ბელორუსში სადღეისოდ ფუნქციონირებს 70 მდე მცირე თუ დიდი ლოგისტიკური ცენტრი. საქართველოს სატრანსპორტო დერეფნის კვლევის ცენტრის პრეზიდენტი პაატა ცაგარეიშვილი ამბობს, რომ საქართველოს აქვს ყველა პირობა, მისი ლოგისტიკურად მომგებიანი მდებარეობა კონკრეტულ ფინანსურ სარგებელში, ეკონომიკურ შემოსავლებში გადათარგმნოს, თუმცა ამისთვის აუცილებელია ხელისუფლება დაინტერესებული იყოს ამ მიმართულების გაძლიერებაზე. ცაგრეიშვილი კი ამას ვერ ხედავს. ექსპერტი ამტკიცებს, რომ აუცილებელია, ბელორუსიის მსგავსად, შეიქმნას ლოგისტიკური ცენტრების განვითარების სახელმწიფო სტრატეგია, თუმცა ამას არაინ ჩქარობს. უფრო მეტიც არ არსებობს ოფიციალური მონაცემი, ჩამონათვალი, თუ რამდენი ასეთი ლოგისტიკური ცენტრია საქართველოში, ან რა კრიტერიუმებით ხდება ჩვენთან ლოგისტიკური ცენტრის სახელის მინიჭება?
რომელი სახელმწიფო უწყება მუშაობს ლოგისტიკური ცენტრების განვითარების სტრატეგიაზე? თუ არ გაგვაჩნია, კონცეფტუალური საერთო ხედვა, როგორ უნდა გახდეს საქართველო სატრანსპორტო ლოგისტიკური ჰაბი? - ამ რიტორიკულ კითხვებს სვამს ხელისუფლების მიმართულებით ექსპერტი და აპელირებს იმაზე, რომ სასწრაფოდ არის ჩამოსაყალიბებელი ლოგისტიკის სტრატეგია, წინააღმდეგ შემთხვევაში, ქვეყანა ხელიდან გაუშვებს რეგიონში ლოგისტიკურ ჰაბად ქცევის პერსპექტივას და მასთან ერთად დიდ ეკონომიკურ სარგებლელს.
ავტორი: ბელა გელაშილი