„როდესაც ფერმერი გათავისუფლებულია საშემოსავლო გადასახადისაგან და მას შემოსავლის დადასტურებას სთხოვ, ეს ნიშნავს იმას, რომ მთავრობაში კომუნიკაციის  პრობლემაა“

„როდესაც ფერმერი გათავისუფლებულია საშემოსავლო გადასახადისაგან და მას შემოსავლის დადასტურებას სთხოვ, ეს ნიშნავს იმას, რომ მთავრობაში კომუნიკაციის პრობლემაა“

access_time2018-10-11 09:00:00

ეროვნული ბანკის რეგულაცია მევახშეობის განვითარებას შეუწყობს ხელს. ასეთია რამდენიმე ასოციაციის შეხედულება სებ-ის დებულებაზე, რომელიც 2018 წლის 1 ნოემბრიდან უნდა ამოქმედდეს. ასოციაციები რეგულაციების მიღებას ნაჩქარევს უწოდებენ და გამოსავალს მის შეჩერებაში ხედავენ.


„ფერმერთა ასოციაციის“ თავმჯდომარე ნინო ზამბახიძე აცხადებს, რომ ეს რეგულაცია არამხოლოდ ფერმერებს, არამედ ზოგადად, არსებულ მსესხებლებს შეუქმნის პრობლემას. კერძოდ, მათ შეიძლება დამატებით სესხი ვეღარ აიღონ. შედეგად, როგორც ზამბახიძე აცხადებს, ხელი შეეწყობა შავი ბაზრის განვითარებას.


„როგორც ჩემთვის გახდა ცნობილი, ფიზიკურ პირს შეუძლია 20 სესხი გასცეს ხელზე. ამაზე მეტი სესხის გამცემი კი გამსესხებლად უნდა დარეგისტრირდეს. ეს პროცესი რეგიონებში არსებულ მძიმე სიტუაციად კიდევ უფრო დაამძიმებს,“-აცხადებს ზამბახიძე.


მისი განმარტებით, თუ აქამდე ბანკთან მიდიოდა რესტრუქტურიზაციაზე საუბარი და ადვოკატირება ხდებოდა, ახლა ეს პროცესი უმართავი გახდება. „ადამიანი საბრუნავ საშუალებას ვეღარ აიღებს, რაც ძალიან ცუდია. რიგ შემთხვევაში ფერმერები იღებდნენ იპოთეკურ სესხებს და საბრუნავ ნაწილში აბანდებდნენ. ეს იმიტომ, რომ მათ ბიზნეს სესხის აღების შესაძლებლობა არ ჰქონდათ. ამ ნაწილში ჩნდება ლოგიკური კითხვა - თუ ამ ხალხს ამ ფინანსურ რესურსზე წვდომა არ ექნება, რა იქნება გამოსავალი? მათ ბანკიც უარს ეტყვის, მიკროსაფინანსო ორგანიზაციაც და გამოსავალი მევახშესთან კავშირი დარჩებათ ხომ? “- განმარტავს ზამბახიძე.



კითხვაზე, ჰქონდა თუ არა ფერმერთა ასოციაციას ეროვნულ ბანკთან აღნიშნულ პრობლემებზე საუბარი, ნინო ზამბახიძე აღნიშნავს, რომ მარეგულირებელს ბიზნესსექტორთან ამ საკითხზე კომუნიკაცია არ ჰქონია. მისივე განმარტებით, ეროვნულ ბანკს ამ საფრთხეების შესახებ აფრთხილებდა როგორც საბანკო ასოციაცია, ისე მიკროსაფინანსო ასოციაცია. მიუხედავად ამისა, ამ კანონის მიღება ფორსირებულ რეჟიმში ხდება.



