რეზონანსი - რესტორნებში ფასები საგრძნობლად გაძვირდა და ამის გამო კლიენტებიც თანდათან გაქრნენ

რეზონანსი - რესტორნებში ფასები საგრძნობლად გაძვირდა და ამის გამო კლიენტებიც თანდათან გაქრნენ

access_time2019-10-23 09:45:21

3 ლარით გაძვირებული საქონლის და 2-3 ლარით გაძვირებული ღორის ხორცი, გაუფასურებული ლარი და 20-25%-ით მომატებული ფასი იმპორტირებულ პროდუქციაზე - ამ ყველაფერმა რესტორნების გაძვირება და მომსახურების ამ სფეროში კლიენტების კლება გამოიწვია. თბილისური კვების ობიექტები უცხოელი სტუმრების იმედად არიან. როგორც მენეჯერები ამბობენ, ადგილობრივი მომხმარებელების მხრიდან პასიურობა შეინიშნება, რასაც ისინი ფინანსურ კრიზისს და გაზრდილ ფასებს უკავშირებენ. რესტორნის მეპატრონეები ამბობენ, რომ 2019 წელი რთული იყო, რადგან ზაფხულში ტურისტების სიმცირეც შეინიშნებოდა და ამ დანაკლისის შევსებას ისინი სადღესასწაულო დღეებში ვარაუდობენ.

 

ბოლო თვეების პოლიტიკურ-ეკონომიკურმა ძვრებმა ადგილობრივ ბაზარზე დიდი რყევა გამოიწვია, რასაც პროდუქტის გაძვირება მოჰყვა. საშუალოდ, საკვებ პროდუქტებზე 20-25 პროცენტიანი მატებაა. ეს ძალიან დიდი ცვლილებაა ბაზრისთვის და, ბუნებრივია, კვების დაწესებულებებისთვისაც. წამყვანი 5-6 მსხვილი მიმწოდებლის გარდა, კვების ობიექტების მეპატრონეები პროდუქციას გლეხებისგანაც ყიდულობენ. ფასები მათ პროდუქტზეც გაიზრდა. შესაბამისად, ერთი მხრივ, კურსის ცვლილება, მეორე მხრივ კი, სხვა პროდუქტების ფასის მატება გახდა სარესტორნო მომსახურების გაძვირების მიზეზი.

 

მაკო სახოკია „ლილეს“ მენეჯერია. იგი ადასტურებს, რომ რესტორანში საკვებზე ფასები ნამდვილად გაზრდილია, თუმცა არა კატასტროფულად. „მომსახურება გაძვირდა, შეძლებისდაგვარად ვეცადეთ ჩარჩოებს არ გავცდენოდით, მაგრამ ყველაფერი გაძვირებულია და იგივე ფასზე დარჩენა ვერ შევძელით, მიუხედავად იმისა, რომ ამის დიდი სურვილი და ინტერესი გვქონდა. ქვეყანაში რთული მდგომარეობაა ისედაც უჭირს ხალხს რესტორანში სიარული და გაძვირებულმა მომსახურებამ და საკვებმა საერთოდ შეამცირა ხალხის ნაკადი.

 

კრიზისია ჩვენთანაც ხორცს ხშირად ისე ვიღებთ, რომ თანხას მაშინვე ვერ ვიხდით და უამრავი მსგავსი პრობლემა გვაქვს დისტრიბუტორებთან. ჩვენი თანამშრომლებიც იგივე ხელფასზე დარჩენას არ აპირებენ და მათაც უნდა გავუზარდოთ ანაზღაურება, რადგან როგორც ყველასთვის ისე მათთვისაც გაძვირდა ცხოვრება.

 

თუ მდგომარეობა არ დასტაბილურდება საგრძნობლად შეთხელდება რესტორნების რაოდენობა თბილისში და არა მარტო აქ. ბაზარზე დარჩებიან მხოლოდ ქსელური რესტორნები, არადა საქართველოში ამ ბიზნესით უამრავი ადამიანია დაკავებული და ბევრი დაზარალდება. სახელმწიფომ უნდა გამოაკეთოს ჩვენი ქვეყნის ეკონომიკური მდგომარეობა, რომ ბიზნესს სექტორსაც არ შეექმნას პრობლემები~, - აღნიშნა „ბიზნეს-რეზონანსთან“ საუბრისას მაკო სახოკიამ.


 

ბარ-რესტორნებში მომსახურების გაძვირება, იმპორტირებულ და ადგილობრივ პროდუქტებზე ფასის ზრდას უკავშირდება. კვების ობიექტების უმრავლესობა კლიენტების კლებას უჩივის. ზოგიერთი რესტორანი, კლიენტების შენარჩუნების მიზნით, სტუმრებს უცვლელ ფასს სთავაზობს რაც ნიშნავს დაბალ ხარისხს ან წამგებიან ბიზნესს. რესტორნები, რომლებიც არ ადასტურებენ, რომ ფასები გაზრდილია ხაზს უსვამენ იმას, რომ ეს პროდუქტის ხარისხის ხარჯზე არ ხდება.

