რესტორნები იაფი ნედლეულით მარაგდება

რესტორნები იაფი ნედლეულით მარაგდება

person access_time2016-07-08 15:22:59

საკვებით მოწამვლის შემთხვევები ძალიან გახშირდა. როგორც გაზეთი "რეზონანსი" წერს, რისკის ქვეშ რესტორნების კლიენტებიც არიან. მარტო ივნისში თბილისსა და რეგიონებში მდებარე მსხვილ სარესტორნო ქსელებში მასობრივი ინტოქსიკაციის 3 შემთხვევა დაფიქსირდა. სპეციალისტების ინფორმაციით, გაუხმაურებელი ფაქტები შეიძლება ბევრად მეტიც იყოს. მათი ვარაუდით, რესტორნები შესაძლოა, იაფად შეძენილი პროდუქტებით მარაგდებოდეს.

სურსათის ეროვნულ სააგენტოში აცხადებენ, რომ ზაფხულის სეზონთან დაკავშირებით კონტროლი გაამკაცრეს როგორც მთავარ მაგისტრალებზე, ასევე ტურისტულ რეგიონებში. მასობრივად მოწმდება საზოგადოებრივი და სწრაფი კვების ობიექტები.

სურსათის ეროვნული სააგენტო მოსახლეობას მოუწოდებს, თავი შეიკავოს სურსათის შეძენისაგან ისეთ ადგილებში, სადაც არ არის დაცული შენახვისა და რეალიზაციის სათანადო პირობები. სააგენტოს ხელმძღვანელ ზურაბ ჩეკურიშვილის ინფორმაციით, ინტენსიურად მოწმდება სურსათის უვნებლობა და ობიექტის სანიტარულ-ჰიგიენური მდგომარეობა. მისი თქმით, მომხმარებელმა სურსათის შეძენისას ყურადღება უნდა გაამახვილოს შენახვისა და რეალიზაციის პირობებზე და აქტიურად ითანამშრომლოს სურსათის ეროვნულ სააგენტოსთან, რათა დარღვევის არც ერთი შემთხვევა არ დარჩეს რეაგირების გარეშე.

"კვების ობიექტების შემოწმებასთან ერთად, ხდება თავად ბიზნესოპერატორების ინფორმირებაც სანიტარულ-ჰიგიენურ ნორმებსა და სურსათის უვნებლობის სტანდარტებთან დაკავშირებით. სამწუხაროდ, არის დარღვევები და სააგენტოს რეაგირებაც არის ოპერატიული.

ბოლო დროს გამოვლინდა რამდენიმე შემთხვევა, ზოგ შემთხვევაში ჯარიმაც დაეკისრა ობიექტს, ზოგიერთ შემთხვევაში კი ლაბორატორიული კვლევის პროცესი მიმდინარეობს. საზოგადოებას პერიოდულად ვაწვდით ინფორმაციას განხორციელებული ღონისძიებების შესახებ. ტურისტულ სეზონთან დაკავშირებით მომხმარებლის რაოდენობა ავტომაგისტრალებზე საკმაოდ მაღალია. ამიტომ გზაზე მდებარე კვების ობიექტებში, შემოწმების პროცესი გააქტიურდა", - აცხადებს ჩეკურიშვილი.

სპეციალისტების ვარაუდით, არ არის გამორიცხული, რესტორნები გარე ვაჭრობაზე ნაყიდი სურსათით მარაგდებოდეს, რაც ადამიანებს სერიოზულ საფრთხეს უქმნის.

არასამთავრობო ორგანიზაცია "ეტიკის" ხელმძღვანელი ამირან შენგელია მიიჩნევს, რომ სარესტორნო ბიზნესი განსაკუთრებით უნდა კონტროლდებოდეს იმისდა მიუხედავად, რესტორანი ხუთვარსკვლავიანია თუ დაბალი კატეგორიისა.

