რუსუილი მედიასაშუალება Ria novosti ონლაინ–გასართობ პლატფორმა Tik Tok–ზე პროპაგანდას აგრძელებს – ამის შესახებ ინფორმაციას ამერიკული Forbes აქვეყნებს, სადაც აღნიშნულია, რომ ერთი კვირის განმავლობაში, TikTok ზე მედიასაშუალებამ გამოაქვეყნა სამი პოსტი, რომელიც ცრუ ინფორმაციას შეიცავდა.

1. აშშ-ს სახელმწიფო დეპარტამენტის წარმომადგენლის, ვიქტორია ნულანდის სენატში მოსმენა გაახმოვანეს ისე, რომ უკრაინა მალავს ამერიკის მიერ დაფინანსებული ბიოლოგიური ომის პროექტებს, თუმცა ვიდეო სრულად სიცრუეა.

2. მეორე დეზინფორმაციული ვიდეო დაჭრილ მამაკაცს ეხება, რომელიც რუსული აქცენტით, თუმცა უკრაინულად ყვება, რომ მას უკრაინელები ესროდნენ და ტყვედაც აიყვანეს.

3.  მესამე ვიდეოში ნაჩვენებია ზაპორიჟიეს ატომური ელექტროსადგური, რომელიც რუსეთის ჯარმა ჩაიგდო ხელში და თითქოს აღმოაჩინეს, რომ იქ დიდი რაოდენობით იარაღი და საბრძოლო მასალა ინახება.

ეს და სხვა ვიდეოები 200 000-ზე მეტ გამომწერს გაუზიარა, რომლებმაც მხარი დაუჭირეს და მეტიც, სამ მილიონზე მეტმა მოიწონა მასალა, რაც იმას ნიშნავს, რომ მათ სჯერათ და მისაღებია გავრცელებული ვიდეოები. 

გაურკვეველია, რატომ აძლევს TikTok-ი RIA Novosti-ს მოსკოვის სათაო ოფისს, მსგავსი ტიპის დეზინფორმაციის გამოქვეყნების უფლებას მას შემდეგ, რაც კომპანიამ კვირას გამოაცხადა რუსული კონტენტის აკრძალვის შესახებ, რამაც რეალურად შეაჩერა სხვა სახელმწიფო მედია სააგენტოები, მათ შორის RT-ი, Sputnik-ი და NTV.