„მე გამიჭირდება ვინმეს მივმართო შეკითხვით. ამისთვის არსებობს საბანკო ასოციაცია, რომელთანაც კომუნიკაცია გვექნება. მე არ მიყვარს სუბორდინაციის დარღვევა. ჩვენ მათ გავუგზავნით შეკითხვას და ვეცდები, რომ ბანკების ასოციაციამ დაარეგულიროს ეროვნულ ბანკთან ეს საკითხი. იმ პირობებში, როდესაც ფერმერი გათავისუფლებულია საშემოსავლო გადასახადისაგან და ამ დროს, მას შემოსავლის დადასტურებას სთხოვ, ეს ნიშნავს იმას, რომ მთავრობაში კომუნიკაციის პრობლემაა,“-განმარტავს ზამბახიძე.



„მიკროსაფინანსო ორგანიზაციების ასოციაციის“ ხელმძღვანელი ბესიკ შენგელია აცხადებს, რომ ეროვნული ბანკის ეს დებულება პრობლემატურია. ამიტომ, მისი ამ ფორმით არსებობა მოსახლეობის ძალიან დიდ ნაწილს შეუქმნის პრობლემას.


როგორც შენგელია განმარტავს, ეროვნული ბანკის პოზიციაა ის, რომ ეს დებულება აუცილებლად უნდ არსებობდეს. ამიტომ, ვმუშაობთ ტექნიკურ საკითხებზე.


„მომხმარებელთა სეგმენტის სირთულიდან გამომდინარე ღიად რჩება შემოსავლების დადასტურების საკითხი. გვაქვს გაურკვევლობა, როგორ დავუმტკიცოთ სებ-ს, რომ სესხს მაღალი სტანდარტებით გავცემთ. შეუძლებელია აკადემიურად ეროვნული ბანკისთვის იმის დადასტურება, რომ ჩვენ მომხმარებლის შემოსავლების დეტალური ანალიზი გავაკეთეთ. ეს ჩვენი შიდა რისკების მომენტია, თუმცა სებ-ს მაინც განსხვავებული პოზიცია აქვს. პრობლემა იმაშია, რომ როცა ხდება მიზნობრიობით სესხის მოთხოვნა, ადამიანებს ხშირად ექმნებათ აუცილებელი საჭიროებები და ამ ფულს სხვა მიმართულებით ხარჯავენ. ამას ვერ გავაკონტროლებთ. ჩვენ საკუთარ ფულს ვრისკავთ და ვაზღვევთ შიდა პოლიტიკით. იმედია ამ პრინციპზე შევთანხმდებით,“-აცხადესბ შენგელია.



ბანკების ასოციაციის ხელმძღვანელი ალექსანდრე ძნელაძე აცხადებს, რომ ბიზნეს სექტორსა და ეროვნულ ბანკს შორის მჭიდრო კომუნიკაცია აუცილებელია.



“ სამწუხაროდ ჯერჯერობით ახალი ვარ და გამიჭირდება გითხრათ, რომ იყო რაიმე ტიპის კომუნიკაცია. ეს დებულებები ფორსირებულად ინერგება. იმაზეც გამიჭირდება პასუხის გაცემა იყო, ან რატომ არ იყო კომუნიკაციები და შეხვედრები იგივე ფერმერთა ასოციაციასთან? ამის ასახვა არ მოხდება მხოლოდ ბანკებზე და მიკროსაფინანსო ორგანიზაციებზე, ეს რეალურად ყველას შეეხება. ვერ დაფინანსდება არამხოლოდ ახალი მსესხებლები, არამედ არსებულებიც ვეღარ დაიმატებენ სესხს,”-განაცხადა ძნელაძემ BM.GE-სთან საუბარში.


შეგახსენებთ, ფიზიკური პირების დაკრედიტების ახალი წესები 2018 წლის 1 ნოემბრიდან ამოქმედდება. დაკრედიტების ახალი წესების თანახმად, სესხის მომსახურების და სესხის უზრუნველყოფის კოეფიციენტების განსაზღვრაზე.


შემოდის ლიმიტები რა ოდენობის ხელფასზე რა მოცულობის და რა ვადიანობის სესხის აღება იქნება შესაძლებელი, რომ მსესხებელმა კრედიტის მომსახურება უპრობლემოდ შეძლოს.




ავტორი: სოფო ქსოვრელი 






რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up