რისთვის სჭირდება გურჯაანის მერიას ყოჩივარდები და ნეონის სათვალე ?

რისთვის სჭირდება გურჯაანის მერიას ყოჩივარდები და ნეონის სათვალე ?

access_time2019-02-08 19:30:13

გურჯაანის მუნიციპალიტეტის მერიამ გამოაცხადა თითქმის 7 000 ლარის ღირებულების ელექტრონული ტენდერი, რომლის შედეგად, ადგილობრივი ბიუჯეტიდან უნდა შეიძინოს ყოჩივარდების 400 თაიგული, 100 ცალი ნეონის სათვალე, 10 ბოთლი „კოკა-კოლა“ და 10 ცალი შოკოლადის ფილა. სატენდერო ჩამონათვალშია ზეთი, მაკარონი, ბრინჯი, კარაქი, წიწიბურა, თაფლი და 2 კუბური მეტრი შეშაც. ცალკეა 30 ცალი თაიგული, რომელიც 50 სმ-ის სიმაღლის უნდა იყოს და შედგებოდეს ვარდების, მწვანე ფოთლებისა და მინდვრის ყვავილებისგან. სატენდერო დოკუმენტაციის მიხედვით, ეს ყველაფერი გურჯაანის მერიას სჭირდება 3 და 8 მარტს, დედის და ქალთა დღეების აღსანიშნავად. ამის შესახებ radiotavisupleba.ge წერს. 


მერიის კულტურის სამსახურის უფროსი ეკა ცისკარაშვილი გვეუბნება, რომ 3 მარტს, ყოჩივარდის 400, პატარა თაიგულს მუნიციპალიტეტის მერი არჩილ ხანდამაშვილი და მისი მოადგილე გურჯაანის ქუჩებში გამვლელ ქალებს დაურიგებენ და დედის დღეს მიულოცავენ. რაც შეეხება 8 მარტს, ამ დღეს დაგეგმილია კონცერტი და წარმატებული ქალებისთვის ვარდის და მინდვრის ყვავილების თაიგულის გადაცემა. ეკა ცისკარაშვილის განმარტებითვე, ტენდერით შესაძენ პროდუქტს 3 მარტს გადასცემენ მარტოხელა დედებს.



გურჯაანის მერს ყვავილების საკუთარი ხელფასით შეძენისკენ მოუწოდა საკრებულოს წევრმა „ნაციონალური მოძრაობიდან“ თემურ ბუწაშვილმა და ურჩია ქალებს 3 და 8 მარტი ახალი სამუშაო ადგილებით მიულოცოს. ბუწაშვილის თქმით, თუ გურჯაანის მუნიციპალიტეტის ბიუჯეტში ზედმეტი თანხაა, სოციალური პროგრამებისთვის უნდა დაიხარჯოს. ოპოზიციური პარტიის წევრი ხაზს უსვამს, რომ გურჯაანში წელიწადში ერთხელ დახმარების სახით მხოლოდ 50 ლარია გათვალისწინებული.




„არ შეიძლება გადასახადების გადამხდელების ფული ხარჯო იებსა და ენძელებში და შემდეგ კამერების წინ თქვა, რომ ყურადღებიანი ხარ“, - ამბობს თემურ ბუწაშვილი.

 

გურჯაანში გამოკითხული მოქალაქეების ნაწილი წელიწადში ერთხელ თაიგულის ჩუქებაში ცუდს და საგანგაშოს ვერაფერს ხედავს. ნაწილი ამბობს, რომ ეს ბიუჯეტის ფლანგვაა. ერთმა რესპონდენტმა კი ასეთი რამეც თქვა: „რადგან კუბოს არ ყიდულობენ, ყვავილები უკვე კარგია. ადრე რომელიღაც რაიონში ბიუჯეტის ფულით კუბოები იყიდეს.“


გურჯაანის მერია 8 მარტის ღონისძიებისთვის დაიქირავებს წამყვანსაც, რომელსაც ამ საქმეში მინიმუმ ორწლიანი გამოცდილება უნდა ჰქონდეს. გარდა ამისა, მოამზადებენ 10 ლიტრ გლინტვეინს, რომლისთვისაც სატენდერო დოკუმენტაციის მიხედვით შეიძენენ მუსკატის კაკალს, დაფნის ფოთოლს, დარიჩინს, მიხაკს, მანდარინს და შავ ღვინოს. ტენდერში მონაწილეობის მსურველებმა დოკუმენტები 12 თებერვლამდე უნდა წარადგინონ.




radiotavisupleba.ge






მამუკა ბახტაძე - ის დავალებები და ვადები, რომელიც შესასრულებელი ექნება ნათია თურნავას, არის ამბიციური და ძალიან მკაცრი

