თბილისის ერთ-ერთი ცნობილი, პრემიუმ კლასის რესტორანი „ქალაქით“ ფრანგი ინვესტორები დაინტერესდნენ. ამის შესახებ "კომერსანტს" სანდო წყარომ განუცხადა. როგორც მედიაჰოლდინგისთვის ხდება ცნობილი არა ქართული ჯგუფი კომპანიის მფლობელებს 4,2 მლნ დოლარს სთავაზობს. შედგება თუ არა მსხვილი ბიზნესგარიგება ჯერჯერობით უცნობია, რადგან როგორც წყარო ამბობს, რთული პოლიტიკური და ეპიდემიოლოგიური სიტუაცია ობიექტის გასხვისებას მნიშვნელოვნად აფერხებს. აღსანიშნავია, რომ „ქალაქით“ ქართული სარესტორნო ბიზნესის წარმომადგენლებიც არიან დაინტერესებულები. რესტორნის მართვაში ერთ-ერთ მენეჯმენტ ჯგუფს უნდა შესვლა.
შეგახსენებთ, რომ თბილისის ერთ-ერთი ცნობილი, პრემიუმ კლასის რესტორანი კორონავირუსით გამოწვეული პანდემიის გამო ჯერ კიდევ მარტში დაიხურა. იქედან გამომდინარე, რომ ეპიდემიოლოგიური მდგომარეობა ქვეყანაში ყოველდღიურად მძიმდება მეწილეებმა ობიექტი გასაყიდად გამოიტანეს. ევროპული რესტორნის სავარაუდო ღირებულება თავდაპირველად 5 000 000 აშშ. დოლარი იყო. იჯარის სავარაუდო ღირებულება კი 12 000 დოლარი.
მაშინ როდესაც კოროვაირუსით გამოწვეული პანდემიის გამო სტუმართ-მასპინძლობის სექტორი უდიდესი დარტყმის ქვეშ აღმოჩდა, შედგება თუ არა 4,2 მლნ დოლარიანი ბიზნესგარიგება ჯერჯერობით უცნობია.
საჯარო რეესტრის ეროვნული სააგენტოს მეწარმეთა და არასამეწარმეო (არაკომერციული) იურიდიული პირების რეესტრიდან „შპს კოსტავა 2016“ შესახებ ინფორმაციის მიხედვით, კომპანია 2016 წელს დარეგისტრირდა. „შპს კოსტავა 2016“-ის დირექტორი თამარ მათიკაშვილი, მათიკაშვილია ასევე კომპანიის 60 პროცენტი წილის მფლობელია, ხოლო 20-20 პროცენტი კობა კვეტენაძეს და მიხეილი ჯაფარიძეს ეკუთვნით.
ბაჩო ადამია