აშშ-მ შესაძლოა რუსეთის წინაამღდეგ ახალი სანქციები შემოიღოს იმ შემთხვევაში, თუ მოსკოვი ალექსანდრ ლუკაშენკოს რეჟიმის დაცვისთვის ძალას გამოიყენებს - იტყობინება Reuters-ი აშშ-ს სახელმწიფო დეპარტამენტიდან ანონიმურ წყაროზე დაყრდნობით.
წყარომ განაცხადა, რომ ამის თაობაზე რუსეთის საგარეო საქმეთა მინისტრი სერგეი ლავროვი სახელმწიფო მდივნის მოადგილემ სტივენ ბიგანმა გააფრთხილა.
ჩინოვნიკის თქმით, ბიგანმა მინისტრს განუცხადა, რომ იმ შემთხვევაში თუ მოსკოვი ძალისმიერი მეთოდებით ბელორუსიაში შექმნილ სიტუაციაში ჩაერევა, ეს რუსულ-ამერიკულ ურთიერთობებზე აუცილებლად აისახება.
თუმცა, ჯერ ეს მხოლოდ გაფრთხილებაა და ამ ეტაპზე უწყება სანქციების მხოლოდ ბელორუსიის იმ მოქალაქეების წინაამღდეგ ამზადებს, ვინც ქვეყანაში საპრეზიდენტო არჩევნების გაყალბებასთანაა დაკავშირებული.
სანქციები შესაძლებელია შემოღებულ იქნას 7 ბელორუსის წინაამღდეგ.
„ეს არა მხოლოდ იმისთვის კეთდება, რომ ამ ადამიანების სახელები გასაჯაროვდეს, არამედ იმისთვისაც, რომ ყველამ დაინახოს - ისინი, ვინც არჩევნებს აყალბებს და მშვიდობიანი დემონსტრანტების წინაამღდეგ ძალას იყენებს, პასუხს აგებენ“ - განაცხადა მაღალჩინოსანმა.
ინფორმაციაზე კომენტარი რუსეთის საგარეო საქმეთა მინისტრის მოადგილემ გააკეთა - მისი თქმით, მოსკოვი და მინსკი ერთმანეთთან ურთიერთობებს ვაშინგტონის ჩარევის გარეშეც გაარკვევენ.
ამ დროისთვის სანქციები ბელორუსი მაღალჩინოსნების წინაამღდეგ მხოლოდ ლატვიამ, ლიტვამ და ესტონეთმა შემოიღეს.
სიაში 29 ადამიანი მოხვდა, მათ შორის თავად პრეზიდენტი, და მისი შვილი ვიქტორი, რომელიც ქვეყნის უშიშროების საბჭოს წევრია.
reuters.com
მოამზადა თენგიზ აბლოთიამ