„ბათუმი რივიერა“ - „სილქ როუდ ჯგუფი“ მილიარდიანი  მრავალფუნქციური კომპლექსის მშენებლობისთვის ემზადება  - (“კომერსანტის“ ექსკლუზიური რენდერები)

„ბათუმი რივიერა“ - „სილქ როუდ ჯგუფი“ მილიარდიანი მრავალფუნქციური კომპლექსის მშენებლობისთვის ემზადება - (“კომერსანტის“ ექსკლუზიური რენდერები)

access_time2019-07-17 13:00:03

„ბათუმი რივიერა- ასე ეწოდება ახალ მრავალფუნქციურ კომპლექსს, რომლის აშენებასაც  „სილქ როუდ ჯგუფი“ „საქართველოს თანაინვესტირების“ ფონდის მხარდაჭერით ბათუმში გეგმავს. ეს ქალაქის ერთ-ერთი გამორჩეული სივრცე იქნება.






ბათუმის საკრებულომ ბათუმის მერიას უკვე დაავალა ადმინისტრაციული წარმოების დაწყება „რივიერას“ ტერიტორიაზე განაშენიანების რეგულირების გეგმის (გრგ) დამტკიცების შესახებ დადგენილების პროექტის მომზადება.


პროექტს დამტკიცების შემთხვევაში, ადგილზე განთავსდება  5 მაღალსართულიანი შენობა. კერძოდ, სხვადასხვა გასართობ-დასასვენებელი ობიექტი.  კომპლექსის ბოლო სართულზე მოეწყობა ვერტმფრენისთვის განკუთვნილი მოედანიც, საიდანაც ფრენები განხორციელდება კურორტ გოდერძის და მესტიის სამთო-სათხილამურო კურორტების მიმართულებით.


ამას გარდა გათვალისწინებულია 2 ჰექტარი მიწის ფართობის გამწვანება და კეთილმოწყობა. აშენდება ამფითეატრი და მოეწყობა საზოგადოებრივი თავშეყრისათვის განკუთვნილი სივრცე. მწვანე ფასადის იქნება ასევე ყველა მაღალსართულიანი ნაგებობა.



პროექტი ასევე გულისხმობს 2000 სტუმარზე გათვლილი კონგრესცენტრის აშენებას, რომელიც აღჭურვილი იქნება თანამედროვე ტექნოლოგიებით და ნებისმიერ სტუმარს, მთელი წლის განმვალობაში, სხვადასხვა პროფილის მომსახურებას შესთავაზებს.


ამ ყველაფერთან ერთად “ბათუმის რივიერა თავისი დანიშნულებისა და სპეციფიკის გამო, გათვლილია არა მხოლოდ ზაფხულის სეზონზე, არამედ, აქ მთელი წლის განმავლობაში სტუმრებს საშუალება ექნებათ მაღალი დონის სხვადასხვა სახის სერვისით ისარგებლონ.







„ პროექტი კანონის სრული დაცვით შევიმუშავეთ და მან გაიარა ყველა სახის კონსულტაცია დარგის წამყვან სპეციალისტებთან. უახლოეს დღეებში ველოდებით ჰიდროლოგიურ-საინჟინრო დასკვნას გამოცდილი იტალიელი სპეციალისტისგან, რომელმაც შეისწავლა ამ ტერიტორიაზე მაღალსართულიანი ნაგებობების აშენების მიზანშეწონილობა და ასევე არსებული გეოლოგიური დასკვნა. იტალიური საინჟინრო სტუდია, (http://www.colleselligeotecnica.it/projects.asp) რომელიც ვენეციის ახალი და ძველი პორტების პროექტზე მუშაობდა, გაგვიწევს კონსულტაციას, თუ როგორ უნდა მოხდეს ლაგუნის ზღვასთან დაკავშირება. ჩვენ ვაკმაყოფილებთ ყველა მოთხოვნას , ვმოქმედებთ კანონის სრული დაცვით და ველოდებით გრგ-ს დავალების მიღებას“,- განმარტავს „ბათუმი რივიერას“ ხელმძღვანელი გოგა კაპანაძე.



პროექტის ჯამური ინვესტიცია, დაახლოებით მილიარდი ლარია და მისი განხორციელების შემთხვევაში ობიექტზე  1000 ადამიანის დასაქმება იგეგმება. პირველი ფაზის დასრულების შემდეგ აჭარის ბიუჯეტში შეტანილი ქონების გადასახადი  ყოველწლიურად დაახლ. 1.2 მილიონი დოლარი იქნება, პროექტის სრულად დასრულების შემდეგ კი  - დაახლ. 7 მლნ დოლარი .





შეგახსენებთ,“ რივიერას„ ტერიტორია „სილქ როუდ ჯგუფმა“ 2006 წელს 10,086,000 ლარად  საგადასახადო ორგანოს მიერ ორგანიზებულ აუქციონზე შეიძინა.

