება ითქვას, ცალსახაა, რომ გაუმჯობესებულია ექსპორტის მიმართულებები, ასევე ტურიზმის მაჩვენებლები, იცით, რომ გზავნილების ზრდამაც რეკორდი მოხსნა.



თუმცა, ასევე უნდა გავითვალისწინოთ, რომ იმპორტიც იზრდება. აქ სხვა ფაქტორები არის ასევე მნიშვნელოვანი. მაგალითად, ის, რომ ეროვნულმა ბანკმა გაამკაცრა პოლიტიკა და ლარი გახდა უფრო ძვირი. ბუნებრივია, უფრო ძვირი, ნიშნავს უფრო ცოტას, სამაგიეროდ, იმის გამო, რომ ჩვენ მულტისავალუტო სისტემაში ვოპერირებთ, უკვე აპრილიდან (მაისის მაჩვენებლები სამწუხაროდ, არ გვაქვს), გააქტიურებულია სავალუტო დაკრედიტება, რაც არის პირველი შემთხვევა, 2019 წლიდან მოყოლებული. იმიტომ, რომ 2019 წლიდან ძირითადად იყო ლარის დაკრედიტება. რაც, რა თქმა უნდა, რისკია, თუმცა შექმნილ სიტუაციაში, ეს არის ინტერვენციის ტოლფასი.




რაც შეეხება ფასებს, მასზე კურსს ყველაზე დიდი გადაცემა აქვს. თუმცა, წელს ნაკლებ სავარაუდოა, რომ ფასების ზრდას რაიმე ეშველოს. იმიტომ, რომ რა თქმა უნდა, ფასების ზრდის დინამიკას, ეს გამყარება მნიშვნელოვნად შეაკავებს, მაგრამ მომდევნო თვეებში გვაქვს წინა წლიდან გადმოყოლილი ე.წ დაბალი საბაზრო ეფექტი. აქ იგულისხმება ის, რომ წინა წელის მეორე ნახევარს თუ შევხედავთ, შედარებით დაბალი იყო ინფლაცია. მაგალითად, დეკემბერში საკმაოდ დაბალი იყო ინფლაცია, სუბსიდიების გამო. ამიტომ, საკამათოა, წლიური ინფლაციის შეკავებას და შემცირებას, ჩვენ წელსვე შევძლებთ თუ არა. სხვა საკითხია ის, რომ თუ ცოტა უფრო წინ გავიხედავთ, თუ ასე გაგრძელდა გამყარება დიდი შანსია, რომ 2022 წელს დეფლაცია მივიღოთ, რაც ბევრის აზრით და მათ შორის, ჩემიც, საქართველოს რეალობაში შესაძლოა, დიდი ტრაგედია არ იყოს. როგორც იცით, განსაკუთრებით მოკლე პერიოდში მაღალი ინფლაცია ყოველთვის გამყარების მოლოდინს იძლევა იმ გაგებით, რომ გამკაცრდება პოლიტიკა და კურსი გამყარდება და როდესაც მოლოდინები პირიქითაა, საპირისპირო ხდება.



ამიტომ, მე ვფიქრობ, ძალიან ფრთხილად უნდა ვიყოთ და როგორც 3 და 4 ნიშნულზე არ უნდა წავყოლოდით დიდი პესიმიზმის პროგნოზებს, ახლაც ძალიან ოპტიმიზმისკენ არ უნდა გადავიხაროთ“- განაცხადა ოთარ ნადარაია.