"რესტორნების უმეტეს ნაწილში, ელემენტარულად, ჰიგიენის წესები არ არის დაცული. ცხადია, რომ ამ დაწესებულებებში ძვირიან პროდუქტს თითქმის არავინ ყიდულობს, ცდილობენ, ეკონომია გასწიონ და გარე მოვაჭრეებისგანაც არ ერიდებიან სურსათის შეძენას. ამას მასობრივი ინტოქსიკაციების სიხშირეც მოწმობს. სურსათის უვნებლობის სამსახური რესტორნებს რეგულარულად უნდა ამოწმებდეს. მესმის, რომ კონტროლი მიმდინარეობს, მაგრამ არასაკმარისია.

ხშირად უმაღლესი დონის რესტორნებში ისეთ პროდუქტს გვთავაზობენ, რომელიც ამ კატეგორიის დაწესებულებაში არ უნდა იყიდებოდეს. მომხმარებელი აბსოლუტურად დაუცველია, მაგრამ არავინ ჩივის. ბევრი შემთხვევა არც ხმაურდება, თუ მასობრივ ინტოქსიკაციას არ აქვს ადგილი.

წარმოდგენაც ზედმეტია იმ პირობებზე, რაც გარე ვაჭრობებზეა. საღამოობით რომ გაიაროთ ასეთ ტერიტორიებზე, ნაგავსაყრელს მოგაგონებთ. ამიტომ არ უნდა გვიკვირდეს, რომ ასეთ ადგილებში ნაყიდი პროდუქტი მომხმარებელს საფრთხეს უქმნის", - აცხადებს შენგელია.


სპეციალისტების შეფასებით, საშიშია ყველა პროდუქტი, რომელიც უხარისხოდ და სტანდარტების გაუთვალისწინებლად მზადდება. ამიტომ საფრთხე ყველა მიმართულებითაა. სურსათის სფეროს სპეციალისტი, "მომხმარებელი.გე"-ს წარმომადგენელი ეთერ სარჯველაძე არსებულ საფრთხეს ხშირად შენახვის პირობებისა და ვადების დაუცველობას უკავშირებს. მისი თქმით, მომხმარებელი ფრთხილი უნდა იყოს როგორც გარე ვაჭრობაზე პროდუქტის შეძენისას, ასევე კვების ობიექტებშიც, სადაც შეიძლება ვადაგასული საკვები იყიდებოდეს.

"ზაფხულში ძალიან მალე ფუჭდება პროდუქტი. ამ მხრივ რესტორნებიც სცოდავენ და ამ ფაქტს ვერ გავექცევით. შეიძლება, ჩაბრუნებულ პროდუქტს ყიდიან, არ იცავენ შესაბამის ტემპერატურას ან შეიძინეს უკვე გაფუჭებული საკვები. მიზეზი შეიძლება სხვადასხვა იყოს, დადასტურებული ოფიციალური მონაცემები არ მოგვეპოვება, რის გამოც ინტოქსიკაციის გამომწვევ მიზეზებზე ვერ ვისაუბრებ.

უკვე მეათასედ ვიმეორებ, რომ შუა ზაფხულში ქუჩაში პროდუქტს ნუ იყიდიან! ხილი და ბოსტნეული ამ მხრივ ნაკლებ რისკს შეიცავს, მაგრამ ხორცეულისა და რძის პროდუქტების ყიდვას უნდა მოერიდონ. ახლა არის კოლიბაქტერიების "აყვავების პერიოდი", რომელიც სიბინძურისგან მოდის. ყველაზე დიდი რისკი ამ სეზონზეა. ტენიანობაც მაღალია და ყველა პირობაა იმისთვის, რომ მიკროორგანიზმები სწრაფად განვითარდნენ. შეიძლება, ეს პათოგენურ მიკრობებსაც შეეხოს, რომლებიც ორგანიზმისთვის განსაკუთრებით საშიშია", - განმარტავს სარჯველაძე.

მისი თქმით, ნებისმიერი პროდუქტის რეალიზაციისას აღმოჩენილ დარღვევებზე თანაბრად არიან პასუხისმგებელი მეწარმე და რეალიზატორი.



