რეზონანსი - მგზავრობა კიდევ გაძვირდება, კომპანიები და მძღოლები წაგების ზღვარზე მუშაობენ

რეზონანსი - მგზავრობა კიდევ გაძვირდება, კომპანიები და მძღოლები წაგების ზღვარზე მუშაობენ

access_time2019-09-06 20:00:21

ლარის კურსის გაუფასურების გამო, შიდა საქალაქო და საქალაქთაშორისო ტრანსპორტის ფასის გაზრდა გარდაუვალია. ამის მიზეზი კი იმპორტირებული საწვავია, რომლის ღირებულებაც ლარის კურსის გაუფასურების პარალელურად იზრდება. სფეროს წარმომადგენლები და სპეციალისტები მგზავრობის ტარიფების კიდევ უფრო მატებას ვარაუდობენ, თუკი ვითარება მყისიერად არ გამოსწორდა.

 

მიუხედავად იმისა, რომ საერთაშორისო ბირჟებზე ნავთობის ფასი დაბალ ნიშნულზე დასტაბილურდა, ამას ასახვა ქართულ ბაზარზე არ ჰქონია, რადგან 20 ივნისის მოვლენების შემდეგ ლარი დოლართან მიმართებით, 27 თეთრითაა გაუფსურებული და უკუპროცესი არ დაწყებულა. დამიამედებელ პროგნოზს ვერც მთავრობა და ეროვნული ბანკი აკეთებენ.

 

აფბა-ს ვიცე-პრეზიდენტი პაატა ბაირახტარი „რეზონანსთან“ იმ მიზეზებზე საუბრობს, რასაც საწვავის ფასის გაზრდაზე ზეგავლენის მოხდენა შეუძლია. მოცემულ სიტუაციაში წარმოუდგენელია ამ მასშტაბის გაუფასურებამ არ იქონიoს გავლენა ფასების საერთო დონეზე.

 

„ჩვენ ორი მთავარი ფაქტორი გვაქვს, რასაც საწვავის ფასზე ზეგავლენის მოხდენა შეუძლია. პირველი - ეს არის გლობალურ ბაზრებზე მიმდინარე პროცესები და მეორე - ვალუტის კურსი. თუ რომელიმე პარამეტრი მნიშვნელოვნად შეიცვლება, ორი აზრი არ არის საწვავის ფასიც უნდა დაკორექტირდეს.

 

გაძვირება ეს არის მომენტი, როდესაც არც ერთი კომპანია ამაზე უარს ვერ იტყვის, რადგან თუ კურსი მნიშვნელოვნად გაიქცა, მაშინ შეუძლებელია ძველ ფასით პროდუქტის გაყიდვა. წლის დასაწყისიდან 27 პუნქტით, ლარის გაუფასურება დანამდვილებით ნიშნავს, რომ იმპორტირებული პროდუქცია აუცილებლად გაძვირდება - იქნება ეს საწვავი, თუ საკვები. შემომტან კომპანიებს სულ უფრო მეტის გადახდა უწევთ, ისინი ვაჭრობენ დოლარში. ეს კი ნიშნავს ფასების დონის ზრდას.

 

ჩავხედავთ გუშინ გამოქვეყნებულ, მართალია შელამაზებულ, მაგრამ მაინც, ინფლაციის მაჩვენებელს დავინახავთ, რომ ყველაფერზე, მათ შორის ტრანსპორტის მომსახურებაზე, ფასი არის გაზრდილი. ეს მომდინარეობს სწორედ იმ წნეხიდან, რომელსაც იწვევს გაცვლითი კურსი ფასების საერთო დონეზე. ჩვენი ტიპის ქვეყანაში შეუძლებელია, სხვანაირად მოხდეს, რადგან სამომხმარებლო კალათა 70%-ით არის დამოკიდებული იმპორტირებულ პროდუქტზე. ასეთ რეალობაში წარმოუდგენელია ამ მასშტაბის გაუფასურებამ არ იქონიას გავლენა ფასების საერთო დონეზე, ეს არის აბსურდი. არაერთმა ჩინოვნიკმა გააკეთა განცხადება, რომ მნიშვნელოვანი წნეხი ფასებზე არ იქნება, ეს, უბრალოდ, ტყუილია. შეუძლებელია, ასეთ დევალვაციას არ ჰქონდეს მკვეთრად ნეგატური ზეგავლენა.

