„რესტორნების ნაწილი, მიუხედავად იმისა, რომ სუბსიდრებაში მოხვდება, შეიძლება, აღარც კი ოპერირებდეს“

„რესტორნების ნაწილი, მიუხედავად იმისა, რომ სუბსიდრებაში მოხვდება, შეიძლება, აღარც კი ოპერირებდეს“

access_time2021-02-09 20:00:00

„ეს გარკვეულწილად დაგვიანებული პროცესია, რადგან რესტორნების ნაწილი, მიუხედავად იმისა, რომ სუბსიდირებაში მოხვდება, შეიძლება აღარც კი ოპერირებდეს და ვერ გააგრძელოს ფუნქციონირება ბაზარზე“, - ამის შესახებ რესტორატორთა ასოციაციის ვიცე-პრეზიდენმა შოთა ბურჯანაძემ „ბიზნესპრესნიუსთან“ საუბრისას განაცხადა.



აღნიშნულით ის მთავრობის მიერ ამოქმდებულ დახმარების ახალ პაკეტს გამოეხმაურა, რომლის მიხედვითაც, რამდენიმე სექტორს შორის, ბიზნეს სესხები რესტორნებსაც დაუსუბსიდირდება.



შოთა ბურჯანაძე იმედოვნებს, რომ პროგრამით სარგებლობას ბევრი ობიექტი შეძლებს, რაც მათთვის დიდი შეღავათი იქნება.



„პროგრამის პირველი ეტაპი დაიწყო დეკემბერში, მოიცავს 240 მლნ ლარის ოდენობის საბანკო სესხების პორტფელს და 6 თვის განმავლობაში, 30 მლნ ლარით უნდა დასუბსიდირდეს სესხის პროცენტის 80%. პირველ ეტაპზე განხორციელდა დაახლოებით, 420 რესტორნის სესხის სუბსიდირება, რომელიც 5,5 მლნ ლარს მოიცავდა. აქ იყო განსაზღვრული მოთხოვნები და დაკმაყოფილდა რესტორნების მხოლოდ მცირე ნაწილი. მეორე ეტაპი 8 თებერვალს დაიწყო და დაახლოებით, 1 თვის განმავლობაში იქნება განაცხადების მიღება. ამ შემთხვევაში არა მარტო კომერციული ბანკების სესხები დასუბსიდირდება, არამედ მიკროსაფინანსოებისაც და შედარებით გამარტივებულია ის მოთხოვნები, რაც პირველ ეტაპზე იყო. შესაბამისად, გავრცელდება უფრო ფართო სპექტრზე. რა თქმა უნდა, ეს დამატებით შეღავათად შეიძლება ჩაითვალოს სახელმწიფოს მხრიდან, „აწარმოე საქრთველოს პროგრამის“ ფარგლებში. მთლიანად სფეროს რამდენად დაეხმარება, რთული სათქმელია, მაგრამ რეალურად, იმ ადამიანებისთვის, ვისაც პროგრამა შეეხება, ნამდვილად იქნება შეღავთი.



შეიძლება ითქვას, რომ ეს გარკვეულწილად დაგვიანებული პროცესია, რადგან რესტორნების ნაწილი, მიუხედავად იმისა, რომ სუბსიდირებაში მოხვდება, შეიძლება აღარც კი ოპერირებდეს და ვერ გააგრძელოს ფუნქციონირება ბაზარზე. საწყენი იქნება, თუ ასეთი რესტორნები იქნება ბევრი, იქიდან გამომდინარე, რომ დახმარება უკვე გაშვებულია და ბიზნესის ეს ნაწილი მაინც ვერ გადარჩება“,- ამბობს შოთა ბურჯანაძე.




ცნობისთვის, ეკონომიკისა და მდგრადი განვითარების სამინისტროს სააგენტო „აწარმოე საქართველოში“ მეორე ნაკადზე განაცხადების მიღება „თანადაფინანსების მექანიზმი სარესტორნო ინდუსტრიის ხელშეწყობისათვის“ პროგრამის ფარგლებში 8 თებერვლიდან 5 მარტის ჩათვლით გაგრძელდება.



პროგრამა მოიცავს სამ კომპონენტს:



სესხის თანადაფინანსების კომპონენტი
სალიზინგო პროექტის თანადაფინანსების კომპონენტი
მიკრო სესხის თანადაფინანსების კომპონენტი



აღნიშნული მექანიზმის ფარგლებში, სააგენტო „აწარმოე საქართველოში“ განახორციელებს, 2020 წლის 1 დეკემბრის მდგომარეობით, მეწარმე სუბიექტის სესხის/ლიზინგის საგნის /მიკრო სესხის ძირის ნაშთზე მომდევნო 6 თვის მანძილზე დარიცხული საპროცენტო სარგებლის თანადაფინანსებას, რომელიც დაითვლება ამ სესხზე/ლიზინგის საგანზე /მიკრო სესხზე 1 დეკემბრის მდგომარეობით არსებული საპროცენტო განაკვეთის გამოყენებით.



არაუმეტეს 80 %-ის ოდენობით, ეროვნულ ვალუტაში გაცემული სესხის შემთხვევაში;



არაუმეტეს 70 %-ის ოდენობით, უცხოურ ვალუტაში (მხოლოდ დოლარი, ევრო) გაცემული სესხის შემთხვევაში.


BPN.GE










მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up