პირველი ფაზის მშენებლობა 2019 წელს იგეგმება და დაახლოებით სამი წელი გაგრძელდება. მისი სრული ღირებულება, 73. 5 მლნ. დოლარია, ხოლო პროექტირების ფასი - 2.5 მლნ. დოლარზე მეტია. 



სალომე ლემონჯავა 





კინოთეატრ „აპოლოს” რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა

კინოთეატრ „აპოლოს”  რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა
access_time2019-12-13 15:30:31
 კინოთეატრ „აპოლოს“ ფასადი რამდენიმე დღის წინ  ჩამოინგრა,  „კომერსანტი“ დაინტერესდა რა მდგომარეობაშია  ისტორიული შენობა-ნაგებობა და  გიორგი გეგელიას დაუკავშირდა, რომელიც  კინოთეატრ  „აპოლოს“ 100%-იანი წილის  მფლობელია და კომპანია „კონფიდენს გრუპის“ ხელმძღვანელია.  როგორც გეგელია  აღნიშნავს,  შენობის ფასადი  სიცოცხლისთვის საშიში არ არის, რადგან  დაზიანებული ფასადის დემონტაჟი...

„ლიბერთი ბანკის“ სამეთვალყურეო საბჭოში ცვლილებაა

„ლიბერთი ბანკის“ სამეთვალყურეო საბჭოში ცვლილებაა
access_time2019-12-13 13:17:09
„ლიბერთი ბანკის“ სამეთვალყურეო საბჭოში ცვლილებაა.აღნიშნულის შესახებ რეესტრში მონაცემები უკვე აისახა. კერძოდ, სს „ლიბერთი ბანკის“ აქციების 75%-ზე მეტის მფლობელი აქციონერი - „ჯორჯიან ფაინენშალ გრუპ ბი.ვის“ გადაწყვეტილებით, საბჭოს დატოვებს დავით შონია. როგორც რეესტრშია მითითებული, შონიამ წასვლის შესახებ კომპანიას თავად მიმართა. შეგახსენებთ, რომ დავით შონია ბანკის სამეთვალყურეო საბჭოს წევრის თანამდებობაზე 2017 წლის ოქტომბერში აირჩიეს....

WIZZ AIR აანონსებს WIZZ AIR ABU DHABI-ს დაარსების სამომავლო გეგმას

WIZZ AIR აანონსებს WIZZ AIR ABU DHABI-ს დაარსების სამომავლო გეგმას
access_time2019-12-13 09:10:25
Wizz Air-მა, ევროპის ყველაზე ეკო მეგობრულმა და წამყვანმა დაბალბიუჯეტიანმა ავიაკომპანიამ ცენტრალურსა და აღმოსავლეთ ევროპაში, დღეს დააანონსა, რომ აბუ-დაბის დეველოპმენტ ჰოლდინდგის კომპანია PJSC (“ADDH”)-თან პარტნიორობით დაარსდება Wizz Air  Abu Dhabi, არაბთა გაერთიანებული საამიროები. ახლადშექმნილი ავიკომპანია იქნება Wizz Air-ის პირველი ავიახაზი ევორპის...

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“
access_time2019-12-12 18:30:34
რადიო კომერსანტის გადაცემაში „ჩემი აუდიტორი“ „გრანთ თორნთონის“ მმართველმა პარტნიორმა ვახტანგ ცაბაძემ საფინანსო ბაზარზე არსებული ვითარება შეაჯამა. მისი თქმით, 2019 წელი აუდიტორული კომპანიებისთვის ზრდის წელი აღმოჩნდა, რაც ნაწილობრივ, ქვეყანაში ხელისუფლების მხრიდან განხორციელებული რეფორმების დამსახურებაა. „2018 წელთან შედარებით, 2019 წელს ბაზარი კიდევ უფრო გაიზარდა. 2018 წელს პირველად იყო,როცა პირველ და მეორე...

„ევექსის“ და იმედი L-ის მმართველი კომპანიის - GHG-ის აქციების ღირებულება ლონდონის ბირჟაზე განახევრდა

„ევექსის“ და იმედი L-ის მმართველი კომპანიის - GHG-ის აქციების ღირებულება ლონდონის ბირჟაზე განახევრდა
access_time2019-12-13 12:30:19
საქართველოს ჯანდაცვის ჯგუფის (GHG) აქციების ფასი ლონდონის საფონდო ბირჟაზე ეცემა. ბოლო 2 წელში ღირებულება განახევრდა. თუ 11/2017 ფასი იყო საშუალოდ 3.5 გირვანქა სტერლინგი იყო, 11/2019 -ისთვის 1.6 ფუნტ სტერლინგამდე (GBP) შემცირდა. გასულ კვირას, აქციები დაიხურა GBP1.62 -ით, კლებაა 1.67% (w.w), ოქტომბერთან შედარებით კი 10%-ით. ნავაჭრია 354 000 აქცია, GBP 1.60 – 1.68 დიაპაზონში. თვის საშუალო დღიური ვაჭრობის მოცულობაა - 78 000 აქცია. ჯგუფმა წლის პირველ 9 თვეში 703...


მსგავსი სიახლეები

up