 

გეტყვით იმასაც, რომ მაკროეკომონიკური პარამეტრებიდან გამომდინარე ვერავინ განმარტავს თუ რატომ უნდა იყოს კურსი დღეს 2.95-ზე. ეკომონიკურად ამის ახსნა შეუძლებელია. რჩება ერთადერთი ვარიანტი, ეს არის ეროვნული ბანკის არასწორი მონეტარული პოლიტიკის დამსახურება. ამის უამრავი მაგალითის მოყვანა შემიძლია, რომელიც არა მხოლოდ არასწორი, დანაშაულებრივიც კია“, - ამბობს „რეზონანსთან პაატა ბაირახტარი.

 

ფასის მატება რომ გარდაუვალია, პირად საუბრებში კერძო მძღოლებიც და კომპანიებიც ადასტურებენ, საჯაროდ ამ პოზიციის დაფიქსირებას კი ნაწილი ერიდება, რადგან მოსახლოებას დაბალი გადახდისუნარუიანობა აქვს და ჯერ კიდევ თავს იკავებენ ხისტი ნაბიჯისაგან. მიუხედავად იმისა, რომ ფასი მომსახურებასა და ყველა პროდუქტზეც უკვე გაზრდილია, ტრანსპორტის გარდა.

 

ორთაჭალის ავტოვაგზლის კოპანიის წარმომადგენელი ტრისტან სულაძე აცხადებს, რომ იმ შემთხვევაში თუკი ლარმა გაუფასურება განაგრძო და 3,0-ის ნიშნულს ასცდა, საქალაქთაშორისო ტრანსპორტზე მგზავრობის ღირებულების ზრდა გარდაუვალი იქნება.

 

„ჯერჯერობით ვერ ვაძვირებთ, რადგან დიდი კონკურენციაა. ლარმა თუ კვლავ გაუფასურება განაგრძო, რაღა თქმა უნდა, მოხდება გადასახადის მატება. დოლარი თუ 3.0-ს ასცდა, ამაზე ფიქრს დავიწყებთ და ალბათ თითოეულ მიმართულებას მინიმუმ ერთი ლარი მოემატება“, - აცხადებს „რეზონანსთან“ სულაძე.

 

ქუთაისი-თბილისი-ქუთაისის მიმართულებით მომუშავე კერძო ავტომობილის მძღოლი, მამია ბერუკაშვილი კი ამბობს, რომ საწვავის ამჟამინდელი ფასის გამო ინერციით მუშაობენ და უკეთესი მომავლის იმედით არ წყვეტენ საქმიანობას.

 

ბოლო დროს საწვავიც და სხვა ყველაფერიც ისე გაძვირდა, მე და სხვა კერძო ტაქსის მძღოლები როცა ვლაპარაკობთ, სულ ერთიდაიგივე დასკვნამდე მივდივართ - ბოლო 3-4 თვეა, უბრალოდ, თავს ინახავს ჩვენი ტრანსპორტი, თორემ არც მოგება გვაქვს და არც წაგება. მომავალში ან უნდა გავაძვიროთ, ან სახლებში წავიდეთ და სხვა საქმე ვიპოვოთ, ეს არის დღევანდელი სინამდვილე.

 

სადღესასწაულო დღეებში ბილეთის ფასი ცოტა გავზარდეთ სულ რამდენიმე დღით და ისეთი ამბავი მოჰყვა, გეგონება მარტო ხალხს უძვირდება ცხოვრება და ჩვენ არა“, - უთხრა რეზონანს ბერუკაშვილმა.

 

resonancedaily





საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...

ოთარ ნადარაია - „ჰეჯირების შემთხვევაში მთავრობამ და ეროვნულმა ბანკმა მეტისმეტი სავალუტო რისკი არ უნდა აიღოს“

ოთარ ნადარაია - „ჰეჯირების შემთხვევაში მთავრობამ და ეროვნულმა ბანკმა მეტისმეტი სავალუტო რისკი არ უნდა აიღოს“
access_time2020-04-08 10:00:12
COVID19-ის მიერ გამოწვეული ეკონომიკური შოკები მძიმედ აისახება ლარის კურსზე, რომელიც წლის დასაწყისიდან ინარჩუნებდა პოზიციებს დოლართან მიმართებაში, თუმცა მარტიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. ნეგატიური მოლოდინების ჩასაქრობად და ლარის გასამყარებლად ეროვნულმა ბანკმა $100 მლნ-ის ინტერვენცია განახორციელა, რამაც სხვა ფაქტორებთან ერთად, გამოიწვია ლარის კურსის მცირედი გამყარების...


მსგავსი სიახლეები

up