BPN.GE



თეგები:
ლარი



ლარი ყველა ძირითად საერთაშორისო ვალუტასთან გაუფასურდა

ლარი ყველა ძირითად საერთაშორისო ვალუტასთან გაუფასურდა
access_time2021-07-28 18:00:31
28 ივლისის ვაჭრობის შედეგად ლარი აშშ დოლართან მიმართებაში 1.60 თეთრით 3.1052-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.0963 შეადგინა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 2.54 თეთრით 3.6663-მდე, ბრიტანულ ფუნტთან 5.03 თეთრით 4.3091-მდე, თურქულ ლირასთან 0.25 თეთრით 0.3629-მდე, აზერბაიჯანულ მანათთან 0.80 თეთრით 1.8239-მდე, 100 რუსულ რუბლთან 3.40 თეთრით 4.2235-მდე, 1000 სომხურ დრამთან...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-28 21:00:46
დღის TOP 10 მნიშვნელოვანი ამბავი:   1. „ქართულმა ოცნებამ“ შარლ მიშელის შეთანხმება გაუქმებულად გამოაცხადა პარტია „ქართული იცნების“ თავმჯდომარემ ირაკლი კობახიძემ შარლ მიშელის შუამავლობით მიღწეული 19 აპრილის შეთანხმება გაუქმებულად გამოაცხადა. კობახიძის განცხადებით მათთვის დადებული პირობის ცალმხრივად ერთგულება...

ლაშა ბექაური ოლიმპიური ჩემპიონია

ლაშა ბექაური ოლიმპიური ჩემპიონია
access_time2021-07-28 15:30:11
21 წლის ქართველმა ძიუდოისტმა ლაშა ბექაურმა, 90 კგ წონით კატეგორიაში ტოკიოს ზაფხულის XXXII ოლიმპიურ თამაშებზე ოქროს მედალი მოიპოვა. ქართული დელეგაციისთვის ეს მესამე მედალია. ვაჟა მარგველაშვილმა და 2012 წლის ოლიმპიურმა ჩემიონმა ლაშა შავდათუაშვილმა ვერცხლის მედლები მოიპოვეს. 90 კგ-იანი წონითი კატეგორია ქართველი ძიუდოისტებისთვის განსაკუთრებულად წარმატებულია. 2004 წელს, დამოუკიდებელი საქართველოს ისტორიაში, პირველი ქართველი ოლიმპიური ჩემპიონი ზურაბ ზვიადაური სწორედ ამ წონაში...

„ქართულმა ოცნებამ“ შარლ მიშელის შეთანხმება გაუქმებულად გამოაცხადა

„ქართულმა ოცნებამ“ შარლ მიშელის შეთანხმება გაუქმებულად გამოაცხადა
access_time2021-07-28 14:50:07
პარტია „ქართული იცნების“ თავმჯდომარემ ირაკლი კობახიძემ შარლ მიშელის შუამავლობით მიღწეული 19 აპრილის შეთანხმება გაუქმებულად გამოაცხადა. კობახიძის განცხადებით მათთვის დადებული პირობის ცალმხრივად ერთგულება მიუღებელია. როგორც მმართველი პარტიის თავმჯდომარემ აღნიშნა საერთაშორისო პარტნიორებს ოპოზიციურ პარტიებისთვის შეთანხმებაზე ხელმოწერა მკაცრად არ მოუთხოვიათ და ამ ფონზე დოკუმენტის მიმართ ცალმხრივ ერთგულებას მათ ამომრჩეველი არ აპატიებდათ. კობახიძის...

რუსეთ–საქართველოს შორის ავიამიმოსვლის აღდგენის საკითხი შემოდგომაზე განიხილება

რუსეთ–საქართველოს შორის ავიამიმოსვლის აღდგენის საკითხი შემოდგომაზე განიხილება
access_time2021-07-28 17:00:06
რუსეთი მზად არის საქართველოსთან ავიამიმოსვლის განახლების საკითხის განსახილველად, განაცხადა რუსეთის ფედერაციის საბჭოს საერთაშორისო საკითხთა კომიტეტის თავმჯდომარემ გრიგორი კარასინმა. „ჩვენ მზად ვართ ამის (ავიამიმოსვლის აღდგენის პრობლემა) განსახილველად. ვფიქრობ, ადრე თუ გვიან ეს საკითხი გადაწყდება“, – განაცხადა სენატორმა, რომელსაც რუსული სააგენტო ТАСС ციტირებს. ამასთან, კარასინს გაუჭირდა ავიამიმოსვლის განახლების კონკრეტული ვადების დასახელება....


მსგავსი სიახლეები

up