13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...

ეროვნულ ბანკს კონკურენციის შესახებ კანონის აღსრულება დაევალება

ეროვნულ ბანკს კონკურენციის შესახებ კანონის აღსრულება დაევალება
access_time2020-09-23 09:50:04
საქართველოს ეროვნული ბანკის შესახებ საქართველოს ორგანულ კანონში შესული ცვლილებების თანახმად, ეროვნულ ბანკს კონკურენციის შესახებ კანონის აღსრულება დაევალა. ცვლილებები ძალაში 4 ნოემბრიდან შევა და შეავსებს იმ ვაკუუმს რაც კანონის აღსრულების კუთხით იდგა ბანკებისა და მიკროსაფინანსო ორგანიზაციების მიმართ.   ორგანულ კანონში ცვლილებებს წლებია ითხოვს სადაზღევევო სექტორი, რომელმაც ბანკების მხირდან კონკურენციის შესახებ კანონის დარღვევა არაერთხელ საჯაროდ...

ქართული კომპანიების ფინანსური მონაცემები ერთ სივრცეში

ქართული კომპანიების ფინანსური მონაცემები  ერთ სივრცეში
access_time2020-09-23 09:50:26
Bihub.ge-ზე უკვე შესაძლებელია საქართველოს ეკონომიკის მამოძრავებელი აქტიური კომპანიების ფინანსური მონაცემების ერთიან სივრცეში ნახვა. ინტერაქტიულ დეშბორდზე ნახავთ I, II, III და IV კატეგორიაში შემავალი ბიზნესებისა და სდპ პირების ფინანსური შედეგების ანალიტიკას.   3000-ზე  მეტი I-III კატეგორიის კომპანიის დეტალური ინდივიდუალური (კონსოლიდირებული) ფინანსური ანგარიშგებები. სულ რამდენიმე კლიკით შესაძლებელია გაიგოთ, თუ როგორაა 25000-ზე მეტი კომპანია,...

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო
access_time2020-09-23 09:30:08
„ვარდისფერი ბუღა“, „ბუღა ტონიკი“ და „ბუღა ველნესი 0 კალორია“ ქართულ ბაზარზე სს „წყალი მარგებელმა“ ბუღას ბრენდით, სამი ახალი პროდუქტის წარმოება დაიწყო.   კომპანიის პორტფელში, ერთ-ერთი ყველაზე მოთხოვნად პროდუქტს, ქართულ ენერგეტიკულ სასმელ, „ბუღას“, 2020 წლის სექტემბრიდან ორი ახალი ენერგეტიკული სასმელი და მატონიზირებელი წყალი დაემატა. მომხმარებელს ახალი გემოების დაგემოვნება უკვე შეუძლია. ენერგეტიკული სასმელი „ვარდისფერი...

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება

„air georgia“ პირველი ქართული დაბალბიუჯეტიანი ავიაკომპანია, რომელიც „Wizzair“-ის და „ryanair“ - ის კონკურენტი იქნება
access_time2020-09-23 11:00:02
„Wizzair და ryanair“ შემდეგ ქართულ ავიაბაზარზე ახალი დაბალბიუჯეტიანი კომპანია იწყებს ოპერირებას. პროექტი ბრიტანული და არაბული ინვესტიციით ხორციელდება. „air georgia“-ს მოლაპარაკებები საქართველოს მთავრობასთან გადამწყვეტ ფაზაშია. ,,ჰაბ ჯორჯიას“ დამფუძნებელი გიორგი კოდუა კომერსანტთან საუბარში აცხადებს, რომ კორონავირუსით გამოწვეულმა პანდემიამ მსოფლიოს და მათ შორის საქართველოს რთული გამოწვევების პარალელურად ახალი შესაძლებლობები შეუქმნა.   „უპირობოდ გვაქვს შანსი, რომ...


მსგავსი სიახლეები

up