მამუკა ბახტაძე - ის დავალებები და ვადები, რომელიც შესასრულებელი ექნება ნათია თურნავას, არის ამბიციური და ძალიან მკაცრი
access_time2019-04-19 14:25:42
ის დავალებები და ვადები, რომელიც შესასრულებელი ექნება ნათია თურნავას თავის გუნდთან ერთად, არის ამბიციური და ძალიან მკაცრი. ნათიას აქვს ჩვენი სრული მხარდაჭერაც, - ამის შესახებ პრემიერ-მინისტრმა მამუკა ბახტაძემ ბრიფინგზე, ეკონომიკის ახალი მინისტრის წარდგენისას განაცხადა. პრემიერი დარწმუნებულია, რომ ნათია თურნავა წარმატებით გაართმევს თავს მასზე დაკისრებულ მოვალეობას. ამასთან, ბახტაძემ ხაზი გაუსვა იმას, რომ ეკონომიკის ახალ მინისტრს ქვეყანაში არსებული სოციალური მდგომარეობის...

რომან კაკულია ეკონომიკის მინისტრების ცვლილებაზე: არ გვაქვს მკაფიოდ ჩამოყალიბებული ეკონომიკური ხედვა

რომან კაკულია ეკონომიკის მინისტრების ცვლილებაზე: არ გვაქვს მკაფიოდ ჩამოყალიბებული ეკონომიკური ხედვა
access_time2019-04-19 14:00:10
9 თვის განმავლობაში ეკონომიკის მინისტრის თანამდებობაზე მუშაობის შემდეგ გიორგი ქობულია საქართველოს პრემიერ-მინისტრმა თანამდებობიდან გაათავისუფლა და მის ნაცვლად, გიორგი ქობალიასვე მოადგილე, ენერგეტიკის მიმართულებაში ნათია თურნავა დანიშნა. არსებული ინფორმაციით გიორგი ქობულიას თანამდებობიდან გადაყენების საკითხი რამდენიმე კვირის განმავლობაში განიხილებოდა, თუმცა ოფიციალურ მიზეზებზე პრემიერ-მინისტრის კაბინეტში განცხადება არ...

ვარკეთილში „ლიბერთი ბანკის“ ფილიალი დააყაჩაღეს, არიან დაშავებულები

ვარკეთილში „ლიბერთი ბანკის“ ფილიალი დააყაჩაღეს, არიან დაშავებულები
access_time2019-04-19 12:28:33
ვარკეთილში, მე-3 მიკრორაიონში, სუხიშვილის ქუჩაზე „ლიბერთი ბანკის“ ფილიალი დააყაჩაღეს. როგორც „ინტერპრესნიუსს“ შინაგან საქმეთა სამინისტროში განუცხადეს, შემთხვევის შედეგად, 1 ადამიანს თავის არეში აქვს დაზიანება მიღებული. ასევე ვრცელდება ინფორმაცია მეორე პირის დაშავების შესახებაც. შსს-ს ცნობით, დამნაშავეები ჯერ არ დაუკავებიათ. მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას...

აღმოაჩინეთ ინდური ალტერნატიული მედიცინა სასტუმრო Georgia Palace Hotel & Spa Kobulet-ში

აღმოაჩინეთ ინდური ალტერნატიული მედიცინა სასტუმრო Georgia Palace Hotel & Spa Kobulet-ში
access_time2019-04-19 13:00:19
სასტუმრო Georgia Palace Hotel & Spa Kobulet-ი ვიზიტორებს  ინდურ მასაჟებს სთავაზობს. როგორც ცნობილია, ინდური აიურვედას ცენტრი სასტუმროში ექსკლუზიურად ფუნქციონირებს 2010 წლიდან, რომელიც კომპლექსურად აერთიანებს როგორც სარელაქსაციო ასევე სამკურნალო მასაჟების ციკლს. რაც ყველაზე...

ინიშნება თუ არა მიხეილ დუნდუა ფინანსთა მინისტრად?

ინიშნება თუ არა მიხეილ დუნდუა ფინანსთა მინისტრად?
access_time2019-04-19 12:14:18
ფინანსთა მინისტრის მოადგილე მიხეილ დუნდუა BM.GE-სთან საუბრისას უარყოფს, რომ ის ფინანსთა მინისტრის თანამდებობაზე შეიძლება დაინიშნოს. რამდენიმე ხნის წინ მედიაში გავრცელებული ინფორმაციით, მიხელ დუნდუა, შესაძლოა, ფინანსთა მინისტრად დაინიშნოს. ის ჯერ „შემოსავლების სამსახურის“ უფროსად დაინიშნა. თუმცა ამ თანამდებობაზე მხოლოდ 1 თვის განმავლობაში იმყოფებოდა. ამ ხნის განმავლობაში მას მედიასთან კომენტარი არ გაუკეთებია, მეტიც, მის შესახებ ვრცელი ინფორმაცია „შემოსავლების სამსახურის“...


მსგავსი სიახლეები

up