Reuters-ი მსოფლიოში 100 ყველაზე ინოვაციური უნივერსიტეტის სიას აქვეყნებს

Reuters-ი მსოფლიოში 100 ყველაზე ინოვაციური უნივერსიტეტის სიას აქვეყნებს

access_time2018-10-11 20:26:43

საერთაშორის საინფორმაციო სააგენტო Reuters-მა მსოფლიოში 100 ყველაზე ინოვაციური უნივერსიტეტის სია გამოაქვეყნა,


რეიტინგში უკვე მეოთხე წელია ლიდერია სტენფორდის უნივერსიტეტი (აშშ), რომელიც გამოირჩევა პატენტებისა და კვლევების რაოდენობით. სტენფორდის უნივერსიტეტის უახლეს კვლევებში ჭარბობს ხელოვნური ინტელექტის სფეროში მიღწევები. მათ შორის ელექტრონული ინჟინერიის დეპარტამენტის მიერ შემუშავებული მომავალი თაობის ჭკვიანი კამერები, რომელთა გამოყენებაც შესაძლებელი იქნება უპილოტოდ მოძრავი ავტომობილებისთვის, ასევე სამედიცინო ტექნიკაში.


ამავე უნივერსიტეტის კომპიუტერულ მეცნიერებათა დეპარტამენტმა კი, შეიმუშავა ხელოვნური ინტელექტის სისტემა Decagon, რომელსაც შეუძლია სხვადასხვა მედიკამენტების ერთმანეთთან ურთიერთქმედების წინასწარი პროგნოზირება, ვიდრე მათი გამოცდა ადამიანებზე ჩატარდება.


ინოვაციური უნივერსიტეტების შეფასება რამდენიმე კრიტერიუმით ხდება. მათ შორის იმ პარამეტრებით, თუ რას აკეთებს უნივერსიტეტი მეცნიერების განვითარებისთვის, ახალი ტექნოლოგიების გამოგონებისა და ახალი ბაზრებისა და ინდუსტრიების გასაძლიერებლად.


საუკეთესო უნივერსიტეტების ასეულში 15 ქვეყნის უმაღლესი სასწავლებელი მოხვდა. მათი უმეტესობა, 100-დან 46 აშშ-ში მდებარეობს.


რეიტინგში მეორე ადგილს, მასაჩუსეტსის ტექნოლოგიების ინსტიტუტი იკავებს, მესამეზე კი ჰარვარდის უნივერსიტეტია.



ათეულში მე-7 ადგილზე მოხვდა ბელგიის კუ ლუვენის უნივერსიტეტი, რომლის მექატრონიკის, ბიოსტატისტიკისა და სენსორების დეპარტამენტი მუშაობს „ლაბორატორია ჩიპზე”, რომელიც სისხლის ერთი წვეთის საშუალებით, ადვილად და ზუსტად ადგენს დაავადების დიაგნოზს. მოწყობილობა პლასტიკატის თხელ ფირფიტას წარმოადგენს, რომელიც კანზე ეკრობა და შეუძლია ისეთი ვირუსის ამოცნობა, როგორიცაა HIV.

ათეულში ასევე შედის ლონდონის იმპერიალ კოლეჯი. მკვლევარებმა ცოტა ხნის წინ ერთ-ერთ ფარმაცევტულ კომპანიასთან გააფორმეს პარტნიორობა, რათა დატესტონ მედიკამენტი, რომელიც რეზისტენტული ძუძუს კიბოს დასამარცხებლად და გარკვეული ტიპის ინსულტის წინააღმდეგ იქნება გამოყენებული.


Reuters -ი ყურადღებას ამახვილებს მანჩესტერის უნივერსიტეტზე, რომელიც რეიტინგში წინა წლისგან განსხვავებით 27 პუნქტით დაწინაურდა და ამჟამად 53-ე ადგილს იკავებს. მიღწევა გრაფენინის გარშემო კვლევის დამსახურებაა, რომელიც ერთ-ერთ ყველაზე გამძლე და ამავდროულად მსუბუქ, დრეკად მასალად მოიაზრება. გრაფენინი შესაძლოა, მომავალი ტექნოლოგიების ერთ-ერთი მნიშვნელოვანი შემადგენელი ნაწილი გახდეს როგორც ელექტრონიკის, ასევე ენერგეტიკის, ტრანსპორტირების და მრეწველობის სხვადასხვა სფეროში.


რეიტინგში, მრავლად არის წარმოდგენილი აზიური უნივერსიტეტები. მათ შორის ჩინეთიდან, სადაც ინოვაციების დანერგვა-გამოგონებას წახალისებას გარკვეულწილად ხელისუფლებაც უკეთებს.


წარმატებული უნივერსიტეტების რაოდენობის მიხედვით, მეორე ადგილს გერმანია და იაპონია ინაწილებენ ცხრა-ცხრა უმაღლესი სასწავლებლით. სამხრეთ კორეა რეიტინგში 8 საუკეთესო უნივერსიტეტით არის წარმოდგენილი. ჩინეთი, საფრანგეთი და გაერთიანებული სამეფო 5. შვეიცარია -3; ბელგია, კანადა , ისრაელი და ჰოლანდია – 2; სინგაპურიდან და დანიიდან – 1.


მოსფლიოს ყველაზე ინოვაციური უნივერსიტეტების პირველ ათეულში შედის: 1.სტენფორდის უნივერსიტეტი (აშშ), 2. მასაჩუსეთსის ტექნოლოგიების ინსტიტუტი (აშშ), 3. ჰარვარდის უნივერსიტეტი (აშშ), 4. პენსილვანიის უნივერსიტეტი (აშშ), 5. ვაშინგტონის უნივერსიტეტი (აშშ), 6. ტეხასის უნივერსიტეტი (აშშ), 7. კუ ლუვენი (ბელგია), 8. ლონდონის იმპერიალ კოლეჯი, 9. ჩრდილოეთ კაროლინის უნივერსიტეტი (აშშ), 10. ვანდერბილთის უნივერსიტეტი (აშშ).



1tv.ge







საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up