 

მომხმარებლები აღნიშნავენ, რომ რესტორნებმა ფასები მკვეთრად გაზარდეს და ეს სცილდება ყველანაირ ზღვარს. გივი სიბოშვილი ჰყვება, რომ რესტორნების ბიზნესში საკმაოდ კარგად ერკვევა, მაგრამ მკვეთრად გარზდილი ფასები გაუგებარია.

 

ქობულეთში ზაფხულობით საოჯახო ტიპის სამზარეულოს ვამუშავებ და ზუსტად ვიცი რისი ფასის მატება, რამდენად აისახება მზა პროდუქციაზე. ხარბები ვართ და როგორც კი ვნახავთ და გავიგებთ, რომ რაღაცის ფასმა მოიმატა, ყველაფერს ჩვენს სასიკეთოდ ვიყენებთ, რაც ძალიან ცუდი ფაქტია. 14%-ით კი გაიზრდა ხორცპროდუქტების ფასი, მაგრამ მენიუებს, რომ გადახედოთ და ფასები შეადაროთ გაგიჟდებით იმხელა სხვაობაა. გაღორდნენ და არ უნდათ ამის აღიარება, - აღნიშნა ბიზნეს-რეზონანსთან გივი სიბოშვილმა.

 

ახლა, კრიზისულ მომენტში, რესტორატორების აზრი ორადაა გაყოფილი. ერთი ნაწილი ფასს უმატებს და მეორე ამბობს, რომ ფასს არ მოუმატებს და ისე გაუძლებს ამ გამოწვევას.

 

იმ შემთხვევაში, თუკი ფასის მატება გარდაუვალია, რესტორნების მეპატრონეებს იმ მიმართულებითაც აქვთ საფიქრალი, რომ გაძვირებასთან ერთად მომსახურების ხარისხიც გაზარდონ. ეს იქნება ერთგვარი წახალისება იმ მომხმარებლისთვის, ვინც გაძვირების ფასის მიუხედავად, მაინც კონკრეტულ კვების ობიექტზე შეაჩერა არჩევანი.

 

რეზონანსი


თეგები:
რესტორნები



საქართველოში კორონავირუსით ინფიცირების 780 ახალი შემთხვევა დაფიქსირდა

საქართველოში კორონავირუსით ინფიცირების 780 ახალი შემთხვევა დაფიქსირდა
access_time2021-01-17 10:55:27
ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 780 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 805-ს. ბოლო 24 საათში ვირუსისგან გამოჯანმრთელდა 1 608 პირი, ხოლო ჯამში გამოჯანმრთელებულთა რაოდენობა გაიზარდა...

Kaveuli Parfum აბასთუმნის ტყის სურნელით გაჯერებული ქართული სუნამო

Kaveuli Parfum აბასთუმნის ტყის სურნელით გაჯერებული ქართული სუნამო
access_time2021-01-16 16:00:10
პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.     ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.     სუნამო იტალიაში, იტალიელი პარფიუმერის სახელოსნოში ისხმება და გავლილი...

ქართული ოცნების ახალი პოლიტსაბჭოს შემადგენლობა ცნობილია [სია]

ქართული ოცნების ახალი პოლიტსაბჭოს შემადგენლობა ცნობილია [სია]
access_time2021-01-16 14:44:25
ქართული ოცნების ყრილობაზე ახალი თავმჯდომარის გარდა, რომელიც ირაკლი კობახიძე გახდა, განახლებული პოლიტიკური საბჭო აირჩიეს. საბჭოს შემადგენლობა...

საქართველოში კორონავირუსით ინფიცირების 1236 ახალი შემთხვევა გამოვლინდა

საქართველოში კორონავირუსით ინფიცირების 1236 ახალი შემთხვევა გამოვლინდა
access_time2021-01-16 10:59:15
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 15 152 კვლევა ტესტით, მათ შორის 9 208 კვლევა ანტიგენის ტესტით და 5 944 PCR...

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო
access_time2021-01-17 11:20:28
ბიზნესმენი თემურ ჭყონია „ბიზნესპარტნიორთან“ ქვეყანაში მართვის იმ მეთოდებზე საუბრობს, რომლის დროსაც არ ხდება თანამედროვე ტექნოლოგიების გამოყენება.   „ჩვენმა სახელმწიფომ დეკლარირება გააკეთა და ამაში ვეთანხმები, რომ საქართველო კოვიდის დროს უფრო დაცული ქვეყანაა და ტექნოლოგიურად შესაძლებელია უცხოელებმა საქართველოდან იმუშაონ, აქედან მართონ თავიანთი კომპანიები. ამას მოჰყვა განცხადებები, რომ მთავრობა საერთაშორისო IT კომპანიების საქართველოში შემოსვლას ხელს შეუწყობს. ეს ყველაფერი...


მსგავსი სიახლეები

up